من أجل بسمة علي الشفاة ، رسالة من حمار لبني آدم

[د. يحي الشاعر]

الصحف المصرية والعربية

اقتباس رسالة من حمار لبني آدم عجبـي عليــك يابــن آدم يا كبيـر الدار قلبـت الدنيـا ع اللي قالك ياحمـــار هـو إسمـي شتيمـه والا جنسـي ده عــار ؟ خلقنـي ربـي وخلقـك ولا حـدش لـه خيـار أنا مهما زاد الحمل عليا صابـر على المشـوار لا في يوم أقول إشمعنى أخويا وآخـد منه تـار ولا يوم أبص لرزق غيري وأطـق منه وأغـار ولا أرفع عينـى على جارتـي وأخـون الجـار ولا مهر أدفـع لحمارتـي ولا شبكـة ولا سـوار ولا شقـة أجمـع فى ثمنهـا ولا أجهــز دار ولا حرمـى حامـل تتوحـم عايـزه الكافيـار ولا بنتي تخرج عن طوعي وتجيـب لى العـار ولا إبنـي يدمـن ويهلـوس ويقـع ينهـار عايش فى حالـي ومتهنـى .. وليـه أحتـار ؟ بآكـل وبشـرب وبنهـق ومافيـش أسـرار مـش بـس كـده وعنـدي إبـن آدم يخدمنـي ليـل ويا نهـار إن جعت يشترى برسيمـي بأغلـى الأسعـار وفي مرضي يفضل يعالجني و يدعـي الستـار خادم أمين من غير راتـب و لا حتـى إيجـار ! دلوقتى عرفت يابن آدم ... مين بقي اللي حمار ؟

كانت هذه سطور رسالة ... تنتر بسرعة في الإيميل ... سواء ياهو أو هوتميل ...

جلبت بسمة علي الشفاه .... قبل الدخول للنوم .... فعلا .... معاه حق ... وفكرني بحكاية الحمار وجحا وإبنه ...

للأسف ... الحمار ده ، مش بتاع سياسة ... وإلا قال شيء عن الإنتخابات ...

تحياتي إلي كاتب الزجل


د. يحي الشاعر

 

[جبالى]

جامدة اوى القصيدة دى

 

 

[Remooo]

جميلة يا دكتور

شكرا للاقتباس