دليل المطاريد للأحزاب السياسية المصرية

[حسام]

الصحف المصرية والعربية

رحت ييجي عشر مرات للحزب الليبرالي الاجتماعي بتاع ابو الغار وغنيم
مقر محترم على كورنيش اسوان
ولا مرة لقيتهم فاتحين
ألطم؟
حط جنبهم برضة حزب الوسط
نفس القصة

 

 

[س. نورينجتون]

أدخل جوجل و أكتب , قائمة الأحزاب المصرية ,

 

 

[حسام]

شكرا للادارة لتثبيت الموضوع
أرجو من الزملاء كل فى مدينته أو محافظته وضع عناوين وأرقام تليفونات وان توفر موقع لأى حزب يعرفه

 

 

[حسام]

حزب النور بأسوان
حزب الجماعة الاسلامية
العنوان
أسوان-ش المطار أمام مدرسة باحثة البادية
وهناك مؤتمر جماهيري سيحضره قيادات الحزب فى أسوان بمسرح السلام الصيفي كورنيش النيل أمام مدرسة أحمد طه حسين الثانوية يوم الخميس 15-9-2011

 

 

[savary]

اقتباس المشاركة الأصلية كتبت بواسطة حسام باستثناء سقطة الزواج المدنى فأنا بحب أسمع حمزاوى وانا شايف ان واجبنا اننا كلنا ننضم لحزب نلاقي أهدافه متسقة مع هدف كل واحد فينا فياريت كلنا ننضم لأحزاب أيان كان ايه الحزب انا بالرغم انى ناصري لكنى بميل لحزب مصر الاجتماعي الليبرالي بتاع أبو الغار وغنيم ياريت كلنا ننضم لأحزاب

الغد يا دكتور حسام


الغد أقوى الأحزاب الليبرالية -بحق - فى مصر

كان المفروض نقول الوفد , بس الوفد كله مخبرين

الغد اتعرض لتفخيخ من الداخل عن طريق عملاء أمن دولة الله لا يرجعهم

بس دلقوتى الوضع مختلف

واعتقد ان الغد ان شاء الله هيكون فى مكانة الوفد زمان

قيادات جيدة جدا

مثقفة

واعية

عندهم مشروع و فكر مش أى هجص

الغد بيتكلم عن دستور 54 , عن هيكل للأجور , حد ادنى و حد أقصى

فى برنامج سياسى و اقتصادى على مستوى عالى , والكلام دا من زمان

مش انهرده و امبارح


شباب الغد كمان حاجة تفرح


أديها بصة كده يمكن تغير رأيك !


لو لسه الناصرية كفكر وتجربة فاعتقد أن الكرامة حزب جيد لحد كبير كمنبر للفكر الناصرى

 

 

[حسام]

مش برتاح لأيمن نور
عارف ان الحزب مش شخص رئيسه
لكن معرفشي غير أيمن نور
ومقدر تضحيته وحربه لمبارك فى عزه
لكن مش عارف
تفسي في مزج اليسار بالليبرالية بس بشكل جاد وناس بتشتغل وعايزة تعمل حاجة
انا شغلانة شركة الدعاية دي بتخليني أشوف كل الأحزاب فى اسوان
مفيش حد موجود فى المقر دايما
وبيفكروا وبيشتغلوا وعاملين ورش عمل
غير الحرية والعدالة والنور
والباقي
مقرات وشقق وخلاص

 

 

[حسام]

والله من باب العلم بالشيئ واحتراما لرأيك وتزكيتك يا سفاري
دورت على وقع حزب الغد
مالهمشي مقر تقريبا فى أسوان
أو يمكن انا اللى مش عارف أجيب المقر
عايز أنضم لحد هيتشغل
مش جرنال وحديث صحفي هنا وهنا

 

 

[savary]

اقتباس المشاركة الأصلية كتبت بواسطة حسام مش برتاح لأيمن نور عارف ان الحزب مش شخص رئيسه لكن معرفشي غير أيمن نور ومقدر تضحيته وحربه لمبارك فى عزه لكن مش عارف تفسي في مزج اليسار بالليبرالية بس بشكل جاد وناس بتشتغل وعايزة تعمل حاجة انا شغلان الجرنال دي بتخليني أشوف كل الأحزاب فى اسوان مفيش حد موجود فى المقر دايما وبيفكروا وبيشتغلوا وعاملين ورش عمل غير الحرية والعدالة والنور والباقي مقرات وشقق وخلاص

ماهو دول تمويلهم خليجى

يعنى فلوووووووووس بالعبيط


غير ان بضاعتهم بتبيع

وواخدين الموضوع فرصة وجاتلهم على طبق من فضة

مدفعووووووش فيها نكلة !

ملهمش فيها ناقة ولا جمل !

هو دعاء الركوب بتاع فيردى و ركبواااا !


مفيش حزب هيقدر يجمع بين اليسار و الليبرالية !

صعبه قوى يعنى

يمكن فى تحالف و تقارب دلقوتى بس دا أمر طارىء لمواجهة القوى المخلجنة

انما عمر الوفد مثلا ما حصل تقارب بينه و بين مصر الفتاة أو الماركسيين

هيجى وقت و هتتضح الخصومة السياسية بين اليسار و بين الليبرالية

زى ما هييجى وقت و هتتضح الخصومة السياسية بين الاخوان والسلفيين !

 

 

[حسام]

الحزب الليبرالي الديموقراطي أعتقد اسمه كدة بتاع غنيم وابو الغار وخالد منتصر بيمزج الاتنين
لكن مقرهم عندنا مفيهوش حد

 

 

[حسام]

قيه كتير فى اوروبا أحزاب بتمزج بين الفكرتين
الله يمسيك بالخير يا عم ديريك هوك"ده واحد صاحبي هولندي ما تعرفوهوش"