يوميات هبهوبه فى كالجارى

[Clinical chemist]

الصحف المصرية والعربية

مبروك

توصلوا بألف سلامة

 

 

[dentist mohamad]

ألف مبروك و بالتوفيق ان شاء الله

 

 

[Moe]

توصلوا بالسلامة إن شاء الله , ربنا يعينكم , اليومين دول الجو صعب شويه ياريت تجيبوا هدوم تقيله شويه , بالتوفيق

 

 

[Moe]

السلام عليكم

ده البرنامج النهائي إن شاء الله لعيد الاضحي المبارك في مدينة كالجاري , اعاده الله عليكم بكل خير وسعادة

(1)
في وقفة عرفه الموافق الخميس 25 أكتوبر حيكون فيه افطار جماعي في الصالة المغطاة الملحقه بمسجد اكرم جمعه في النورث ايست , بعد صلاة العشاء حيكون فيه مبارايات كرة قدم للي حابب , صلاة المغرب حوالي 6:30
الافطار حيكون
putlock


(2)
صلاة العيد حتكون في الاستمبيد بارك إن شاء الله السنه دي , بعد كده الناس حتجمع للي حابب و حيروحوا
TOMMYKPLAY, it is indoor kids playground , a lot of fun for kids




Eid ul Adha Prayer
Date: 26-10-2012
Start Time: 9:00 am
Duration: 2 hrs.
Location: Stampede Park - 1410 Olympic Way SE
(3)

المطاريد واهل كالجاري الكرام حيكونوا متجمعين في عقيقة يوسف ابن د عمرو و د هبه , و جنه ابنة استاذ هشام و مدام ايناس (مش اكيد لسه ) حيكون في

Calgary Marlborough Community Centre and Hall
636 Marlborough Way NE, Calgary, AB T2A 5M5
ده عنوان الصالة الي فيها العقيقه إن شاء الله , خلف
Marlborough mall



نفس مكان تجمع الافطار في رمضان , لو حد تاه أو مش عارف يوصل , يتواصل مع د عمرو ود هبه أو مع الناس اللي بتساعد في تنظيم الموضوع ده , د أحمد كمال أو د أحمد يوسف أو يتواصل معي محمد 4034020386

الهالوين حيكون في نفس اليوم حنحاول نبسطهم ونفرحهم إن شاء الله علي قدر مانستطيع , حيكون فيه
games, candy,
أفلام كارتون علي شاشة العرض في الصالة, يارب يبارك لكم فيهم إن شاء الله

فيه 5-6 اسر جداد علي كالجاري إن شاء الله يسعدوا بمعرفتكم وتسعدوا بيهم كلكم ناس افاضل ماشاء الله , حقيقي احلي حاجة في كالجاري اهلها الواحد سعيد انه عايش وسط الناس الطيبه دي كلها

الجو سيء لحد كبير لو حد ماعندوش عربيه يتواصل مع الناس بحيث أننا نساعد بعض علي قدر مانستطيع , حقيقي نفسنا نشوف الناس كلها ونسعد بيهم

الغداء حيكون حوالي الساعة 5 لأن فيه ناس شغالين اليوم ده , من فضلكم 5 شارب علي قدر المستطاع وربنا يكتب لكم الخير جميعا

بما أن الموضوع مفتوح فغالبا العدد حيزيد عن المتوقع لو الناس خلت الموضوع
POTLUCK
بس علي خفيف عشان نتفادي أي مفاجأة مش متوقعه حيكون افضل و الرأي ليكم طبعا وإن شاء الله حيكون يوم جميل جدا وكلكم تسعدوا بيه
كل عام وانتم بكل خير وسعادة

 

 

[Eng Hesham]

تروحوا و ترجعوا بالسلامه ان شاء الله
كل سنه وانتوا طيبين

 

 

[nohope]

ان شاء الله رحلة لاندنج موفقة وان شاء الله حالة الجو تتحسن
انتم السابقون ونحن اللاحقون انا قررت الاستقرار وان شاء الله حنسافر يوم 20 نوفمبر الى كالجارى وربنا يسترها على الجو
وشكرا ليكى يا باشمهندسة انك كتبتى على موضوع الشيك من البنك
معلومة سعر الدولار الكندى الان اعلى من الدولار الامريكى
الكندى 6.37 والامريكى 6.9

 

 

[skhedr]

الف مبروك يا مدام هبة و توصلوا بالسلامة ان شاء الله و منتظرين تجربتك

 

 

[هبه كمال]

الحمد الله وصلت الى كالجارى امبارح الرحله كانت طويله جدا 18 ساعه 5 ساعات من القاهره الى امستردام و 3 ساعات ترانزيت فى امستردام و 8.5 ساعات من امستردام الى كالجارى
المطار فى امستردام صغير فانصح الناس انها تنزل ترانزيت فى امستردام الخطوط الجويه الهولنديه كويسه جدا والخدمه فيها ممتازه متناسوش وانتو بتجحزو انك تختارو ان الوجبه للمسلمين وده من غير فلوس اضافيه

لما وصلت كالجارى درجة الحراره كانت -6 والجو ثلج شكرا لدكتور رفاعى وMoe انا الحمد الله جبت معايا البلطو والجونتى لان الجو برد جدا بالمقارنه بمصر

بالنسبه الاجرءات الاندينج كانت سهله جدااااا ماخدتش نصف ساعه مجرد اخد الورق المكربن وعنوانك فى كالجارى علشان يرسل عليه ال PR card انا سالته على الصور ادا كانت صح ولا انا محتاجه اتصور تانى قالى مفهاش مشكله

على فكره الدولار الكندى اعلى من الامريكى متنساش تغير عمله بعد متخلص الاجراءات من المطار وده اسهل من انك تقعد تدور على دولارات كندى فى مصر

سعر التاكسى من المطار الى الفندق 40 دولار اهم حاجه تاخد تاكسى مش لموزين واسال قبل ما تركب عن سعر التوصيله للفندق كام

الفندق جبد الحجره فيها ميكرويف و بوتجاز وثلاجه و ادوات مطبخ وده بصراحه ارخص فندق لاقيته لما عملت بحث على الانترنت

احب اشكركم جمعيا على الدعوات من غير ذكر اسماء علشان منساش حد منكم واحب اقولكم بفضل نصائحكم ودعواتكم والمعلومات القيمه الى فى المنتدى واهم من كده الروح الحلوه الى بين الاعضاء مكنتش قدرت اكمل مشروع الهجره واوصل الى كالجارى

فالف شكر ليكم جميعا وكل سنه وانتم طيبين

ان شاء الله هكتبلكم يوم بيوم عن رحلتى الى كالجارى

 

 

[محمد منجي]

اقتباس المشاركة الأصلية كتبت بواسطة هبه كمال الحمد الله وصلت الى كالجارى امبارح الرحله كانت طويله جدا 18 ساعه 5 ساعات من القاهره الى امستردام و 3 ساعات ترانزيت فى امستردام و 8.5 ساعات من امستردام الى كالجارى المطار فى امستردام صغير فانصح الناس انها تنزل ترانزيت فى امستردام الخطوط الجويه الهولنديه كويسه جدا والخدمه فيها ممتازه متناسوش وانتو بتجحزو انك تختارو ان الوجبه للمسلمين وده من غير فلوس اضافيه لما وصلت كالجارى درجة الحراره كانت -6 والجو ثلج شكرا لدكتور رفاعى وMoe انا الحمد الله جبت معايا البلطو والجونتى لان الجو برد جدا بالمقارنه بمصر بالنسبه الاجرءات الاندينج كانت سهله جدااااا ماخدتش نصف ساعه مجرد اخد الورق المكربن وعنوانك فى كالجارى علشان يرسل عليه ال PR card انا سالته على الصور ادا كانت صح ولا انا محتاجه اتصور تانى قالى مفهاش مشكله على فكره الدولار الكندى اعلى من الامريكى متنساش تغير عمله بعد متخلص الاجراءات من المطار وده اسهل من انك تقعد تدور على دولارات كندى فى مصر سعر التاكسى من المطار الى الفندق 40 دولار اهم حاجه تاخد تاكسى مش لموزين واسال قبل ما تركب عن سعر التوصيله للفندق كام الفندق جبد الحجره فيها ميكرويف و بوتجاز وثلاجه و ادوات مطبخ وده بصراحه ارخص فندق لاقيته لما عملت بحث على الانترنت احب اشكركم جمعيا على الدعوات من غير ذكر اسماء علشان منساش حد منكم واحب اقولكم بفضل نصائحكم ودعواتكم والمعلومات القيمه الى فى المنتدى واهم من كده الروح الحلوه الى بين الاعضاء مكنتش قدرت اكمل مشروع الهجره واوصل الى كالجارى فالف شكر ليكم جميعا وكل سنه وانتم طيبين ان شاء الله هكتبلكم يوم بيوم عن رحلتى الى كالجارى

حمدالله على السلامة و لاندنج موفق ان شاء الله...

 

 

[ديما]

حمدلله على السلامة