الناس اللي معانا من عشر سنين انتم فين

[shawi]

الصحف المصرية والعربية

عن الضرايب في كندا
posted via mobile device

 

 

[Mena Mehny]

اقتباس المشاركة الأصلية كتبت بواسطة shawi عن الضرايب في كندا posted via mobile device

posted via mobile device

 

 

[Ehab Salem]

اقتباس المشاركة الأصلية كتبت بواسطة shawi ترى اين انتم الان

Ontario

اقتباس الاولاد دخلوا الكليات والجامعات

نعم

اقتباس هل تخرجوا

ما زالوا في الدراسه

اقتباس هل وصلتم الى ما كنتم تحلمون به

نعم وأكثر و لله الحمد

اقتباس هل حققتم طموحاتكم

نعم وأكثر و لله الحمد

اقتباس هل ندمتم على شيء

على عدم الهجره مبكرا

اقتباس هل بقيت عائلاتكم مستقره

نعم و لله الحمد

اقتباس هل تفتت العائلات وقلتم ياريت اللي جرى ما كان

لا و لله الحمد

اقتباس هل برعتم وتفوقتم وتحسنت احوالكم

نعم و لله الحمد

اقتباس هل عدتم الى بلدانكم

نحن نعيش في بلدنا كندا

اقتباس هل وصلتم مرحلة التقاعد

لا

 

 

[shawi]

للناس اللي قدموا طلب الجنسيه.. انا عملت تطوع وهو شرح كتاب الجنسيه بالعربي مع قراءة النص الانجليزي تسهيلا لفهم الموضوع لبعض المشاركين عن طريق مدرسة انجليزي وعملنا كلمات مترجمه لتسهيل الفهم على البعض خاصة من قدموا من سوريا ولغتهم عربي فقط او بعض الزوجات في البيوت ممن لم يرتقين باللغه الى مستوى عالي.
هذا نموذج وكل الفيديوهات متوفرة على قناة المهاجرون العرب على اليوتيوب

The Arab Immigrants

 

 

[seakovich]

لا زلنا فى مكاننا . نتطلع الى الهجرة و منذ اشتراكى فى هذا المنتدى
خطوات الهجرة
حاليا الECA report موجود
الايلتس ان شاء الله هذا الشهر
احيانا الواحد يفقد الامل و يعتقد انها مستحيلة و انه قد فات الاوان و لكن عندما نرى بعض الامثلة كحضراتكم ز هذا يعيد لنا الامل فى المضى قدما.
الانتظار فقط متى سيفتح باب الهجرة مرة اخرى للمتقدمين من الخارج خصوصا منذ بداية الجائحة و لم يتم عمل اى اختيارات للناس خارج كندا عن طريق الاكسبرس انترى.

نحن فى الانتظار و ان شاء الله القادم افضل

 

 

[Geographer]

تحياتي للجميع وكل سنة وانتم طيبين بمناسبة العام الجديد
كنت عاوز اكتب المشاركة دي في موضوع مستقل لكن عدد مشاركاتي المحدود منعني -وفقا لقواعد المنتدى- فمضطر احط الكومنت ده هنا.
الكومنت هدفه تحذير (ايوة تحذير) كتير من الشباب من الهجرة لكندا وفقا لتجربتي اللي ممكن تكون سيئة لكني رأيت ان اضعها امامكم ربما يكون ليها نفع او تأثير ايجابي على قرار اي حد ناوي ييجي كندا
كندا بلد له سمعة تسويقية ممتازة عالميا كمهجر ومستقر
لكن الحقيقة على الارض هي على العكس من ده تماما
طبعا فيه ناس بتشتغل وسعيدة ومبسوطة وهتختلف معايا
لكن ماهو ده يا جماعة الحال في بلادنا برضه
رغم الظلم والفساد والعنصرية في بلادنا بتلاقي ناس مبسوطة وعايشة كويس جدا وواخدة حقها تالت ومتلت
فهل ده معناه ان البلاد كويسة وبخير؟
الاتفاق كان ان كندا فيها مسطرة ماشية على الناس كلها بدون تحيزات وكوسا وظلم
وان مكاسب الحياة مبنية على المثابرة والاستحقاق والانتخاب الطبيعي للأجدر والأكفأ
والا تبقى المسألة اننا سبنا ظروف بلادنا وهاجرنا الى بلد اخرى لها نفس الظروف
وده اللي انا شايفه انه حصل
كل مافي كندا من مميزات تخليها مختلفة عن بلادنا هو سببه ان حجم الثروة فيها أكبر وعدد السكان أقل
وللاتوضيح سأسرد لحضراتكم مشاهداتي
هاجرت كندا في 2016 وانا حاصل على ماستر من مصر وماستر من بريطانيا وزمالة بريطانية
في تخصص علوم الادارة
طبعا كخطوة من خطوات الهجرة قمت بتقييم مؤهلاتي عبر WES في تورونتو وحصلت على ما يفيد بأن المؤهلات مكافئة لنفس الدرجة العلمية في كندا.
لم أوفق حتى الان في الحصول على اية فرصة عمل في تخصصي او اي تخصص قريب منه وكل ما عملت فيه من يوم وصولي وحتى الان كان مهن كاجوال.
والعمل الكاجوال في حد ذاته مش عيب ولا اهانة وكنت عامل حسابي عليه
لكنه بيتحول الى مصيبة اذا اكتشفت ان الناس بتشتغل في وظائف مرموقة جدا في الحكومة والقطاع الخاص بشهادة الثانوية العامة فقط لمجرد انهم لهم علاقات
وكلمة العلاقات دي تاخدنا لنقطة هامة جدا ذكرتها فوق وهي مسألة الاستحقاق والانتخاب الطبيعي
ما رأيته على مدار الخمس سنوات السابقة مأساوي بكل ما تحمله الكلمة من معنى. الوظائف بيتم شغلها بالعلاقات والمعارف والكوسا زي بلادنا بالظبط لكن الفارق انهم هنا بيختاروا لها اسم شيك شوية
networks او connections
مش عاوز بقى واحد يطلع يقوللي انا اشتغلت بمجهودي
ما انا متأكد ان ناس كتير اشتغلت بمجهودها
لكن ماهو ده موجود في مصر برضه ان ناس كتير بتشتغل بمجهودها. لكن لأن ممارسات الواسطة في مصر خلتنا نعتبر القفص كله بايظ رغم حالات الاستحقاق القليلة. طب ماهو ده الوضع في كندا بالظبط. يبقى عاوزين نهاجر ليه؟
وانا نفسي حضرت احد ورش workshops التوظيف التابعة للحكومة هنا في كندا والمخصصة للقادمين الجدد وااتفاجئت لما لقيت المحاضرة بتشرلحنا اهمية العلاقات وال networks والخروجات على الغدا والعشا والتعرف على الناس وعمل بورتفوليو علاقات ممتاز من اجل الحصول على وظيفة.
انا اعتبرت ده كارثة بكل المقاييس لان معناه اني هاجرت من بلد الشغل فيها بالواسطة المستخبية ورحت بلد الواسطة فيها على عينك يا تاجر ومدعومة كمان من الحكومة لا وكمان بيتم تدريس اساليبها الحديثة للقادمين الجدد.
مش عاوز استطرد كتير في تجربة شخصية
لكن فيما يلي مشاهداتي والدروس المستفادة
# سوق العمل في كندا فاسد تماما ومبني على العلاقات والمعارف والعرق واللون والكفاءة تأتي في ذيل القائمة الا اذا كان تخصصك نادر وخبرتك نادرة ساعتها بيتم التوظيف بناء على الاستحقاق لأن باختصار مفيش منافسة ليك
# توجد اماكن فيها توظيف عادل بناء على الاستحقاق لكن القاعدة هنا هي نفس القاعدة الموجودة في بلادنا ، ان دي استثناءات لا تعبر عن الوضع العام
# البرامج الحكومية لدمج المهاجرين والحاقهم بسوق العمل هي كلها محض هراء وتضييع وقت وأهم شيء عندهم هو انهم ياخدوا اسمك وبياناتك ويصوروا كارت ال PR بتاعك عشان آخر السنة يقدموا الكلام ده للحكومة فيبان انهم بيعملوا شغل وبالتالي يستمر التمويل الحكومي للمكاتب دي.
# المعادلة في كتير من الاحيان بتبقى مكلفة جدا والحكومة مش حاطاها ضمن خطة الاوساب فممكن جدا ما تقدرش تعمل المعادلة بتاعتك الا اذا كنت جاي بمدخرات ضخمة جدا.
# بعض برامج المعادلة بيكون الاولوية فيها للطلبة الكنديين المتعلمين في كندا وبالتالي حتى لو معاك الفلوس ممكن تتركن شوية لحد ما تلاقي فرصة قبول (اذا كانت المعادلة عبارة عن برنامج جامعي graduate ). وانا اعرف طبيب اسنان وصل وقدم كذا مرة ولم يتم قبوله ودلوقتي شغال عامل في امازون . مهزلة مؤسفة.
# شركات التوظيف recruitment agencies كتيرة جدا ومتوفرة لكن هيتجاهلوا كل مؤهلاتك ومش هيجيبولك غير شغل كاجوال انت اساسا تقدر تلاقيه بدون مساعدة منهم. ولو عندك خبرة كندية يعني كنت من المحظوظين اللي حصلوا على عمل في تخصصهم وبعد كده استقلت او حصلك lay off بيجيبولك شغل في تخصصك برضه انت كنت تقدر بسهولة تحصل عليه منغيرهم. اما حكاية انهم ياخدوا ال resume بتاعتك ويدوروا على فرص entry level مناسبة ليك فده مش بيعملوه لأن الفرص دي متاحة للمعارف من حملة ال high school مش لحضرتك. الكلام ده مبني على خبرة حقيقية خمس سنين ولا يوجد مكتب توظيف في كندا ما عندوش السي في بتاعي. ولم احصل على انترفيو واحد في تخصصي ولا تخصص قريب منه. لو كان جالي انترفيو كنت قلت يمكن معلوماتي متواضعة او خبرتي محدودة. لكن ماحدش اتصل بيا اصلا.
هنا ممكن واحد يقوللي انت حطيت رقمك غلط او ال resume بتاعتك ما وصلتش اصلا. وهنا انا بقول ده مش حقيقي لأن جاتلي اتصالات كتير وعملت مقابلات اكتر لكن كلها شغل كاجوال. معنى كده ان ورقك بيوصل لكن التوظيف انتقائي.
وانا شخصيا اعرف عشرات الاشخاص من حملة الدكتوراة والماجستير (من جامعات كندية) وبيشتغلوا كاجوال.
# بيئة العمل في الشركات في كندا مش بالعدالة اللي انت متخيلها . ده فيها ظلم وسوء معاملة واكل حقوق زيها زي اي مكان تاني في الدنيا. فلو عندك شغل محترم في مصر او في غيرها ما تروحش تستقيل وتقول اهاجر كندا عشان اشتغل في بيئة عمل راقية ومحترمة لأن ده يا صديقي هراء. هنا زي مصر بيتوقف على الشركة. لو شركتك كويسة هتلاقي التعامل راقي ومحترم ولو شركتك وحشة هتحس انك في بلد عربي بالظبط. انا شخصيا اتخانقت مع مدير كندي على زيادة 2 دولار في الساعة في مرتبي وكنت اتقاضى 15 دولار في الساعة وبقالي سنتين في المكان وطالبت بالزيادة بعد ما اكتشفت انه عين ناس جديدة على 18 دولار في الساعة في نفس المهنة بالظبط وتعليمهم متواضع جدا وماعندهمش اي خبرة في اي شيء. المؤسف انه قاللي ساعتها ان المرتب مش حسب المهنة ولكن حسب تقييمهم للشخص نفسه . اضطريت طبعا اهزقه واضعه في حجمه الحقيقي لأنه صدقوا او لا تصدقوا كان حاصل على college diploma 3 سنين ومرتبه بيوصل حوالي 120 الف دولار في السنة بينما انا الحاصل على ماستر وزمالة بتقاضى 15 دولار في الساعة يعني يا جماعة الخير حوالي 28 الف في السنة؟!
بالمناسبة عندما قدمت شكوى لوزارة العمل هنا بهذا الصدد قالولي ان ليس لهم صلاحيات التدخل في انا باخد كام . هما بس بيلزموا صاحب العمل يديك مش اقل من ال minimum wage . اما اي ظلم في المرتب فده مالهمش دعوة بيه.
# طابور الانتظار في الرعاية الصحية طويل جدا. ايوة مجاني لكن الانتظار طويل جدا. ممكن جدا ابنك يتعب لا قدر الله فتنتظر في الاستقبال 10 الى 12 ساعة عشان حد يكشف عليه. وده سببه قلة عدد الدكاترة مع ان البلد مليانة مهاجرين خريجي طب لكن مش معاهم ترخيص مزاولة المهنة لأن طريق المعادلة طويل جدا وشاق ومكلف. وانا شخصيا قابلت جراح عظام هندي واقف receptionist في مركز علاج طبيعي.
# الايجار غالي جدا في كندا والطلب عالي جدا والمعروض قليل ومن الصعب جدا تعيش هنا على الكاجوال وانت متزوج الا لو عندك اطفال وبتاخد عليهم child benefit . بس انت قابل على نفسك تهاجر وتعيش على child benefit وشغلانة كاجوال ؟
بقول كلامي ده للي عنده وظيفة محترمة في بلده وبيفكر يسيبها ويهاجر. بقوله انت حتهزق نفسك وتهين نفسك لأسباب واهية جدا. اما اذا كان وضعك الوظيفي سيء جدا فانت اصلا مش في موقع اختيار والكلام مش موجه ليك.
ما تعملش زي ناس كتير هنا كانوا اساتذة جامعة في بلادهم ولما جم هنا بيشتغلوا كاجوال ويفرح قوي لما يبقى supervisor في الشغلانة الكاجوال ومرتبه يزيد شوية وياخد benefits وبيقنع نفسه ان ده نجاح.
# الغش منتشر في التعليم الى حد لا يصدق. غش في الامتحانات وغش في ال assignments وناس بتدفع فلوس لناس عشان تعملها ال assignments . الصورة غير ما انت بتشوف في التليفيزيون.
# الحشيش انتشر بشكل ملفت للنظر بعد قرار رئيس الوزراء بتقنينه وده اثر على تفكير الناس وسلوكياتهم. انت هتحس ان دي كندا مختلفة عن كندا اللي من 20 سنة او حتى 10 سنين فاتوا.

الكلام ده انا كتبته بنية خالصة وليس لتصدير الاحباط
قلبي على اخواتي واهلي من الناس اللي ممكن يكون وضعها محترم في بلادها ويخلي حلم الهجرة ده يلطشه في نافوخه بدون اسباب valid وانما مجرد احلام واوهام.
طب هتقوللي ايه الحل
بقولك افضل طريق ليك هو الدراسة والاجتهاد في بلدك ثم الحصول على منحة دراسية في اي جامعة برة حتى لو في كندا. المنح الدراسية بتخليك تختلط ببيئة اكاديمية في اغلب الظن محترمة ومبنية على مبدأ الاستحقاق والانتخاب الطبيعي. حتى لو مش هجرة ولا اخدت جنسية لكن هتعمل لنفسك مستقبل كويس وهتلاقي شغل محترم في الصناعة او ال academia او حتى هترجع بلدك وانت محترم. وانا بقول للناس كلها والكلام على مسؤوليتي
اقسم بالله العظيم التعليم في بلادنا كويس جدا خصوصا دلوقتي مع تعدد المصادر اونلاين وبنك المعرفة اللي عليه كل journal articles والابحاث اللي انت عاوزها. سيبك من موضوع الهجرة وركز في انك تحصل على منحة دراسية تدرس بيها بره وتعيش من مرتبها.
والله من وراء القصد
تمنياتي بالتوفيق والنجاح للجميع

 

 

[Dr amr]

السلام عليكم، انا قدمت ملف هجرة في عام 2007 وكان برنامَج Skilled worker program للهجرة في وقتها وهاجرت في عام 2013 بعد انتظار طويل واجراءات كثيرة والحمد لله انا مستقر حاليا في اونتاريو .. هاجرت من الامارات الى كندا وقدمت ملفي بمساعدة مكتب محامي هجرة