مأساة 15 الف مستفيد من مشروع الرئيس ابني بيتك

[Farida]

الصحف المصرية والعربية

بعد ما تم التعاقد من اكتر من سنتين بين الشباب و جهاز مدينه 6 اكتوبر على مشروع ابنى بيتك و هى بناء وحدات على 150 متر فى الصحراء و كان من الممكن ان يزودوا المساحه شويه و بعد كده صدر الأمر بالبناء على 75 متر فقط من الأرض و لثلاثه ادوار و الجميع قالوا و ماله 3 ادوار فى 63 متر - بعد خصم السلالم - كويسين برضه و بعد ما دفع الشباب دم قلبهم فى اصدار التراخيص و تحملوا عناء بناء مساكنهم بانفسهم و تعرضهم لأرتفاع اسعار الحديد و الأسمنت و ترتكتهم الدوله فريسه للسوق و تقلباته و جشعه و بعد مطالبة جهاز مدينه 6 اكتوبر بسرعه البناء حتى يستفيدوا من دفع ثمن الأرض و الكل اخد النصيحه بعمل اساسات لخمس ادوار .......يطلع الجهاز بمفاجأة ولا مفاجأت من سيربح المليون ...................جهاز الطيران المدنى بيقول ما ينفعش 3 اوار فيه بعض المناطق تنفع دورين فقط و البعض دور واحد ..........طيب هو الطيران المدنى كان نايم و صحى ولا الجهاز كان عارف و عاي يعملها مفاجأة.................بجد موضوع يغيظ و اللى فكر فى اثارته دلوقتى مسئول من اغبى الأغبياء فى التوقيت ده بالذات .........و خدوا بالكم اللى متملكين الأراضى دى مسلمين و مسيحين و مافيش حد احسن من حد

https://dostor.org/crime/11/january/7/34597

اقتباس دعوي قضائية من شباب "ابني بيتك " للطعن علي قرار المحافظة بعدم الارتفاع بالدور الثالث الجمعة, 7-01-2011 - 1:13الجمعة, 2011-01-07 13:13 | رحمة ضياء المهندس أحمد المغربى..وزير الإسكان أعلن المستفيدون من مشروع "ابني بيتك" عن اعتزامهم رفع دعوي قضائية عاجلة للطعن علي القرار الإداري رقم 21 الصادر من محافظة 6 أكتوبر قبل مضي ستين يوماً من تاريخ صدور القرار أو نشره والذي يحدد سقف البناء في المنطقة السابعة بدورين فقط بدلاً من ثلاثة أدوار بإرتفاع 6 أمتار بدلا من 9 أمتار. وكان المتعاقدون قد حصلوا علي ترخيص لبناء ثلاثة أدوار من الجهاز وبعد انجاز 40% من المستفيدين بالمنطقة السابعة بابني بيتك بناء الدور الثاني فوجئوا بالقرار الذي يحرم عليهم الإرتفاع بالدور الثالث وذلك لرفض هيئة الطيران المدني بالمنطقة الإرتفاع عن ال6 أمتار ويتضرر من هذا القرار 15 ألف قطعة أرض بالمنطقة السابعة بمشروع ابني بيتك بمدينة 6 أكتوبر. ويقول أسامه مصطفى - رئيس جمعية ابنى بيتك- تعليقاً علي القرار: أقل ما يوصف به هذا القرار أنه قرار عشوائي ويفضح حالة العشوائية والفوضي التي نعيشها في مصر والتي تلعب فيها وزارة الإسكان دور البطولة مستنكراً موقف الوزارة وجهاز 6 أكتوبر والمفترض بهم التخطيط للمنطقة مع الطيران المدني ووزارة الدفاع قبل إصدار التراخيص من البداية للمستفيدين. كما أشار إلي عدم العدالة في حصول بعض المستفيدين بأرض في ابني بيتك علي ثلاثة أدوار وحصول أخرين علي دورين فقط لمجرد أن حظهم العاثر أوقعهم في المنطقة السابعة . وأضاف: الوزارة لم تلتزم بالعقد المبرم بينها وبين المستفيدين، فالجهاز أصدر ترخيص ب 3 أدوار ثم تراجع وسمح بدورين فقط متسائلاً: علي أي أساس أصدر الجهاز التراخيص وهل لم يكن لديهم علم بوجود هيئة الطيران المدني أم لم يتم التنسيق معها؟؟ مشيرا إلي أن هذا الإهمال لو حدث في أي دولة لكان وزير الاسكان قد استقال لاهداره أموال الشعب. من جانبه أكد طه جادو -نائب رئيس جمعية ابنى بيتك -: أن المستفيدين لن يتركوا حقهم مفنداً أبعاد الموضوع بأن الدولة عندما أعلنت عن المشروع كان ضمن الشروط السماح ببناء ثلاثة أدوار كحد أقصى والناس قبلت وتم دفع المقدمات علي هذا الاساس. وأن هانك عقد بين الدولة والمستفيدين والعقد شريعة المتعاقدين ولا يجوز تعديله إلا بإرادة الطرفين طبقاً لأحكام القانون المدنى مضيفاً: وعلى فرض أنن التعديل جاء وفقاً لقرارات سيادية ففى هذه الحالة الدولة مسئولة عن تعويض المستفيدين سواء الذين قاموا ببناء الدور الثالث وسيتم إزالته أو الذين لم يبنوا بعد لأنهم حرموا من إمكانية بناء الدور الثالث كما كان العقد ينص. ويقول أشرف النادى – أحد المستفيدىن من ابنى بيتك - عندما صمد مستفيدو ابنى بيتك أمام جبروت العربان و بنوا بيوتهم رغم الصعاب قام محاربو المشروع القومى باظهار ورقة عدم موافقة الطيران والخطوة القادمة أن يصدروا قرار بأن الأرض تابعة للأثار أو بها بترول لإزالتنا !!

 

[Tornado]

حسبي الله ونعم الوكيل

 

 

[بنت شعنونة]

وهوا مافيش قانون يحمي الناس دي؟؟
يعني يرفعوا كذا قضية على المسؤول عن الاستهتار دا
فين الراجل اللي اسمه نــبيــــه الوحــــش من الكلام دا
بدل ما هوا بيرفع قضايا على الفنانات يعمل حاجا عدله

 

 

[Eng A7m3d]

ده جزاء اللي يصدق الدولة في حاجة تاني
المشروع ده نحس يا جدعان سواء في اكتوبر أو العاشر أو أي حته بيتعمل فيها
ربنا عالظلام

 

 

[sondos]

ده الطبيعى هى الدولة بتعمل حاجة كويسة...
أصلا كل الناس اللى خدت الأراضى على ما بسمع كل ما يحلوا مشكلة تظهرلهم مشكلة ثانية... الأسعار شويه والبدو شويه وغيره يعنى الموضوع مش سهل من البدايه وأهوووه ختمت فى الأخر بالطيران المدنى...
حسبى الله ونعم الوكيل فى كل ظالم

 

 

[Farida]

المأساه لما تسألى فيه قرار طلع علشان نعمل قضيه قبل مرور 60 يوم يقولوا لأ طيب يعنى الطيران كان نايم و صحى يقولوا لأ ده قرار قديم طيب يعنى الجهاز كان عارف و عاملنا مفاجأة مع النيو يير يقولوا لأ ماكانش عارف و هكذا ...................
..................................................
.................................................. ...............
سقطت لويزا

 

 

[Remooo]

فعلا لو كان فيه الخير ما كان رماه الطير
ليا واحدة صاحبتى طلعت الارض بتاعتها طفلة
(للى مش عارف دى نوع من التربة ليها خاصية الانتفاش اذا اتسربت ليها المياه)
يعنى احلال متر ونص على الاقل
المشكلة انه مع صغر المساحات وان الناس بنت حواليها كمان حاولت تبعد عن حدود الجار
فالدنيا ضاقت اكتر...يقوموا يقولوا كمان دور ودورين بدل 5
ربنا معاهم بجد

 

 

[diab]

الناس للأسف مبتحرمش
كل مشاريع الدولة فاشلة يا جماعة وفروا فلوسكم اليومين الجايين الله يرضي عليكم

 

 

[اميره حبى انا]

عادى احنا فى مصر كل شئ جايز ومتنسوش ان احنا من غير صاحب فعادى انهم يبيعو ويشتروا فينا براحتهم