مصر تبيع طن الرمل الزجاجي ب 3 دولار وتستورده ب 17 الف

[dr-amira]

الصحف المصرية والعربية

يدخل في تصنيع شاشات الكمبيوتر.. مصر تبيع طن الرمل الزجاجي لإسرائيل بـ 3 دولارات لتستورده مرة أخرى بـ 17 ألف دولار

كتب بدر الدين إبراهيم (المصريون): | 28-04-2010 01:00

كشف تقرير أعده الدكتور محمد النشرتي، أستاذ الاقتصاد بإحدى الجامعات الخاصة عن قيام مصر بتصدير طن الرمل الزجاجي، المخصص لصنع الإلكترونيات إلى إسرائيل مقابل أربعة دولارات فقط للطن الواحد، وتقوم باسترداده في صورة منتجات إلكترونية مقابل 17 ألف دولار للطن.

وقال النشرتي إن إسرائيل تقوم ببيع هذه الرمال إلى الولايات المتحدة بـ 12 ألف دولار ثم تستورده مصر منها بـ17 ألف دولار على هيئة أجهزة الكترونية وكهربائية، وهو ما دفع اللواء مراد موافي محافظ شمال سيناء إلى تقديم اقتراح للحكومة المصرية بإنشاء مجمع صناعي للاستفادة بهذه الرمال وتوفير فرص عمل للشباب.

الدكتور ماجد الشريف خبير إلكترونيات أكد أن معظم الإلكترونيات القائمة الآن في العالم تعتمد علي الرمال، مشيرا إلى أن سيناء منبع لنوعية هذه الرمال سواء التي تدخل في التكنولوجيا المتمثلة في الأجهزة الكهربائية والإلكترونية والتي تدخل في مختلف أنواع الزجاج، وتعد منطقة بئر عيد هي أشهر المناطق التي يستخرج منها الرمل الزجاجي.

وأوضح أن مصر أصبحت لديها خبراء في صناعة الإلكترونيات وتستطيع إنشاء مصانع والعمل علي تصنيع هذه الأجهزة التي تستوردها بأسعار مرتفعة.

وتقوم مصر بتصدير الرمل الزجاجي الأبيض ويدخل هذا الرمل في صناعة الزجاج والكرستال والعدسات الطبية وشاشات الكمبيوتر.
يا قوم ....اليس فيكم رجل رشيد........؟

 

[HAMOUDI]

ده ردي على عنوان الموضوع اول ماقريته
ومااستبعدتش الي جواها
وده ردي على الي داخل الموضوع وعلى حالنا

 

 

[dr-amira]

و الله احنا حالنا بقى يبكى فعلا ....ما فيش تخطيط لاى حاجة ... وكل الامور ارتجالية..بالرغم من وجود مستشارين بالعشرات لكل وزير و كل واحد فيهم بيقبض قد كده بس شغلتهم ايه ما اعرفش ..بيشوروا بايه ولا دارسين ايه ...الله اعلم

 

 

[اسد الاقصى]

وكم ذا بمصر من المضحكات-------------- ولكنه ضحك كالبكاء

 

 

[abysaleh]

أنا اول ما قريت الموضوع دا صعقت والله
ياربيييييييييييييييييي.... حتى الرمل ما سابهوش في حاله
فاضل يبيعوا ايه تاني لاسرائيل؟؟؟؟؟؟
ح يبيعونا احنا واللا اسرائيل مش محتاجة شعب

يا عاااااااالم.....
مصر هي اللي اكتشفت صناعة الزجاج من ايام الفراعنة .....وليست بعثة رومانية كما جاء في كتب التاريخ

مصر بها افضل انواع الرمال الخاصة بتصنيع جميع انواع الزجاج

زي سيناء وكمان رمال شواطئ مرسى مطروح من افضل الانواع

مصر صناعة الزجاج مترسخة فيها من زماااان جدا..... بس للاسف.... المصانع الكبيرة امموها...وبعدين بيدوروا انهم يخصخصوها....بعد ما نهبوها وبوظوها

بس مليانة ورش تصنيع زجاج صغيرة ..... يعني تصنيع الزجاج دا حرفة متوارثة في بعض الاسر المصرية ابا عن جد

لسة باه عايزين يدوروا على خبرات اجنبية بتقبض الاف الدولارات في الشهر علشان يعمل لهم خطة انتاجية.......وللاسف مصر فيها ....ومش مبلغة ولا تحيز....بس فيها كوادر ذات خبرات في تصنيع الزجاج بجميع انواعه.... بس للأسف ما بيعترفوش بيهم

حسبي الله ونعم الوكيل