النائب الخبؤ : محمد العمدة عايز يلغى الخلع

[Farida]

نوارة نجم كانت عامله سلسلة مقالات عن الخبؤ و من هو الخبؤ ......انا عثرت على واحد منهم و هو النائب محمد العمدة اللى الشعب اختاره من ضمن ما اختار علشان يشكلوا دستور و هو عايز يلغى قانون الخلع بحجة انه بتاع سوزان مبارك و علشان الست ممكن تسيب بيتها و جوزها وولادها و تطلب الخلع و تتجوز واحد تانى ...........مش عارفه رجل مين اللى يعرف ان زوجته مش عايزه و عايزه تتجوز واحد تانى و كمان متفقه معاه و يخليها على ذمته ...........متهيألى ان لم يكن هذا هو الخبؤ فمن يكون ؟؟؟؟؟؟

https://www.elfagr.org/index.php?opti...8%B1&Itemid=51

اقتباس مشروع قانون لإلغاء " الخلع " السبت, 17 مارس 2012 09:40 0 قام محمد العمدة وكيل اللجنة التشريعية بمجلس الشعب بالتقدم بمشروع قانون لإلغاء المادة 20 «قانون الخلع» من القانون رقم 1 لسنة 2000 الخاص بتنظيم بعض أوضاع وإجراءات التقاضى فى مسائل الأحوال الشخصية. ولفت العمدة النظر فى المذكرته الإيضاحية لمشروع القانون الذى من المتوقع أن يحدث جدلا واسعا فى الأوساط الدينية والاجتماعية والسياسية، إلى أن مادة الخلع التى تمت إضافتها إلى القانون، كان هدفها إرضاء المجلس القومى للمرأة الذى كانت تترأسه سوزان مبارك بزعم إنقاذ المرأة الشرقية من الاضطهاد»، ومنذ ذلك الوقت والشريعة الإسلامية تقع تحت الحصار، مضيفا: أرادت هذه الجهات (المجلس القومى للمرأة والجمعيات النسائية) أن تمكن المرأة من التخلص من الحياة الزوجية بإرادة منفردة دون رقيب ودون أدنى اعتبار لحقوق الأسرة والمجتمع. واشار العمدة إلى أن مفتى الجمهورية الأسبق وشيخ الأزهر السابق خضعوا لإرادة النظام السابق وللمجلس القومى للمرأة ولسوزان مبارك «من أجل فرض الخلع على المصريين بما يخالف القرآن وجميع الأحاديث النبوية والمذاهب الأربعة، وذلك بموافقتهم على تمكين المرأة المصرية من تطليق نفسها إذا وقفت أمام القاضى وتنازلت عن جميع حقوقها الشرعية، وأعلنت أنها تبغض الحياة مع زوجها، وتخشى ألا تقيم حدود الله بسبب هذا البغض.. «دون أن يكون للقاضى أى سلطة تقديرية فى بحث مدى توافر شروط الخلع الواردة فى القرآن والسنة». وتساءل وكيل اللجنة التشريعية: ماذا لو أن زوجة رفعت دعوى خلع بحجة أنها كارهة وتخشى عدم إقامة حدود الله وهى فى الحقيقة تريد أن تتخلص من زوجها لأنه يرفض السماح لها بالسفر إلى الخارج، فهل يكون الحكم الصادر بإيقاع الطلاق خلعا موافقا لمفهوم الخلع، كما أراده الله عز وجل؟ وأضاف العمدة إلى تساؤلاته: ماذا لو أن زوجه قررت أن تضرب عرض الحائط بزوجها وأولادها لأن رجلا ثريا غرر بها، فهل هذا الخلع يكون صحيحا متفقا مع الكتاب والسنة؟ واعتبر العمدة أن قانون الخلع تم تمريره لأن البرلمان السابق لم يكن بإمكانه أن يقف أمام إرادة المجلس القومى للمرأة،وتساءل ساخرا: «هل كان بإمكان شيخ الأزهر السابق والمفتى السابق أن يقفا ضد مشروعات المجلس القومى للمرأة أو قوانين حرم الرئيس». وأضاف: «لقد جنينا حصاد الخلع فى تفكك الآلاف من الأسر». وأشاد العمدة بموقف علماء مجمع البحوث الإسلامية الذين رفضوا هذا القانون، واعتبر أن من يتم تطليقها بمادة الخلع «طلاقها باطل». واوضح العمدة فى مذكرته أن الخلع وفقا للقرآن والسنة النبوية يستوجب القبول والإيجاب من الزوج والزوجة وفقا للمذاهب الفقهية الأربعة «وهو ما لا يمكن تصوره إلا بوجود تراضى واتفاق بين الزوجين على الانفصال، وهذا الأمر ثابت فى قوله تعالى: «فلا جناح عليهما فيما افتدت به». شاهد المحتوى الأصلي علي بوابة الفجر الاليكترونية - مشروع قانون لإلغاء " الخلع "

 

[زعلان]

ده الرئيس القادم لمصر

قانون الخلع مش حيفرق لأ،ه ممكن يستخدموا القانون القديم الي هو التطليق يعني القاضي يطلقها بدل ما يخلعها ما تحبكوهاش قوي

 

 

[savary]

حلقة كانت جامدة جدا مع يسرى فودة !!!


أعتقد الأيام اللى جاية هتبقى صعبة جدا


دول عاوزين يلغوا قانون الخلع خالص أو يدخلوا عليه تعديل بأن الأمر يبقى تقديرى للقاضى !

وتفضل مذلولة و متشندلة 8 ولا 9 سنين

وتجيب شهود بقى انه ضربها ولا شتمها ..........حاجة فى منتهى الأهانة الحقيقة !


بمعنى ان الست اللى عاوزة الخلع لازم تقدم اسباب مقنعة للقاضى و هو اللى يملك القرار فى امرار الخلع

أو عدم امراره !


هيبقى تقريبا زى الطلاق بالظبط و ملهوش أى لازمة !


والراجل مقتنع تماما أن موضوع الخلع دا أجنداااااااااااااات



مش عارف راجل أيه دا الى يستنى أساسا ان مراته تروح محكمة تطلب الخلع منه !

للدرجة دى لا نخوة و لا رجولة

واحدة ومش عاوزة تعيش معاك و عشان هى محترمة بتقولك خلاص كدا كفاية ...مش طيقاك !

وراجل ايه دا اللى عاوز يعدل قانون عشان يخلى الست تعيش غصب عنها مع راجل مش عاوزاه !



نحن عائدون لعصر الجوارى فاستعدوااااااا !

 

 

[dr-amira]

اقتباس المشاركة الأصلية كتبت بواسطة savary حلقة كانت جامدة جدا مع يسرى فودة !!! أعتقد الأيام اللى جاية هتبقى صعبة جدا نحن عائدون لعصر الجوارى فاستعدوااااااا !

بصراحة حلقة محبطة جدا ..جالى نفس الاحساس و انا باتفرج ..احنا راجعين لورا بسرعة الضؤ ..ما يتفعش نقف نتفرج ونستنى النتيجة .

 

 

[زعلان]

طيب بصوا للمرأة المسيحية الغلبانة في مصر فقط لا يحق لها ان تفتح بوقها

 

 

[bongeorge]

اقتباس المشاركة الأصلية كتبت بواسطة زعلان طيب بصوا للمرأة المسيحية الغلبانة في مصر فقط لا يحق لها ان تفتح بوقها

ههههه هو لازم تدخلوا المسيحيين فى أى جملة مفيدة !

 

 

[مزاياإنسانة]

يلغي حكم من أحكام الشريعة
الخلع يعتبر من أحام الشريعة وشروطه معروفة
وما أظنش في وحدة عاقلة تطلب الخلع وتدفع للزوج
فلوس عشان تخلعه إلا أكيد شايفة معاه نجوم الظهر والعصر كمان لا ويمكن موريها الشمس في نص الليل

 

 

[savary]

اقتباس المشاركة الأصلية كتبت بواسطة مزاياإنسانة يلغي حكم من أحكام الشريعة الخلع يعتبر من أحام الشريعة وشروطه معروفة وما أظنش في وحدة عاقلة تطلب الخلع وتدفع للزوج فلوس عشان تخلعه إلا أكيد شايفة معاه نجوم الظهر والعصر كمان لا ويمكن موريها الشمس في نص الليل

ماهوا مش هيقول بلغى حكم الشريعة

دى عالم صايعة يا مزايا - بلغتنا كمصريين -


يعنى عالم بتلعب بالبيضة و بالحجر


هوا بيعمل كل حاجة هوا عاوزها ........ويلاقيها مخرج دينى


تقيييييييييييف !


ترزية يعنى !!


فهو بيقول ايه .........بيقول انا مع الخلع و الخلع موجود فى الدين و الاسلام


بس انا من حرصى على الأسرة المصرية ..........انا هدى القاضى حق تقرير الحالة

وهل هى فعلا تستاهل الخلع ولا لاء !!


يعنى هيحوله لقضية - طلاق للضرر --

فى حالة الطلاق للضرر , الست لازم تثبت على جوزها الضرر

لازم تجيب شهود أنه ضربها أو شتمها

لازم تروح قسم الشرطة بقميص نوم و تقول ضربنى و الظابط يثبت دا فى المحضر !



يقوم الزوج يجيب شهود هوا كمان أنه مكنش فى البيت

أو انه أثار الضرب دى عشان التلاجة وقعت عليها


وهنا بقى فلازم الست تقفله قدام باب البيت بقميص النوم وتصووووووووت عشان تلم عليه الجيران

ويشوفوه وهوا بيضربها أو بيشتمها


ويروحوا يشهدوا معاها فى المحكمة


وهوا بقى هنا يقول ان الجيران دول مش ثقة و فى مشكلة بينه و بينهم عشان كدا بيشهدوا مع مراته


ودوخييييييييييييينى يا لمووووووووووووووووونة


قضية الطلاق للضرر بتقعد فى مصر ........8 سنين !!


ومحاكم و بهدلة و قلة قيمة و اقسام شرطة و محاضر و جرس و فضايح


فاى واحدة بنت ناس ........كانت بتعمل الخلع و تديله كل حاجته وتتنازل عن كل حقوقها ..بس تخلص منه



التتار الجدد دول مش عاجبهم الكلام دا بقى

عاوزين عصر الجوارى مرة تانية


تروح الست ترفع قضية خلع و لازم تقنع القاضى أنها مضارة من هذا الزواج

ان الزوج بيضربها أو بيشتمها أو بيهينها

وشهود و اقسام و محاضر ..........

 

 

[زعلان]

ما اظنش انها بتدفعله فلوس علشان تطلق يا مزايا هي تقريبا ما بتخدش فلوس بعد الطلاق او حسب الاتفاق او بترد بعض الفلوس الي اخذتها منه عند عقد الزواج

الي حيحل كل ده ان عقد الزواج يبقى مدني لا اسلامي و لا مسيحي ويبقى في قانون ان من حق الزوجين التطليق في المحكمة والقاضي هو الي يقرر من يدفع كام ولمين وخلصنا

 

 

[مزاياإنسانة]

اقتباس المشاركة الأصلية كتبت بواسطة زعلان ما اظنش انها بتدفعله فلوس علشان تطلق يا مزايا هي تقريبا ما بتخدش فلوس بعد الطلاق او حسب الاتفاق او بترد بعض الفلوس الي اخذتها منه عند عقد الزواج

اقتباس المشاركة الأصلية كتبت بواسطة زعلان الي حيحل كل ده ان عقد الزواج يبقى مدني لا اسلامي و لا مسيحي ويبقى في قانون ان من حق الزوجين التطليق في المحكمة والقاضي هو الي يقرر من يدفع كام ولمين وخلصنا

لا يا زعلان بتدفع له وهذا حقه
إذا كان راضي بيها وهي مش راضية بيه
لو تابعنا أحكام الطلاق من ساعة عقد القران إلى الخلع حتلاقي ربنا عادل ومافي أعدل منه
يعني

الطلاق يكون برغبة الزوج
أما الخلع يكون رغماً عنه .

في حديث لا أتذكر نصه لما إمرأة أتت للنبي وطلبت أن يطلقها زوجها وزوجها لايريد طلاقها فقال لها النبي صلى الله عليه وسلم
ردي عليه حديقته (طبعا كان سبب طلبها للطلاق أن زوجها يصوم النهار ويقوم الليل ومش بيديهامن وقته)
شوف السبب
والرسول عليه الصلاة والسلام لم يؤنبها لأنو عارف أنو سبب قوي جداً
في الطلاق يحق للزوج أن يراجع زوجته في مدة العدة
أما الخلع فلازم يكون بتراضي الطرفين

الطلاق كما هو معروف حق للزوج الطلاق ثلاث مرات.وفى حالة ماطلبت الزوجه الطلاق ورفض الزوج صاحب الحق فى الطلاق.تذهب الزوجه للمحكمه تطلب الخلع من زوجها مع تنزلها عن حقوقها الزوجيه مع الصداق ايضا.

طبعا هذا إذا كان السبب من طرف الزوجة أنها مش عاوزة الزوج لأي سبب في نفسها
مش سبب أن الزوج مدمن أو بيضربها ليل ونهار
يعني لو السبب في الزوج في خلقه ودينه هنا طبعا القاضي بيطلقها منه من غير ما تدي له قرررش أحمر
بس طبعا لازم تثبت هذا بالشهود أكيد

الرابط هــــنــــــا
فيه شرح كمان