Arabic Discussion Forum with a Special Interest in Travel and Immigration

حسام · 30th November 2008, 09:49 PM

الصحف المصرية والعربية

يهمنى اعرف التكلفة الكلية والوقت اللازم حتى السفر يا عزيزى الأهلاوى

الأهلاوي الأصيل · 30th November 2008, 10:07 PM

اقتباس

المشاركة الأصلية كتبت بواسطة حسام


	يهمنى اعرف التكلفة الكلية والوقت اللازم حتى السفر يا عزيزى الأهلاوى

التكلفة المالية:
1- ال Assessement ودي قلنا تكاليفها في السابق
2- ال EOI ودي 400 دولار
3- مصاريف ال processiong ودي بتعبتها بشيك مع الورق
ودي بتخلتف حسب الجنسية وحسب بلد الإقامة ، وممكن تعرفها من موقع الهجرة.
4- مصاريف اللاندنج
ده بخلاف مصاريف الكشف الطبي والإيلتس والفيش والتشبيه واستخراج الأوراق والبريد والكلام ده.
الأرقام بالتفصيل على موقع الهجرة
https://www.immigration.govt.nz/
وإن شاء الله اكتبها خلال الشرح
الوقت ....الإجراءات سريعة جداً ، أكتر حاجة هتعطلك هي ال assessment اللي في الأول، بعد ما يخلص ويجيلك ال report ممكن كل الإجراءات تبقى منتهية وتاخد الفيزا في أقل من سنة

drbeso · 30th November 2008, 10:18 PM

شباب ليه استراليا مش في دماغكو
؟؟
ليه اتجهتو لنيوزلاندا؟
انا في دماغى الان
استراليا بنسبه 70%
كيبك 30%
مش بفكر في نيوزلاندا

No Body · 30th November 2008, 10:33 PM

معلش يا أهلاوي في موضوع الفيس الاختيارات بتاع نوع الفيزا متشابهة كتير

وأعتقد إن أغلبنا هجرة للإقامة .. يبقى نختار أي واحد فيهم ؟

كمان عاوز أعرف الوظائف المطلوبة ؟

متهيألي نفتح توبيك للأسئلة والإجابة بعيد عن توبيك الشرح .. رأيك إيه

الأهلاوي الأصيل · 1st December 2008, 04:44 AM

اقتباس

المشاركة الأصلية كتبت بواسطة no body


	معلش يا أهلاوي في موضوع الفيس الاختيارات بتاع نوع الفيزا متشابهة كتير وأعتقد إن أغلبنا هجرة للإقامة .. يبقى نختار أي واحد فيهم ؟ كمان عاوز أعرف الوظائف المطلوبة ؟ متهيألي نفتح توبيك للأسئلة والإجابة بعيد عن توبيك الشرح .. رأيك إيه

إيه رأيك نكمل الشرح للآخر
فيه نقطة مهمة ، أنا مش ضليع قوي في الموضوع لإني لسه على البر ..ما خضتش التجربة يعني
كل اللي أعرفه هاقوله والباقي هندور عليه ونستكشفه مع بعض

حسام · 1st December 2008, 06:05 AM

معلش يا جماعة
احنا ممكن نسيب الزميل الاهلاوى يكمل الاول
ونخلى أسئلتنا لما يخلص
اتفضل كمل ياعزيزى اهلاوى

الأهلاوي الأصيل · 1st December 2008, 07:43 AM

نيجي للخطوة التالية من من الأجراءات وهي البداية الفعلية لإجراءات الهجرة
وهي اسمها Expression of Interest أو اختصاراً EOI
لازم في الأول نعرف نظام النقاط، نظام النقاط معقد شوية وصعب الشرح ، وعموماً هتلاقوه في الملف الموجود على الرابط التالي
https://www.4shared.com/file/73922852/7b9f03/NZ_doc.html
وتقدر من خلاله إلى حد ما تقيم النقط اللي ممكن تجيبها.
اللي يجيب أقل من 100 نقطة: طلبه بيترفض مباشرة
ما بين 100- 140: طلبه بيدخل في قرعة ولو ما تمش اختياره بيخش القرعة التالية ليها بعد 6 شهور
أعلى 140: بيتم اختياره من القرعة اتوماتيكياً - أو بمعنى أصح معفى من القرعة
EOI دي زيها بالظبط زي ال simplified application بتاعت كندا، لكنها فيها ميزة عنها إنها بتقدر تملاها وتبعتها وتدفع الفلوس أون لاين من على الموقع الرسمي للهجرة
https://www.immigration.govt.nz/
أول خطوة إنك بتعمل account لنفسك على الموقع وتاخد username و password
تقدر بعدها تدخل على ال account بتاعك ، وتبدأ تنشأ ال EOI الخاصة بيك
طبعاً الفئة اللي احنا بنتكلم عليها هي Skilled migrand Category
بالمناسبة في الموقع دايما لما يقول visa يبقى المقصود اللي بيقدم من خارج نيوزيلاند ولما يقول permit يبقى يقصد التقديم من داخل نيوزيلاند
ال EOI طويلة جدا ومملة جدا، وبتكتب فيها كل التفاصيل عن حياتك تقريباً - كل أوراقك - شهاداتك
حتى لدرجة أرقام شهادات الميلاد ورخص القيادة....كل كل حاجة
وهو في الموقع بيقولك إن ملئها بيستغرق حوالي أسبوع ، بس لو قعدت عليها ممكن تخلصها في يوم أو يومين
فيه ميزة كويسة قوي في الموقع، هو إن ال toolbar بتاع الموقع بيحسب النقاط بتاعتك بشكل تلقائي وانت بتدخل بياناتك ، وبالتالي عند نهاية كتابة ال EOI بتكون عرفت النقط بتاعتك بالظبط حسب التقييم بتاعهم ، وعرفت موقفك إذا كنت داخل القرعة أو معفى منها ، أو لا قدر الله مرفوض من الأساس.
خلي بالك وانت بتدخل بيانات مؤهلاتك الدراسية والعملية هتحتاج ال reference number بتاع ال NZQA ودي أهمية ال assessment اللي بتعمله في الأول خالص قبل ما تبدأ في إجراءات الهجرة.
بعد ما تخلص ال EOI بتعملها submit وتدفع الرسوم عبارة عن 400 دولار نيوزيلاندي بال credit card
أو بتطبعها وتبعتها بالبريد مع الرسوم ب draft chique بس تقريباً في الحالة دي الرسوم بتزيد 10 دولار إضافية.
والعنوان اللي بتبعت عليه مكتوب في الموقع حسب الجنسية وحسب الدولة اللي انت مقيم فيها

حسام · 1st December 2008, 08:04 AM

الف شكر يا عم اهلاوى

drbeso · 1st December 2008, 12:07 PM

انا اسف اذا كنت باقطعكم في الكلام بس محدش رد عليا قبل كده
لما سالت ليه انتو مستبعدين استراليا
؟؟
ياريت تقوليلي يا جماعه
ربنا ييسر ان شالله

No Body · 1st December 2008, 01:01 PM

اقتباس

المشاركة الأصلية كتبت بواسطة drbeso


	انا اسف اذا كنت باقطعكم في الكلام بس محدش رد عليا قبل كده لما سالت ليه انتو مستبعدين استراليا ؟؟ ياريت تقوليلي يا جماعه ربنا ييسر ان شالله

لا يا دكتور

استراليا مش مستبعدة

بس على ما أعتقد أصبحت إجراءاتها بتأخد وقت أطول من نيوزيلندا

كمان سمعنا إن فيها عنصرية بشكل ما

لكن برضه أكيد حا تكون اختيار تالت

ولو عندك موضوع كامل يا دكتور عن استراليا ياريت تفتح لنا توبيك جديد

ربنا معاك ومعانا

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دليلك إلى الهجرة لكندا	Admin	دليلك إلى الهجرة لكندا	261	9th December 2018 12:40 PM
الهجرة إلى سيوة	Prof	قهوة المطاريـــــــــــــــــد	34	15th May 2015 12:31 PM
أرغب فى الهجرة إلى نيوزيلاندا ... برجاء المساعدة	amoun_ra3	الهجرة إلى أستراليا ونيوزيلاندا والسويد	7	7th March 2015 06:16 PM
العدول عن فكرة الهجرة إلى كندا	tadj	الهجرة إلى كندا	55	1st January 2014 02:15 PM
أرشيف الهجرة إلى كندا	Rapt	الهجرة إلى كندا	4	2nd January 2012 05:04 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى أستراليا ونيوزيلاندا والسويد

الهجرة إلى نيوزيلاندا