هو فيه ايه في الشارع؟

[nash]

الصحف المصرية والعربية

الشوارع كلها حوالينا ملغمه بعربيات ومدرعات الجيش واللي بتحمل الدبابات ( مش عارفه اسمها ) وتكثيف امني من الجيش والشرطه عند مداخل الشروق ومخارجها وطريق مصر الإسماعيليه ومصر السويس...

حد ملاحظ الموضوع ده حواليه؟

 

[م الغزالى]

مش يمكن هو ده الخبر السار إل قال لنا عليه سامى عنان !!!

ماهو قال إن الجيش حينزل الشارع ليعيد الأمن !
هو الجيش كان مشى من الشارع ؟

 

 

[سيدة مصر الاولى]

صحيح ما يمكن خطوة لاعادة الامن مرة اخرى بس كده تبقى الداخلية خلصت خلاص و هتتكسر اكتر لما كل ما يحصل كام حادثة هينزلولنا الجيش طب و الداخلية هتعمل ايه بعد كده

 

 

[إكرام يوسف]

بالصور ..الجيش يعود لحماية المنشآت العامة بلافتات " حماية الشعب"
الأربعاء، 8 فبراير 2012 - 17:23


الجيش يعود لحماية المنشآت العامة
كتب دندراوى الهوارى ومحمد حجاج


أكد مصدر عسكرى أن المشير حسين طنطاوى القائد الأعلى للقوات المسلحة أعطى أوامر بعودة القوات المسلحة إلى الشارع لحماية المنشآت العامة فى القاهرة والجيزة، وباقى محافظات مصر، وأمر بنشر عدد كبير من فرق القوات المسلحة اليوم أمام المنشآت لحمايتها، مشيرا إلى أن الجيش هدفه الأول هو وضع الاستقرار والأمن والأمان للبلد.

وبدأت قوات الجيش فى الانتشار اليوم فى جميع شوارع القاهرة والمحافظات لحماية المنشآت العامة، حيث لوحظ تواجد عدد كبير من المدرعات، تتواجد فى شوارع القاهرة الكبرى، والجيزة، وكذلك فى المحافظات.

وانتشرت المدرعات فهد بأعداد كبيرة فى الشوارع، ووضعت القوات المسلحة عليها الأعلام المصرية، إلى جانب جلوس أفراد الشرطة العسكرية والجنود أعلى المدرعات وتحية المواطنين، وإعطائهم إيحاء بأن الجيش مازال متواجدا لحماية المواطنين، وأنهم جزء من الشعب المصرى.

وعلقت القوات المسلحة على المدرعات عددا كبيرا من اللافتات التى كتب عليها هتافات الشعب فى بداية سقوط النظام البائد، ونزولها أيام الثورة فى العام الماضى "الجيش والشعب أيد واحدة"، كما رفعت لافتات "حماية الشعب"، كما قامت القوات المسلحة بتعليق صور فيها أحد الجنود يحمل طفلا رضيعا وتم تعليقها على المدرعات.






اللي عايز الصور يتفرج عل الرابط
https://www.youm7.com/News.asp?NewsID=597913

واضح ان الجماعة ركبهم سابت

 

 

[حسام]

أو فيه حاجة بتترتب؟
معلش يا استاذة انا الجماعة دول مش بعرف أفكر فيهم بشكل طيب

 

 

[nash]

اناااااااااا لسه بقول يا أم زياد

مش ملاحظه توارد الخواطر العنيف ده؟

 

 

[سنا الشرق]

ربنا يستر

 

 

[م الغزالى]

ببساطة الجيش بيعيد شعبيته من جديد علشان يمرر إل عاوزه والله أعلم

 

 

[aymanology]

طب مش خايفين عليها لتتسرق منهم تاني؟؟!!

المهم انهم " طواؤها" من الدم بتاع ماسبيرو

 

 

[إكرام يوسف]

امبارح في مظاهرة نساء من أجل التغيير عند مجلس الشعب.. كنا بنهتف: جيشنا فوق الراس مرفوع والمجلس تبع المخلوع.. نفسي جيشنا يطهر نفسه ويرجع زي ما كان جيشنا مش جيش المخلوع.. ساعتها الكلب اللي تبول علينا من فوق مجلس الوزراء والكلاب اللي سحلوا بناتنا وعروهم وفقأوا أعين شبابنا وقتلوهم حيتحاسبوا.. ومش حيفلتوا من ايدين الجيش المصري الحقيقي