الضرائب العقارية ..من اجلك انت

[أحمد باشــا]

الصحف المصرية والعربية

اقتباس المشاركة الأصلية كتبت بواسطة brain الحصانه الاساسيه لنظام عداله اجتماعيه سليم هو نظام ضرائبي قوي

العدالة في الضريبة وسيلة و ليست هدف بحد ذاته يا برين

لأن الأصل هو العدالة في الفرص المتاحة و توزيع الثروة و تقديم الخدمات

الشعب لما يشعر ان الضرائب بتعود عليه في التعليم و الصحة و المرافق و زيادة فرص العمل هيبقى هو اللي بيطالب بتأدية الضرائب و يسعى اليها

لكن لما يتزامن زيادة الأعباء الضريبية مع الغاء التأمين الصحي و نقص فرص العمل و انتشار الواسطة و المحسوبية و تدهور التعليم و تدني الخدمات و المرافق مع اهدار المال العام و سرقته علنا بواسطة شلة المنتفعين .... المواطن هيستخسر يدفع قرش للضرائب و لازم يتهرب ضرائبيا

افشاء العدل في الحقوق مقدم على افشاء العدل في الواجبات و الإلتزامات

الشعب المصري عديم الثقة تماما في حكومته و عارف انها مثل المثل بتاع حاميها حراميها

خد النظافة كمثال .... بيحصلوها على فواتير الكهرباء بدون عدل ... انا شخصيا بأدفع 25 جنيه شهريا للنظافة على فاتورة كهرباء المكتب زائد رسوم النظافة على العوايد ... بس هي فين النظافة ؟؟؟؟؟؟؟؟؟؟؟

بأدفع تأمينات و انا متأكد انه لا طائل من ورائها .... لأن سن المعاش للمهندسين هو 65 سنة .......... هههههههههه ..... طيب حتى لو عشت لسن ال 65 في الكآبة دي تفتكر هأقدر استفيد من المعاش كام سنة بعدها ؟؟؟؟؟؟؟؟؟؟؟ يعني اقعد ادفع 40 سنة تأمينات عالفاضي و أصلا الدولة لعبت القمار بفلوس المعاشات و خسرتها ... و كمان النظام غريب يعني في الدول الأخرى بيعتبر اموال التأمينات استثمار للشخص يستطيع ان يستفيد بها وقتما يشاء بأي طريقة تعجبه .... لكن عندنا يحط لك شروط في المعاش و عدم الجمع كأنهم بيعطوك صدقة موش فلوسك اصلا .... و مين يستحق من الورثة و مين ميستحقش .... و الغريب اننا لو حاولنا تصور التأمينات كأنها تكافل اجتماعي سنصاب بالذهول .... لأن من يعجز عن دفع التأمينات المفروض انه يحصل على معاش .... لكن عندنا يحجزوا عليه و يبيعو املاكه كمان في مزاد علني و يشردوه .... يعني هي في الحقيقة نوع من الجباية الظالمة

الدولة المصرية تتفنن في الجباية و يدها ممسكة عن الإنفاق لمستحقيه و سخية جدا للهليبة

 

 

[أحمد باشــا]

اقتباس المشاركة الأصلية كتبت بواسطة بنت شعنونة - وسؤال على هامش المؤتمر التصرف في حالة زي حالتي دي يبقى ايه؟ وهل فعلا هوا ممكن يطردني فجأة عشان عقدي منتهى

طالما العقد محدد المدة فيستطيع طردك فعلا في خلال شهرين

و لازم تعملي عقد جديد و تتفقوا على ايجار جديد

و لما انتي يتقولي ان اصلا الأيجار باهظ فيستحسن ان تبحثي على شقة اخرى بإيجار معقول الأول قبل ما تناقشي المالك في كتابة عقد جديد .... على الأقل تبقى ورقة ضغط عليه

 

 

[بنت شعنونة]

قعدت اقرى شوية في القانون بس فيه حاجات ما فهمتهاش
ممكن حد يفهمهالي

نسبة الضريبة في القانون الجديد = 10% من القيمة الايجارية السنوية بعد استبعاد30% بالنسبة للسكني و 32% للغير سكني مقابل تكاليف الصيانة و بمراعاة حد الاعفاء 6000 جنيه المقرر للسكن


يعني ايه؟

 

 

[بنت شعنونة]

والله يا احمد باشا الراجل بتاعي مخه مفوت
يعني مش عاقل عشان تتوقع افعاله وهل فعلا لو مشيت يبقى ورقة ضغط والا لا
المشكلة بس في الشحططة ونقل التلفون بقى والعزال و التدوير ف الواحد راضي انه يدفع شوية زيادة واهو قاعد في حاله
انما انه يزود عليا بزيااااااااااااااادة ع الزيادة
يبقى لاءءءءءءءءءءء بقى يخرب بيته طالع واكل نازل واكل لما ها يموتني
وكل شهر يطلعلي بمصيبة جديدة ياخد فيها فلوس مني لما قرفني
اللي ها يجنني انه ما بياخدش من السكان التانيين زي ما بيعمل معايا
مش عارفا مستعفي عليا ليه


لما قريت القرار دلوقتي لقيت ابن اللذينه حاسبها بالورقة
يعني هوا زود عليا الايجار بنسبة 30% بالظبط
هل دلوقتي هيا دي النسبة اللي الضريبة ها تحصلها منه فعلا بناء على الكلام دا....

يتم حساب العبء الضريبي على النحو التالي..
تحديد القيمة الراسمالية للعقار والتي تبلغ 60% من قيمة السوق
-تحديد القيمة الايجارية السنوية للعقار والتي تبلغ 3% من القيمة الراسمالية له
-تقدير وعاء الضريبة من خلال استبعاد 30% من القيمة الايجارية السنوية للعقار مقابل تكاليف الصيانة التي يتكبدها المالك
-استبعاد حد الاعفاء الضريبي السنوي والمقرر ب 6000 جنيه للسكني
-تطبيق سعر الضريبة والباالغ 10% من القيمة الايجارية السنوية الصافية التي تم التوصل لها في الخطوة السابقة



انا بقى مافهمتش ولا كللللللللللمة من الحبة اللي فوق دول يعني الحساب ها يبقى ع الايجار اللي بياخده مني والا على سعر الوحده

 

 

[أحمد باشــا]

اقتباس يتم حساب العبء الضريبي على النحو التالي.. تحديد القيمة الراسمالية للعقار والتي تبلغ 60% من قيمة السوق -تحديد القيمة الايجارية السنوية للعقار والتي تبلغ 3% من القيمة الراسمالية له -تقدير وعاء الضريبة من خلال استبعاد 30% من القيمة الايجارية السنوية للعقار مقابل تكاليف الصيانة التي يتكبدها المالك -استبعاد حد الاعفاء الضريبي السنوي والمقرر ب 6000 جنيه للسكني -تطبيق سعر الضريبة والباالغ 10% من القيمة الايجارية السنوية الصافية التي تم التوصل لها في الخطوة السابقة

نفترض شقة قدرو سعرها السوقي بمليون جنيه

القيمة الرأسمالية لها هتبقى 60% من المليون جنيه يعني 600 الف جنيه

القيمة الإيجارية السنوية هتبقى 3% من القيمة السوقية اللي هي 600 الف = 18000 جنيه بمعدل 1500 جنيه شهريا

سيتم خصم الأعفاء الضريبي اللي هو 6000 جنيه من مبلغ ال 18000 جنيه ايجار سنوي

الباقي سيكون 12000 جنيه

الضريبة العقارية 10% من ال 12000 جنيه = 1200 جنيه بمعدل 100 جنيه شهريا

 

 

[brain]

شوفي يا شانا
لنفترض ان قيمه العقار 5.000.000 السوقيه ( خمسه مليون جنيه )
القيمه الرأسماليه 60% من القيمه السوقيه
5000000X 60%
3000000 جنيه
القيمه الايجاريه 3% من القيمه الراسماليه
3%X 3000000
90000 جنيه
30% خصم صيانه
يعني 27000 جنيه
الباقي = 90000 - 27000 = 63000 جنيه
خصم الاعفاء الضريبي 6000 جنيه
الباقي 57000 جنيه
10% الضريبه
الضريبه السنويه على العقار 5700 جنيه
لو افترضنا ان العقار به 10 شقق
اذن نصيب الشقه الواحده 570 جنيه
بالقسمه على عدد الاشهر 12 شهر
النصيب الشهري = 47.50 جنيه

برين محاسب قانوني و خبير ضرائب و مستعد لتخليص كل الاقرارات

 

 

[brain]

اقتباس المشاركة الأصلية كتبت بواسطة أحمد باشــا نفترض شقة قدرو سعرها السوقي بمليون جنيه القيمة الرأسمالية لها هتبقى 60% من المليون جنيه يعني 600 الف جنيه القيمة الإيجارية السنوية هتبقى 3% من القيمة السوقية اللي هي 600 الف = 18000 جنيه بمعدل 1500 جنيه شهريا سيتم خصم الأعفاء الضريبي اللي هو 6000 جنيه من مبلغ ال 18000 جنيه ايجار سنوي الباقي سيكون 12000 جنيه الضريبة العقارية 10% من ال 12000 جنيه = 1200 جنيه بمعدل 100 جنيه شهريا

نسيت يا باشا خصم الصيانه 30%

 

 

[أحمد باشــا]

اقتباس انا بقى مافهمتش ولا كللللللللللمة من الحبة اللي فوق دول يعني الحساب ها يبقى ع الايجار اللي بياخده مني والا على سعر الوحده

الحساب على التقدير السابق و لن يعتد بعقود الإيجار

و كمان هيعيدوا تقييم الوحدات كل سنة و يعدلو الضريبة كل 5 سنوات

يعني بعد 5 سنوات الشقة في المثال السابق هتبقى ب 2 مليون جنيه لإنخفاض قيمة العملة بمعدل 20% سنويا و ده معناه ان الضريبة هتزيد ل 25000 مثلا بمعدل 220 جنيه شهريا و هكذا ..... و هو ده الفخ المتين اللي موجود في القانون اللي نص على ثبات حد الأعفاء و في نفس الوقت اطلق حريتهم في اعادة تعديل قيمة الوحدات تصاعديا و النتيجة المؤكدة انه في يوم من الأيام مفيش شقة هتتمتع بأعفاء من ضريبة العقارات

 

 

[أحمد باشــا]

اقتباس المشاركة الأصلية كتبت بواسطة brain نسيت يا باشا خصم الصيانه 30%

تفتكر هتفرق معاهم .... ما هو في ايدهم يرفعو التقدير

 

 

[أحمد باشــا]

اقتباس المشاركة الأصلية كتبت بواسطة brain شوفي يا شانا لنفترض ان قيمه العقار 5.000.000 السوقيه ( خمسه مليون جنيه ) القيمه الرأسماليه 60% من القيمه السوقيه 5000000X 60% 3000000 جنيه القيمه الايجاريه 3% من القيمه الراسماليه 3%X 3000000 90000 جنيه 30% خصم صيانه يعني 27000 جنيه الباقي = 90000 - 27000 = 63000 جنيه خصم الاعفاء الضريبي 6000 جنيه الباقي 57000 جنيه 10% الضريبه الضريبه السنويه على العقار 5700 جنيه لو افترضنا ان العقار به 10 شقق اذن نصيب الشقه الواحده 570 جنيه بالقسمه على عدد الاشهر 12 شهر النصيب الشهري = 47.50 جنيه برين محاسب قانوني و خبير ضرائب و مستعد لتخليص كل الاقرارات

لا موش كده خالص

اصل حساب القيمة الإيجاريه دي كانت من ضمن شغلي

كل شقة بتتحسب لوحدها .... الا في حالة التماثل في تاريخ الإنتهاء و التشطيب و المساحة و الخدمات و الواجهة و بلاوي تانيه كثير

طريقتك دي تنفع في مشروع سكني به نماذج موحدة