في رأيكم هل هذا هو المكان الصحيح للانفاق ؟

[Matrix]

الصحف المصرية والعربية

دعوه لموضوعي

أطلق العنان لمشاعرك ، كن إنسان.

والله يا برين انا مشكلتي مع مواضيعك إنك بتطرح أسئلة كبيرة جدا ومهمة.
وبألاقي من الصعب إني أصيغ إجابة مختصرة عليها.
وعلى ما ألاقي الوقت المناسب والروقان لكتابة الرد اللي أنا حابب أكتبه يكون الإهتمام بالموضوع أصبح فاتر وتم الإنتقال بالإهتمام لبؤرة إهتمام جديدة....وهكذا دواليك.

 

 

[monmedo]

عزيزي برين اسمحلى في نقطة في طرحك انت افترضتها ومعرفش انت افترضتها على اى اساس.
حضرتك افترضت ان مللك السعودية هو امير المؤمومنين او هو حامل لواء الاسلام وبصراحة هذا الفرض غير صحيح جملة وتفصيلا .
الراجل بيتصرف كبزنيس مان ... واحيانا كرئيس دولة ... المشروع دة هيدخلة مليارات كبزنس مان وكمان هيسبت ملكة في السعودية كعمل دينى وبالتالى يضرب عصفورين بحجر يلم فلوس علشان يبقى معاة فلوس يهدي بيها الرعية وكمان يتقال انة متدين فحرام الخروج علية وطبعا دة بتعضيد من شيوخ السلطة اللي حرمو الخروج على الحاكم .
اما موضوع الصومال فدة موضوع هامشي الصومال ليس لها اي ثقل لا تجاري ولا اسلامى ولا عربي وطبعا من وجهة نظر البيزنس والحكم دة استثمار خاسر

بالمناسبة انا لا الوم خادم الحرمين في حاجة اسمها الاولويات واولويات بلدة "من وجهة نظرة" هي الاهم حتى لو كان التبرع لاسرائيل مش لامريكا ودي النقطة اللى الناس مش عايزة تشوفها
وزي ما بيقولو اللى يعوزة البيت يحرم على الجامع


مش عارف لية لما قريت الموضوع حسيت انك عايز تسمع الاجابة دي

 

 

[أحمد باشــا]

يا برين انت احيانا بتفتح مواضيع لفكرة مسبقة متسلطة على تفكيرك

مفيش علاقة بين ان ملك السعودية يطور مشروع إقتصادي سياحي من وجهة نظره يخدم إقتصاد البلاد و يحقق ارباح و دخول عالية جدا و مضمونة في نفس الوقت

يعني لو قدر يجعل عدد الحجاج 10 مليون هيلاقي طلب من 50 مليون كمان

يبقى ليه ميطورش ... اما التبرعات فهذا موضوع آخر

الموضوع كان يبقى وجيه لو حضرتك اتكلمت عن التطوير نفسه و هل سيحافظ على روحانية طقوس الحج و سلامة الحجاج ام سيتحول لكرنفال سياحي باهت

بقول كده لأن انا كنت في الحج وقت حادثة مصرع الحجاج على جسر الجمرات و كنت بينهم وقتها و ربنا ستر و كتب لي النجاة فقررت ان اعمل دراسة معمارية لإعادة تخطيط مناطق المناسك و الشعائر و اكتشفت وقتها انه لا توجد ادنى معايير السلامة للحجاج ... و بعد ان انهيت الدراسة و كانت بها إقتراحات هامة جدا تناقشت مع احدهم في مكتب الملحق الثقافي السعودي بالقاهرة اللي قال لي ببساطة شديدة لو تصميماتك تجعل الحجاج يزيدون ل 8 او 10 مليون تبقى نجحت

اللي بيحصل دلوقت من إقتراحات هتخلي الحج ميكانيكي بسيور و قضبان و مركبات سريعة ... زي الملاهي كده

 

 

[Virus]

اقتباس المشاركة الأصلية كتبت بواسطة Virus الحرم والمشاعر محتاجة ينزلوا قوات تنظم الناس بدل ما بيسيبوا الدنيا تضرب تقلب والناس تهرس في بعض ويشيلوا إيديهم خالص..

لسه راجع من العمرة ولقيت السنة دي أعداد مهولة من القوات (شرطة وجيش ولجان تنظيم) وجهد كبير جدا لتنظيم الخروج والدخول ومنع إن الناس تصلي في أي حتة وتضيق أماكن الطواف والسعي..والنتيجة إن العمرة أسهل كتير مع إن الأعداد كبيرة جدا جدا..

 

 

[only you]

انا مع راى اليكس فوكس السعوديه قادره على الامرين

 

 

[hazemtara]

اقتباس المشاركة الأصلية كتبت بواسطة brain يبقى حضرتك عمرك ما زرت السعوديه تصدق انا اول مره روحت فيها السعوديه سنه 2000 افتكرت انني نزلت في الصومال اوحتى النيجر او اوغندا تصدق يا فندم ان الملك اللي بيهتم لصالح شعبه ده شفت بعينيا سائقين سعوديين بيعملوا في الكويت ب 75 دينار في الشهر يعني حوالي 1000 ريال سعودي وهو مبلغ يساوي اجرة العامل البنغالي في الكويت تصدق ان هذا الكلام كان موجود اثناء احتلال العراق عام 2003 و استمر حتى منعت السعوديه مواطنيها من الذهاب للعراق عام 2007 تصدق ان في هذه الفتره كان دخل السعوديه من النفط يوميا مليار دولار مليار دولار يوميا ممكن واحد يطلع ويقول الخدمات التي تقدمها الدوله هاقول لحضراتكم ان المدينه المنوره زرتها في فبراير من هذا العام الشوارع اللي خلف الحرم مش اللي فيها الفنادق لا اللي وراها عباره عن بحيره من المجاري و البيوت القديمه و الايله للسقوط السعوديه يا بشر معندهاش نظام صرف صحي و اللي عايشين في السعوديه يسمعوا عن بحيرة المسك و هي عباره عن بحيره من الصرف الصحي على مشارف جده كانت مصدر رعب لاهل جده اثناء الفيضانات التي ضربتهم العام الماضي و الذي يسبقه اذن لا يمكن الحديث عن الملك الذي يهتم بمصلحة شعبه ابدا

أنا عايش فى السعودية من 7سنوات ولاففها حتة حتة وأتحدى كثيراً من المقيمين فى السعودية لو لفوا فى السعودية زى ما حلاتى برمها بالشبر ما خليت لا مدينة ولا طريق إلا ما مريت منة.
حضرتك بتطرح المواضيع بشكل غريب شوية ،،دخلت مشاكل الصومال فى السعوديةفى الحرم والتوسعات الخاصة بالحرم و الكلام عن فقر السعودين وخلافة.

طيب ما هو لا حضرتك بتلوم الملك السعودى وعاوزة يبعت فلوس للصومال وهو غير مسؤول عنهم لأنهم لا هما شعبة ولا رضاهم من عدمة عنة هيفرق معاة.

إذن لما حضرتك ذكرت أن هناك سعودين غلابة إنت شوفتهم متبهدلين فى الكويت ويا عينى على رواتبه الهزيلة ؟؟

أولى بهذا الملك بدل ما يبعزء الفلوس على الصومال وغيرم من المصرين إن يعطى شعبة الأول.

يعنى بيتى وعيالى اولى ومليش دعوة لا صومال ولا غيرة؟؟؟؟؟

حضرتك تناقض نفسك؟؟؟!!!

تلوم الملك لأنه لم يعط الصومالين & وفى نفس الوقت لم ترحمة لأنة السعودين جعانين وطالع روحهم وبيشحتوا؟؟؟؟؟

طيب إزاى أفهم؟؟؟؟؟

الراجل يقطع نفسة؟؟؟؟؟