انا عاوزة اتعلم فرنساوى بجد

[قاهرية]

الصحف المصرية والعربية

يا جماعه انا بجد عاوزة اتعلم فرنساوى
يعنى عاوزة اتقن اللغه الفرنسية
مش مجرد اعرفلى كلمتين هنا وكلمتين من هناك
بقالى تلات شهووووور بلف فى النت
جربت مواقع اشكال والوان
كلها عبارة عن دروس متفرقة
بس انا لا قادرة اعرف انا كدة ماشية صح ولا انا وصلت لحد فين
حد ابن حلال او بنت حلال
بقى يقوللى موقع
بس ايه يكون من الاخر
يعنى عبارة عن ليفلز مستويات يعنى
مش دروس متفرقة
ويكون متكامل مش الاساسيات ولو حبيت كورس متقدم ابقى اعمل اشتراك
يعنى يكون كله بالمجان ميوقفنيش فى النص
وابقى ادفع عشان اكمل
والاهم يكون فيه اختبارات قياس مستوى
مش مهم يكون بالعربى
ممكن يكون بالانجلش
عاااادى
يكون منظم وواضح ومعروف اوله من اخرة
اقولكم بعض المواقع اللى جربتها عشان تبقو معايا فى الصورة

french tuturial
ده شوية كلام فاضى اللى خدناهم فى ثانوى والباقى لازم تشترك
internet poly glot
ده حلو اوى فى حفظ الكلمات لكن جرامر متلاقيش
mocha
ده مفهمتش منه حاجة معرفتش اجيله منين وكمان حست انه معلومات بسيطة اووى
وانا الحمدلله عديت مرحلة المبتدئين فى اللغه عاوزة اكمل
lnguage guide
هو حلو بس شرحة مختصر اووى وفى حاجات معرفتش افهمها منه
والعديد من المواقع الاخرى بس دول اللى طولت فيهم
جزاكم الله كل خير فيا مقدما

 

[Morial]

je french .com

 

 

[Stream Rock]

انا عمالة الف زيك كده بس انا لسه مبتدئين والنهاردة لقيت الموقع ده

https://www.busuu.com/enc/home

ربنا معاكي وبالتوفيق :)

 

 

[فدائى النبى]

بصى يا قاهرية
فية برنامج اسمة french delux البرنامج ده جامد فى تعليم الفرنسى باللهجة الكندية
اولا بيبداء معاكى من اول الحروف لحد المحادثات و طبعا فيه شغل للمقالات
كمان فيه تقييم فورى للنطق من اول الحروف لحد الجمل الكاملة و فية بعد كل درس اختبار و لعبة
اللعبة بتكون علشان تحسن مهارات اللغة
كمان فيه محادثات تفاعلية يعنى حد يكلمك و انتى تردى عليه
و فيه قاموس
و مقسم الى مستويات من المبتدئين الى المتقدمين
البرنامج ده و انا بدور علية لقيت واحد عارضة ب 50 جنية
اتصلت بية بالتليفون و قابلنى فى التحرير و جابلى الاسطوانات
الحقيقة رقمة مش معايا لأنى دلوقتى برة مصر بس ممكن تبحثى على اسم البرنامج فى المنتديات العربية و ان شاء الله هاتوصليلة
بالتوفيق

 

 

[kareemabdou]

انا شايف يا قاهرية ان البداية دايما بتكون صعبة و لازم تكون مع مدرس لغاية اول تلات مستويات على الاقل

وحاولى تدرسى من حاجة واحدة لان ده بيعمل تشتيت و بيضيع الوقت
انا عن نفسى بدرس من الكتاب ده
الكتاب عبارة عن 3 اجزاء كل جزء 4 مستويات
يعنى جزئين يوصلوكى للمستوى 8 بس طبعا لازم مع مدرس

اما عاى النت بحل تمارين اكتر او بزود محصلتى اللغوية

التدريبات من هنا

المحصلة اللغوية من هنا

 

 

[قاهرية]

اقتباس المشاركة الأصلية كتبت بواسطة Morial je french .com

ان شاء الله اجربه واقولك النتيجة

اقتباس المشاركة الأصلية كتبت بواسطة Stream Rock انا عمالة الف زيك كده بس انا لسه مبتدئين والنهاردة لقيت الموقع ده https://www.busuu.com/enc/home ربنا معاكي وبالتوفيق :)

نجرب ده كمان يا مسهل

اقتباس المشاركة الأصلية كتبت بواسطة فدائى النبى بصى يا قاهرية فية برنامج اسمة french delux البرنامج ده جامد فى تعليم الفرنسى باللهجة الكندية اولا بيبداء معاكى من اول الحروف لحد المحادثات و طبعا فيه شغل للمقالات كمان فيه تقييم فورى للنطق من اول الحروف لحد الجمل الكاملة و فية بعد كل درس اختبار و لعبة اللعبة بتكون علشان تحسن مهارات اللغة كمان فيه محادثات تفاعلية يعنى حد يكلمك و انتى تردى عليه و فيه قاموس و مقسم الى مستويات من المبتدئين الى المتقدمين البرنامج ده و انا بدور علية لقيت واحد عارضة ب 50 جنية اتصلت بية بالتليفون و قابلنى فى التحرير و جابلى الاسطوانات الحقيقة رقمة مش معايا لأنى دلوقتى برة مصر بس ممكن تبحثى على اسم البرنامج فى المنتديات العربية و ان شاء الله هاتوصليلة بالتوفيق

انا كمان برة مصر ومعنديش طريقة اجيبة بس هو ملوش مكان بيتباع فيه مثلا حتى لو نزلت مصر

اقتباس المشاركة الأصلية كتبت بواسطة kareemabdou انا شايف يا قاهرية ان البداية دايما بتكون صعبة و لازم تكون مع مدرس لغاية اول تلات مستويات على الاقل وحاولى تدرسى من حاجة واحدة لان ده بيعمل تشتيت و بيضيع الوقت انا عن نفسى بدرس من الكتاب ده الكتاب عبارة عن 3 اجزاء كل جزء 4 مستويات يعنى جزئين يوصلوكى للمستوى 8 بس طبعا لازم مع مدرس اما عاى النت بحل تمارين اكتر او بزود محصلتى اللغوية التدريبات من هنا المحصلة اللغوية من هنا

انا كنت متابعه مع مدرسة ع النت
واحدة كانت عاملة موضوع فى منتدى برضه وبتدى دروس
وبصراحة كنت بفهم منها
بس اختفت كدة يارب تكوت بخييييييييير

انا فتحت اللينكات بس بيتيهالى دى باشتراك ولا ايه



طب ايه رايكو لو حد بيعرف فرنساوى هنا
يعملنا كورس اونلايين؟؟؟؟؟؟؟؟؟

 

 

[قاهرية]

على فكرة يا جماعه انا مش ناوية اهاجر كندا
مش عاوزة اللهجة الكندية يعنى ولا حاجة

انا عاوزة اتعلم لغرض اخرررررررررر

 

 

[فدائى النبى]

للاسف انا ما اعرفش مكان بيتباع فيه البرنامج ده
انا لقيت واحد عارضة على منتدى و اتصلت بيه فى التليفون و قابلنى فى التحرير و اعطانى السيديهات
بس لو حضرتك فى السعودية انا ممكن انسخلك البرنامج و ابعتهولك بالبريد

 

 

[قاهرية]

للاسف انا مش فى السعودية
هجرب المواقع الجديدة دى
وربنا يسهل وارسى على موقع واحد
الف شكر على تعبكم جميعا

 

 

[فدائى النبى]

ربنا يوفقك