استفسار بخصوص فيزا كارد الانترنت

[حسام]

الصحف المصرية والعربية

السلام عليكم ورحمة الله وبركاته
بدون الدخول فى انواع الفيزا كارد
ولو ان العبدلله بيتلخبط فى أنواعهم
سؤال بسيط اتسألت فيه حدانا فى البلد
كارد فيزا الانترنت زي بتاعة بنك مصر والبنك الاهلى
هل تصلح للدفع زي باقى أنواع كرود الائتمان
يعني لو فيه صدق عايز يدفع رسوم الهجرة الى كندا
هل فيزا كارد الانترنت تنفع؟
ولو لا
ايه الحاجات اللى فيزا الانترنت ماتقدرشي تعملها زي كارد الفيزا العادي؟

 

[Eng Hesham]

اعتقد الفيزا انترنت تنفع فى الهجره
لانها بتستخدم فى دفع الفواتير على النت و الشراء اونلين
اللى متاكد منه انها مش بتسحب نقدى من ماكينات الصراف الالى

 

 

[Dr-Alrefa3y]

فيزا النت تقدر تتسوق بيها وتشترى اى شىء من على الانترنت ,تقدر تدفع الفيز للسفارة او لاى جهة اخرى
بس يكون فيها رصيد يكفى لانها غالبا بيكون رصيدها قليل ,

تختلف عن الفيزا العادية بأن لا تسطيع تشترى بفيزا الانترنت من مول او متجر مثلا الا اذا كان الشراء عن طريق النت ,بالاضافة انك لاتسطيع سحب نقدا من فيزة النت بخلاف الفيزا العادية

 

 

[حسام]

الف شكر باشمهندس هشام
د.فارمابرينس
يعني الراجل يقدر يدفع يفيزا النت رسوم الهجرة؟

 

 

[بندق]

اقتباس المشاركة الأصلية كتبت بواسطة pharma prince فيزا النت تقدر تتسوق بيها وتشترى اى شىء من على الانترنت ,تقدر تدفع الفيز للسفارة او لاى جهة اخرى بس يكون فيها رصيد يكفى لانها غالبا بيكون رصيدها قليل , تختلف عن الفيزا العادية بأن لا تسطيع تشترى بفيزا الانترنت من مول او متجر مثلا الا اذا كان الشراء عن طريق النت ,بالاضافة انك لاتسطيع سحب نقدا من فيزة النت بخلاف الفيزا العادية

هناك اختلاف جوهرى آخر انها مصممة بحد ائتمانى محدود حتى تقلل من مخاطر السطو عليها .. ولها وعليها ما على الفيرا الأصلية المرتبطة بها

 

 

[Dr-Alrefa3y]

اقتباس المشاركة الأصلية كتبت بواسطة حسام الف شكر باشمهندس هشام د.فارمابرينس يعني الراجل يقدر يدفع يفيزا النت رسوم الهجرة؟

يتكل على الله بس ياخد باله من نقطة الرصيد ,يعنى مثلا انا ديما فيزة النت بتكون فى حدود 100 دولار ,
لكن الفيزا العادية بيكون رصيدها زى ما انت عايز .

خلى بالك هو يقدر يدفع بالفيزا العاديه عن طريق النت بردة وطالما للسفارة بتكون العملية مضمونه لكن لايستخدم الفيزا العادية فى الشراء على النت لتقليل مخاطر السرقه

تحياتى

 

 

[حسام]

الف شكر ياباشمهندس بندق
الف شكر د .فارما
جزاكم الله كل خير
واللى يقدر يوضح الفروق بين الكريديت كارد والديبيت كارد
وكل انواع الكارد بما فيهم كروت النت
يبقي كتر خيره
والموضوع يبقي مفيد لكل اللى مش عارف الكروت دي كلها
مساؤكم معطر برائحة الياسمين

 

 

[ELSOHAGY]

اقتباس المشاركة الأصلية كتبت بواسطة pharma prince يتكل على الله بس ياخد باله من نقطة الرصيد ,يعنى مثلا انا ديما فيزة النت بتكون فى حدود 100 دولار , لكن الفيزا العادية بيكون رصيدها زى ما انت عايز . خلى بالك هو يقدر يدفع بالفيزا العاديه عن طريق النت بردة وطالما للسفارة بتكون العملية مضمونه لكن لايستخدم الفيزا العادية فى الشراء على النت لتقليل مخاطر السرقه تحياتى

ملاحظه مهمه جدا..
فيزا البنك الاهلى العاديه لا يمكن استخدامها على النت لانهم بيعتبروها حمايه ليها و هى فى ذلك تختلف عن كل البنوك الاخرى..

 

 

[بندق]

اقتباس المشاركة الأصلية كتبت بواسطة حسام الف شكر ياباشمهندس بندق الف شكر د .فارما جزاكم الله كل خير واللى يقدر يوضح الفروق بين الكريديت كارد والديبيت كارد وكل انواع الكارد بما فيهم كروت النت يبقي كتر خيره والموضوع يبقي مفيد لكل اللى مش عارف الكروت دي كلها مساؤكم معطر برائحة الياسمين

الكريديت كارد هو كارد تدفع به ويحصل البنك منك القيمة بعد 50 يوم
وهو مرتبط بشركات عالمية لها نظام عالمى فى الدفع والقبول لدى ملايين الشركات والمؤسسات والجهات التى تقدم خدمة أو تبيع سلعة .. الحد الائتمانى هنا هو حسب الحد الممنوح من البنك وحد العمليات هو الفرق بين العمليات الغير مسددة والحد الائتمانى

الديبيت كارد هو مرتبط بحسبك البنكى ويتم الدفع منها تبعا لتوفر الرصيد ومعظم البنوك تضع حد أعلى للعمليات اليومية

الديبيت كارد أساسا يكون كارد محلى .. الا اذا طلبت تلك الخدمة من البنك .. ويوجد علامات على الكارد توضح اذا كان دولى ولا لأ .. منها ميستريو والكترون وفيزا

 

 

[شينكاوي]

الانترنت كارد للإنترنت بس يا حسام وهي متنفعش تستخدم لا للشراء بالبوينت اوف سايل ولا للسحب الكاش , في نوع من الانترنت كارد بيبقي انت محدد الليمت بتاعه ومتقدرش تزيد عن الليمت دا وفي حاجة أفضل وأأمن إسمها internet charge card ودي يا معلمي الكاش الافيلبل فيها بيبقي زيرو وانت بتودع فيها المبلغ اللي انت عاوز تستخدمه علي النت فقط في كل مرة وبالتالي يبقي لو في محاولة هاكنج بعد ما تخلص معاملتك الهاكر مش هيلاقي حاجة يلطشها وهيرجع هاكه يقمر عيش , البنوك بتختلف في طريقة تعاطيها مع ال charge card فمن تلك البنوك من يأخذ عمولة التجديد السنوية للكارت فقط ومنها من يضيف بعض الحبشتكنات وكعادة البنوك يقرطس العميل في عمولات زيادة .