Arabic Discussion Forum with a Special Interest in Travel and Immigration

nash · 20th March 2011, 11:40 AM

هل ينفع قانونيا أو أخلاقيا أن يعيد اللص ماسرقه من حق غيرة وتغلق القضيه علي هذا الأساس ؟

أين الحق العام في القصاص؟

ألا يفتح هذا التصرف لو حدث الباب علي مصراعيه لباقي اللصوص لإرتكاب السرقه ثم الإفلات من العقاب إذا إنكشف ورد ماسرقه؟

هناك عروض مقدمه إلي المستشار عبد المجيد محمود من 6 من رجال الأعمال اللصوص بتسديد تقريبا 2 مليار و375مليون جنيه و 5 ملايين متر في الساحل الشمالي

رجال الأعمال اللصوص هم

أحمد عز ... عرض رد مليار جنيه قيمه إستيلائه علي أسهم شركات حديد السويس

الإماراتي عمر الفطيم عرض أيضا سداد مليار جنيه

حسين سجواني رئيس مجلس إدارة شركه داماك عرض 150 مليون جنيه قيمه فرق سعر قطعه ارض خصصها له زهير جرانه

هشام الحاذق عرض 150 مليون جنيه قيمه فرق سعر قطعه أرض حصل عليها من جرانه في منطقه جمشه بالغردقه

منير غبور عرض 75 مليون جنيه

أبو العنين عرض رد قطعه أرض مساحتها 5 مليون متر مربع في الساحل الشمالي

المصدر القضائي يقول

اقتباس


	وقال مصدر قضائى إن هذا الأمر يتطلب إجراء تحقيقات فى وقائع التخصيص والبيع، فإذا تبين من التحقيقات وجود شبهة جنائية فى عملية التخصيص، فإن القانون يستوجب محاكمة رجل الأعمال، والمسؤول الذى وافق له على البيع أو التخصيص، أما إذا أثبتت التحقيقات أن رجل الأعمال حصل على الأرض بحسن نية، ولا توجد شبهة جنائية ففى تلك الحالة قد يكون من المجزى الموافقة على سداد فارق السعر لإعادة أموال البلاد ممن استولوا عليها. وكشف المصدر عن أن هناك ٩ رجال أعمال تقدموا بطلبات لتسديد فارق السعر فى أراض حصلوا عليها بأسعار أقل.

طيب ماهو كده كله هايقول حسن نيه ويطلعوا من الموضوع... والقضيه تنتهي ويضيع حقنا في محاسبتهم لإخذ حق مش حقهم وتضييع فرص كبيرة علي ناس أولي منهم مليون مرة ....

شخصيا كمصريه أطالب بالقصاص منهم بعد رد الحقوق لإصحابها

Remooo · 20th March 2011, 11:48 AM

لا طبعا
قالوا للحرامى احلف....هايقول والله والله والله كنت حسن النية
فيه ايه يا جدعان هى الفرحة هاتنسينا ايه اللى بيتعمل فى الاحوال دى ولا ايه؟؟
الناس دى معاها فلوس وسارقة فلوس او اراضى
يبقى يتحجز على اموالهم بما قيمته مساوية للارض دى او مساوية للى اتسرق باى صورة من الصور
مع تطبيق العقوبة ايا كان درجتها
وان شاء الله بسيطة

مودة · 20th March 2011, 12:01 PM

دعوه لموضوعي

مدونة مودتي بلا حدود

قولوا للي اكل الحرام يخاف
قولوا للى اكل الحرام يخاف بكرة اللى كالوه يفسدوا
يابا الغنى بالحرام لو شاف ابن الحلال يحسدوا
ناس بتعبى فى شكاير مآأسى معاصى وخساير
ناس بتعبى فى شكاير مآأسى معاصى وخساير
مين باع ضميره دا مالوا مهما يسدد فى ماله
مين باع ضميره دا مالوا مهما يسدد فى ماله
ولا يعلى فى عماير .. مصيره مستقصدوا
قولوا للى اكل الحرام يخاف بكرة اللى كالوه يفسدوا
يابا الغنى بالحرام لو شاف ابن الحلال يحسدوا

تبقى الحكاية اذا .. مش ملوا ما فى الخزن
تبقى الحكاية اذا .. مش ملوا ما فى الخزن
دا باللى نختاروا ودا عالميزان اتوزن
فى ناس عمالها مالها وخيرها بتقصدوا
ناس بتعبى فى شكاير.. مآأسى معاصى وخساير
ناس بتعبى فى شكاير.. مآأسى معاصى وخساير
مين باع ضميره دا مالوا.. مهما يسدد فى مالوا
مين باع ضميره دا مالوا.. مهما يسدد فى مالوا
ولا يعلى فى عماير .. مصيره مستقصدوا
قولوا للى اكل الحرام يخاف بكرة اللى كالوه يفسدوا
يابا الغنى بالحرام لو شاف ابن الحلال يحسدوا
..................

abysaleh · 20th March 2011, 12:02 PM

لا طبعا ما ينفعش
دول لازم يتطبق عليهم شرع ربنا وتتقطع ايديهم وتتصادر اموالهم... علشان اللي ييجي بعد كدا يبقى ادامه عبرة وعظة ويفكر ميت مرة قبل ما يسرق ويستغل سلطته وبابا غنوجه

nash · 20th March 2011, 12:03 PM

اقتباس

المشاركة الأصلية كتبت بواسطة ريم رجب


	لا طبعا قالوا للحرامى احلف....هايقول والله والله والله كنت حسن النية فيه ايه يا جدعان هى الفرحة هاتنسينا ايه اللى بيتعمل فى الاحوال دى ولا ايه؟؟ الناس دى معاها فلوس وسارقة فلوس او اراضى يبقى يتحجز على اموالهم بما قيمته مساوية للارض دى او مساوية للى اتسرق باى صورة من الصور مع تطبيق العقوبة ايا كان درجتها وان شاء الله بسيطة

بالظبط ياريم أسهل حاجه الكذب والأسهل الحلفان وتضييع حقوق شعب أقصي طموحات الغالبيه منه مكان بسيط آدمي يعيش فيه ... يبأة ليه ممكن نتهاون في حق من حقوقنا؟

nash · 20th March 2011, 12:05 PM

اقتباس

المشاركة الأصلية كتبت بواسطة مودة


	قولوا للي اكل الحرام يخاف قولوا للى اكل الحرام يخاف بكرة اللى كالوه يفسدوا يابا الغنى بالحرام لو شاف ابن الحلال يحسدوا ناس بتعبى فى شكاير مآأسى معاصى وخساير ناس بتعبى فى شكاير مآأسى معاصى وخساير مين باع ضميره دا مالوا مهما يسدد فى ماله مين باع ضميره دا مالوا مهما يسدد فى ماله ولا يعلى فى عماير .. مصيره مستقصدوا قولوا للى اكل الحرام يخاف بكرة اللى كالوه يفسدوا يابا الغنى بالحرام لو شاف ابن الحلال يحسدوا تبقى الحكاية اذا .. مش ملوا ما فى الخزن تبقى الحكاية اذا .. مش ملوا ما فى الخزن دا باللى نختاروا ودا عالميزان اتوزن فى ناس عمالها مالها وخيرها بتقصدوا ناس بتعبى فى شكاير.. مآأسى معاصى وخساير ناس بتعبى فى شكاير.. مآأسى معاصى وخساير مين باع ضميره دا مالوا.. مهما يسدد فى مالوا مين باع ضميره دا مالوا.. مهما يسدد فى مالوا ولا يعلى فى عماير .. مصيره مستقصدوا قولوا للى اكل الحرام يخاف بكرة اللى كالوه يفسدوا يابا الغنى بالحرام لو شاف ابن الحلال يحسدوا ..................

تصدقي وتآمني بالله يا موده .. لا إله إلا الله ... اول مرة سمعتها أتنفضت فعلا كل واحد سرق ونهب وأكل حق غيرة بالحرام بكرة مصيرة يستقصده

nash · 20th March 2011, 12:08 PM

اقتباس

المشاركة الأصلية كتبت بواسطة abysaleh


	لا طبعا ما ينفعش دول لازم يتطبق عليهم شرع ربنا وتتقطع ايديهم وتتصادر اموالهم... علشان اللي ييجي بعد كدا يبقى ادامه عبرة وعظة ويفكر ميت مرة قبل ما يسرق ويستغل سلطته وبابا غنوجه

القانون بيحميهم يابيرو .. الثغرات القانونيه اللي نفسي تتسد بأسمنت مسلح هاتلاقيلهم مخرج من الورطه ... وأكيد فيه ناس ممكن تفرح برجوع الحق وتنسي القصاص ... للأسف الشديد

أحمد باشــا · 20th March 2011, 12:09 PM

اقتباس

المشاركة الأصلية كتبت بواسطة abysaleh


	لا طبعا ما ينفعش دول لازم يتطبق عليهم شرع ربنا وتتقطع ايديهم وتتصادر اموالهم... علشان اللي ييجي بعد كدا يبقى ادامه عبرة وعظة ويفكر ميت مرة قبل ما يسرق ويستغل سلطته وبابا غنوجه

كنت داخل اقول كده سبقتيني

مودة · 20th March 2011, 12:09 PM

دعوه لموضوعي

مدونة مودتي بلا حدود

اقتباس

المشاركة الأصلية كتبت بواسطة nash


	تصدقي وتآمني بالله يا موده .. لا إله إلا الله ... اول مرة سمعتها أتنفضت فعلا كل واحد سرق ونهب وأكل حق غيرة بالحرام بكرة مصيرة يستقصده

لا اله الا الله سيدنا محمدا رسول الله
ربنا سبحانه وتعالى كشفهم وقدرنا وقبضنا عليهم
نقوم ايه نسيبهم كده
لا والف لا
القصاص القصاص
شوفي كده حديث الرسول صلى الله عليه وسلم
قال الرسول صلى الله عليه وسلم ("إنما أهلك الذين من قبلكم أنهم كانوا
إذا سرق فيهم الشريف تركوه، وإذا سرق فيهم الضعيف أقاموا عليه الحد،
والله لو أن فاطمة بنت محمد سرقت لقطعت يدها".)

bond · 20th March 2011, 12:13 PM

الاصل فى العقوبه هو الخطوره على المجتمع وافساد الذمم وتكريس الظلم الاجتماعى وانهيار منظومة القيم
انا ارى ان هؤلاء البشر يجب ان تؤمم ممتلكاتهم لصالح الشعب والحكم عليهم بتكملة حياتهم فى سجن المزرعه يزرعوا فراوله وكنتالوب

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
طائرة حربيه عاجله لبور سعيد	شؤون مصر الداخلية	ابو السام المصرى	4	1635	10th February 2012 04:45 PM
محاوله إغتيال أبو حامد	شؤون مصر الداخلية	سهران لوحدى	13	2236	10th February 2012 03:07 PM
هو فيه ايه في الشارع؟	شؤون مصر الداخلية	aymanology	41	3420	8th February 2012 12:22 PM
عااجل هشام طلعت مصطفي الحكم نهائي	المفسدون فى الأرض	AzzA	10	2801	6th February 2012 05:28 PM
هاتنتخبوا مين وليه؟	إنتخابات الرئاسة	dr-amira	56	3522	6th February 2012 04:13 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بدر لفاروق حسني:موافي هوة اللى ورا اشاعة الشذوذ	حسام	صحافة ... إعلام ... سينما ومسرح	2	18th June 2011 06:52 AM
وفاة حسني مبارك ...ايه اللي يحصل لو اذيع الخبر ده	يوبي	ثورة مصر ... 25 يناير 2011	29	17th April 2011 02:49 PM
مين اللى سرق مصر	محمد المرى	شؤون مصر الداخلية	0	27th December 2009 02:21 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون مصر الداخلية

ينفع اللي سرق يسوي وضعه وخلاص؟