ما اسم برامج الجرافيك التى صممت هذا الفيديو

[imatinib]

الصحف المصرية والعربية

ما اسم برامج الجرافيك التى صممت هذا الفيديو

و كيف يمكن تعلمها


اغلق السماعات لوجود موسيقى

اتمنى ان تساعدونى

 

[AlexG]

دا برنامج اسمه Adobe After Effects

وهوا عبارة عن برنامج مؤثرات فيديو رائع جدا بيستخدم فى عمل الخدع السينيمائية

البرنامج فى اخر نسخة ليه (محمول) CC

خد الصفحة دى هتلاقى مجموعة من الاصدارات المحمولة مش محتاجة تسطيب حمل الاصدار اللى يعجبك

وهتلاقى فى نفس الصفحة برنامج سونى فيجاس فيديو لعمل الافلام

يعنى ممكن بعد ما تخلص مقاطع فى الافتر افكت تجمعهم على الفيجاس واخر اصدار ليه 12

اما عن تعليم البرنامج فهو برنامج قوى والخدعة الصغيرة اللى ممكن تشوفها فى ثوانى معدودة ممكن تاخد
ساعتين تلاتة شغل عشان تتعمل دا غير وقت الريندر عشان تطلعها فى صورة كليب

من المهارات اللى بيعملها البرنامج الكومبوزيت Compositing يعنى يدمج اشخاص او كائنات فى اماكن تانية

زى صورة السيسى اللى ظهرت فى الاعلان عن استفتاء على الدستور وكان نايم على نفسه

جابوا راسه حطوها على جسم واحد لابس بدلة عسكرية قاعد على الكرسى الصف الاولانى فى فيديو الاعلان عن الاستفتاء

مع العلم ان المؤتمر ده متسجل ومذاع تسجيل عشان الفضيحة يعنى متبانش

لكن للاسف اللى شغال على الافتر افكت وعمل الفيديو ده نسى الرقبة - خد الراس ونسى الرقبة فانفضحت اللعبة

شوف المقالة دى

فيه تيوتوريالز كتيرة لتعليم البرنامج ممكن تجيبها من على النت بالعربى وبالانجليزى زى هنا مثلا

وفيه كمان قوالب جاهزة فيها كل الخدع وكل المطلوب منك انك تغير الصور الاصلية اللى فى القالب بالصور
بتاعتك اللى انتا عاوز تحطها والنصوص نفس الكلام

فيبقى عملت فيديو احترافى باقل وقت ممكن والقوالب دى موجودة فى فيديو هايف للبيع

لكن ممكن تحمل قوالب كتير من مواقع الجرافيكس زى ده

 

 

[imatinib]

جزاك الله خيرا

 

 

[روبين هود]

كنت عايز احمل مجموعة خطوط على برنامج فوتوشوب 2014 و يا ترى الاقى فى المنتدى مصمم جرافيك محترف

 

 

[حشيش]

اقتباس المشاركة الأصلية كتبت بواسطة روبين هود كنت عايز احمل مجموعة خطوط على برنامج فوتوشوب 2014 و يا ترى الاقى فى المنتدى مصمم جرافيك محترف

فيه موقع خدمات متنوعة إسمه خمسات ... زوره واكتب فى مربع البحث ما تشاء عن تعليم الجرافيك وأى خدمات ذات صلة به وستجد هناك شباب مبدع من مصر وكل الدول العربية وسيقدمون لك ما ترغب فيه مقابل مبلغ زهيد (خمسة دولارات عن الخدمة) ... ده رابط الموقع وأنا تعاملت معهم من قبل وموثوق بهم ويمكنك طلب إلغاء الخدمة لو لم تكن جادة ومطابقة لما ورد فى وصفها ... بالتوفيق

https://khamsat.com/

 

 

[روبين هود]

انا دخلت موقع خمسات و لاقيت انة مش هيفدنى فى حاجة انا مشكلتى هى انى باخد دبلومة جرافيك فى المركز الثقافى الروسى و لما ابتديت الدبلومة كانت مشكلتى اللى اتفاجات بيها هى انى جهاز الكمبيوت اللى عندى قديم اوى فكان لازم اغير الكيسة واشترى كيسة تانية طبعا بسبب الحيرة فى المواصفات و السعر و مكان الشراء كان فاتنى جزء كبير من الدبلومة يعنى انا النهاردة خلصت برنامج الفوتوشوب و المفروض ان يوم السبت القادم هبدا برنامج الاليستراتور و لكن للاسف فى حاجات كتير من برنامج الفوتوشوب واقعة منى و دة راجع لانى اتاخرت فى التطبيق لحين شراء جهاز جديد للتطبيق علية دة غير ضغط الشغل اللى انا فية مكنش بيدينى فرصة كافية للتطبيق فيا ترى الاقى هنا فى المنتدى واحد يكون شاطر فى مجال الجرافيك بحيث انة يساعدنى على مذاكرة الاجزاء اللى فاتتنى فى الدبلومة و اكون شاكر لية جدا