هاليفاكس رحلة العمر

[waliedsalam]

السلام عليكم ورحمة الله وبركاتة
جلست افكر وافكر علشان اختار اسم مناسب لموضوعى لرد بعض الجميل لهذا المنتدى الرائع واكون جزء مكمل لعظماء سبقونى بكتابة تجربتهم وافادة المنتسبين لهدا المنتدى واخترت اسم المدينة اللتى انتقلت اليها حتى اشارككم التجربة من البداية خطوة بخطوة

 

[waliedsalam]

طبعا مش هتكلم معاكم قبل السفر لان تجربتى قديمة اوى واعتقد ان التعامل مع ملفى من قبل ادارة الهجرة كان مختلف شوية. بمعنى اخر انا كنت مقدم من سنة 2010 وحصلت على التاشيرة فى اخر 2014 فطبعا الموضوع اختلف ميت مرة عن طرق التقديم دلوقتى .فانا هابدا معاكم من ساعة حجزي لتدكرة الطيران وتجهيز الشنط وحتي اللحظة الحالية مرورا بكل الاحداث التي جرت لي ولاسرتي.

 

 

[waliedsalam]

اولا اعطيكم نبدة عني انا وليد سلام مدير مالي قضيت حوالي 13 سنة في السعودية . اسرتي مكونة من زوجتي واربع اطفال ودي كانت بداية المشكلة الاولى الا وهي حجز التداكر.طبعا متخيلين يعنى ايه اسرة من سته افراد تسافر كندا على غفلة هنحتل نصف كندا ان شاء الله المهم دورت كتير على اقل سعر تداكر ممكن احصله وجدت مكتب فى السعودية حجزلى على خطوط اير كندا بسعر معقول بالنسبة للاسعار اللى شفتها فى مصر بس المشكلة ان هعمل ترنزيت فى مطار هيثرو (لندن) 23 ساعة ودى طبعا مشكلة كبيرة للاولاد ولكن علشان رخص الاسعار قولت ربنا يهون ان شاء الله بس اكتشفت وانا هناك فى المطار ان فيه مشكلة اكبر من كدا بكتير لما نوصل عندها هقولكم عليها . مرحلة تجهيز الشنط ودى مهمه جدا جدا جدا طبعا كان على كل تدكرة عدد 2 شنطة كل واحدة 23 كيلو وياريت ما حدش يزود اى حاجة لانهم رخميين جدا فى الموضوع دا بيحاسبوا على الكيلو الزيادة . كيفية ترتيب الشنط مهمه جدا علشان لو حصل والشنطة ضاعت زى ما حصل معايا تقدرو تلاقوها . عملت كشف بمحتويات كل شنطة وشكلها ولونها واعملت استكر صغير واكتب اسمى عليها وطبعا ماخدتش منتجات البان ولا سوائل لانها ممنوعة دى الشنط اللى كانت على السير . اما الشنط اللى معانا فى الطيارة اخدنا لكل فرد هاندباج وضعت فيها طقم احتياطى + طقم نوم للفندق لانى حاجز فندق فى هاليفاكس لمدة يومين لحد ما اخلص اجراءات الشقة اللى كنت حاجزها من مصر عن طريق صديق لينا . نكمل بكرة ان شاء الله

 

 

[Dr.Menoo]

اقتباس المشاركة الأصلية كتبت بواسطة waliedsalam اولا اعطيكم نبدة عني انا وليد سلام مدير مالي قضيت حوالي 13 سنة في السعودية . اسرتي مكونة من زوجتي واربع اطفال ودي كانت بداية المشكلة الاولى الا وهي حجز التداكر.طبعا متخيلين يعنى ايه اسرة من سته افراد تسافر كندا على غفلة هنحتل نصف كندا ان شاء الله المهم دورت كتير على اقل سعر تداكر ممكن احصله وجدت مكتب فى السعودية حجزلى على خطوط اير كندا بسعر معقول بالنسبة للاسعار اللى شفتها فى مصر بس المشكلة ان هعمل ترنزيت فى مطار هيثرو (لندن) 23 ساعة ودى طبعا مشكلة كبيرة للاولاد ولكن علشان رخص الاسعار قولت ربنا يهون ان شاء الله بس اكتشفت وانا هناك فى المطار ان فيه مشكلة اكبر من كدا بكتير لما نوصل عندها هقولكم عليها . مرحلة تجهيز الشنط ودى مهمه جدا جدا جدا طبعا كان على كل تدكرة عدد 2 شنطة كل واحدة 23 كيلو وياريت ما حدش يزود اى حاجة لانهم رخميين جدا فى الموضوع دا بيحاسبوا على الكيلو الزيادة . كيفية ترتيب الشنط مهمه جدا علشان لو حصل والشنطة ضاعت زى ما حصل معايا تقدرو تلاقوها . عملت كشف بمحتويات كل شنطة وشكلها ولونها واعملت استكر صغير واكتب اسمى عليها وطبعا ماخدتش منتجات البان ولا سوائل لانها ممنوعة دى الشنط اللى كانت على السير . اما الشنط اللى معانا فى الطيارة اخدنا لكل فرد هاندباج وضعت فيها طقم احتياطى + طقم نوم للفندق لانى حاجز فندق فى هاليفاكس لمدة يومين لحد ما اخلص اجراءات الشقة اللى كنت حاجزها من مصر عن طريق صديق لينا . نكمل بكرة ان شاء الله

مش عايزة أقولك يا مستر وليد احنا محتاجين آد آيه خبرة new landing
Good luck and extremely following ur story

 

 

[khaled_sabry]

اقتباس المشاركة الأصلية كتبت بواسطة waliedsalam اولا اعطيكم نبدة عني انا وليد سلام مدير مالي قضيت حوالي 13 سنة في السعودية . اسرتي مكونة من زوجتي واربع اطفال ودي كانت بداية المشكلة الاولى الا وهي حجز التداكر.طبعا متخيلين يعنى ايه اسرة من سته افراد تسافر كندا على غفلة هنحتل نصف كندا ان شاء الله

انتا عارف موضوع حضرتك من اكثر المواضيع التحفيذيه ليا
لانى برضه اسرتى مكونه منى انا و زوجتى و اربع اطفال اكبرهم عنده 7 سنين
و هبطت همتى للهجره بعد قانون الاكسبريس انترى اللعين
و حاسس ان فرصه الهجره فاتتنى خصوصا ان سنى 33 سنه و معايا اربع اطفال
و الاسواء من ده كله ان الكليه عندى مغلسين على ختم النسر اللى على الظرف و بالتالى مش عارف اعادل شهادتى فى WES

اتمنى الحق بيك فى الهجره --- و احتل نصف كندا الاخر

 

 

[waliedsalam]

اقتباس المشاركة الأصلية كتبت بواسطة khaled_sabry انتا عارف موضوع حضرتك من اكثر المواضيع التحفيذيه ليا لانى برضه اسرتى مكونه منى انا و زوجتى و اربع اطفال اكبرهم عنده 7 سنين و هبطت همتى للهجره بعد قانون الاكسبريس انترى اللعين و حاسس ان فرصه الهجره فاتتنى خصوصا ان سنى 33 سنه و معايا اربع اطفال و الاسواء من ده كله ان الكليه عندى مغلسين على ختم النسر اللى على الظرف و بالتالى مش عارف اعادل شهادتى فى WES اتمنى الحق بيك فى الهجره --- و احتل نصف كندا الاخر

اهلا وسهلا ومرحبا بيك عاوز اقولك كلمة واحدة بس
عمر الوقت ما بيتاخر طول ما انت امامك هدف وبتسعى عليه
اعمل اللى عليك وسيب الباقى على ربك
وحاول بسرعة تيجى لانى بفكر فى النصف التانى من كندا يعنى ياتلحق يا متلحقشى

 

 

[ysma]

ألف مبروك و عقبال حياة جديدة إن شاء الله...

أهم شيء تكون Persistent

 

 

[specialest]

بجد الواحد بيفرح لما يلاقى ناس بتدى خبراتها بعد نجاحهم فى السفر ،،، ربنا يكتبلك كل خير

 

 

[khaledibrahim]

تسجيل متابعة ، ويا رب تكون التجربة ناجحه ان شاء الله

 

 

[shawi]

اهلا وسهلا
حتبقى تقولنا اختارت هاليفاكس ليه
انا من سطرين عرفت ان ليك فيها صديق ساعد في حجز البيت
ده نص اختصار لمشاكل بدايه الغربه
ربنا يوفقك ويرزقك من حيث لا تحتسب