نص اقوال مبارك فى قتل المتظاهرين وصفقات السلاح

[إكرام يوسف]

الصحف المصرية والعربية

هو إيه حكاية الرئيس المش متذكر ده؟ وازاي ده كان بيحكمنا؟ وازاي فيه ناس بتهاجمنا عشان طلبنا يغور في داهية؟ وازاي فيه ناس كانوا عايزينه يقعد تاني على قلبنا لما يكمل المدة ويخرج معززا مكرما من القصر ـ دا لو كان صدق وخرج فعلا ـ وهو حرامي ولص وقاتل؟ وكان حيقعد يعمل إيه إذا كان مش متذكر أي حاجة.. فيه رئيس جمهورية بحجم مصر يبقى مش متذكر؟

• 
  

• وبعدين شفتوا اجابته على السؤال ده: س: لماذا لم تتم الاستجابة إلى طلبات المتظاهرين قبل وقوع أحداث التظاهر؟
  ج: لأننى لم أعرف بها إلا فى المظاهرات؟

قمة الآستعباط.. ماكنتش تعرف مطالب الجماهير قبل المظاهرات؟ طب قاعد بسلامتك تعمل إيه؟ واللي كانوا عايزينه يستمر على أساس إيه؟ واحد مش عارف مطالب الجماهير قبل المظاهرات.. اللي هي مافيش يوم عدى من سنة 2005 من غير احتجاجات ومظاهرات وكفاية ومطالب التغيير ورفض التعذيب والمطالبة بالتعديلالدستوري ورفض الفساد.. كل ده ما كانش عارفه قبل المظاهرات.. دا لو رئيس إدارة الأرشيف في مصلحة حكومية ومش عارف مطالب الموظفين عنده، كان لازم يعزل ويحاكم، كنته عايزينه يقعد يعمل إيه؟ بعد تلاتين سنة وأول مرة يسمع عن مطالب الجماهير بعد مظاهرات يناير.

والنكتة بقى بتاعة السؤال ده: غير أن المستشار مصطفى سليمان وجه سؤالا ساخنا، عن أسباب عدم تحويل التبرعات للحسابات الخاصة لمكتبة الإسكندرية التى أنشئت وفقاً للقانون رقم 1 لسنة 2001؟
وكان رد مبارك «أنا ماكنتش أعرف هذا الموضوع لأن القانونيين لم يقولوا لى، وكان غرضى المحافظة عليها من الاستخدام فى أوجه أخرى». فسأله المستشار مصطفى سليمان بحدة قائلا: هل تم إخطار مدير مكتبة الإسكندرية بأمر فتح هذا الحساب؟، فأجاب مبارك قائلا «أنا لم أخطره لأنه لو كان عرف كان هيطلب ياخدها للمكتبة».


ما كانش عايز يقول لمدير مكتبة الاسكندرية على السبعين مليون اللي مدكن عليهم، عشان مدير المكتبة ما ياخدهمش للمكتبة.. أمال همه جايين ليه بسلامتك؟ واللا كان خايف مدير المكتبة يبوظ لما تكتر الفلوس في ايديه ويمكن يتعلم يشرب سجاير.

بذمتكم.. وبأمانة ربنا.. وشهادة ربنا يسألكم عنها يوم القيامة.. الراجل ده كان يستحق حكم مصر؟ وكان المفروض نسيبه قاعد على قلبنا؟ يارب انت العدل.. عدلك يامنتقم يا جبار

 

 

[كلزار]

هو ممكن نعمل مواجهه بين عمر سليمان ومبارك

مقارنه الاسئله والاجوبه ونحطهم قدام بعض
ونطلع مين فيهم الكداب الاول ومين الكداب التاني
اصل مفيش حد فيهم صادق

 

 

[fatfouta]

"اليوم السابع" تواصل انفرادها: مبارك باع كل رجاله فى التحقيقات

الجمعة، 15 يوليو 2011 - 01:19
عدد اليوم السابع
كتب أحمد عطوان

تواصل جريدة "اليوم السابع" اليوم، الجمعة، انفرادها بنشر الجزء الثانى من تحقيقات النيابة العامة مع الرئيس المخلوع حسنى مبارك، المليئة بالعديد من المفاجآت.

وقد كشفت التحقيقات أن حسنى مبارك باع كل رجاله، وقال: "عمر سليمان" كذاب.. وشهد ضد "عاطف عبيد".. وتبرأ من علاقته برجل الأعمال الهارب حسين سالم، والكثير من المفاجآت.

كما تنشر اليوم السابع وثيقة "تكذب" اللواء منصور العيسوى وزير الداخلية، وتؤكد تكليف "القناصة" بقتل المتظاهرين.

 

 

[المتنبي]

الله يهدك يا مبارك