يوم الحداد الاسود فى الجامعات المصرية

[ILOVEEGYPT]

الصحف المصرية والعربية

اتشحت معظم الجامعات، أمس، باللون الأسود بسبب مظاهرات طلاب الإخوان المسلمين، التى أعلنوا فيها الحداد على إجراءات الانتخابات الطلابية من جانب، واستبعادهم منها والتواجد الأمنى الكثيف من جانب آخر.

وحمل الطلاب النعوش، التى ترمز للاتحادات الطلابية، فى جامعات القاهرة وحلوان وعين شمس والمنصورة والمنيا وكفر الشيخ والأزهر، احتجاجا على أسلوب الإدارات الجامعية فى إدارة العملية الانتخابية، وشطبها أسماء الطلاب المعارضين من قوائم الانتخابات منذ بدايتها.

وجاءت وقفة الطلاب فى جامعة القاهرة، صامتة أمام قبة الجامعة، وبدأت منذ صباح أمس واستمرت لأكثر من ساعتين، وسط تواجد أمنى كثيف حول أبواب الجامعة، ووصلت ٣٧ عربة أمن مركزى و٤ عربات مدرعة إلى الموقع تخوفا من خروج الطلاب بمظاهراتهم إلى الشوارع.

وعلق الطلاب خلال الوقفة، لافتات سوداء، كما ارتدوا الشارات السوداء على أكتافهم.

واحتشد المئات من طلاب جامعة الأزهر وسط تواجد أمنى كثيف أمام مكتب رئيس الجامعة لأكثر من ساعتين للتعبير عن رفضهم استبعادهم من الانتخابات الطلابية والمدينة الجامعية.

وطاف طلاب الجامعة بجامعة حلوان، أروقة الجامعة ووقفوا ٤ دقائق أمام كل كلية لشرح ما تعرضوا له من انتهاكات - حسب قولهم - فى الانتخابات الطلابية.

منقول من المصرى اليوم
لك اله يامصر من حكم مستند لا يؤمن بالحرية
بس فى امل لسه فى شباب مصر

 

[Miramar]

في المنيا علقوا ورق وجنب كل ورقة لزقوا كوسياية و كتبوا على الورق (( وطبخوها الكوسة )) .. بس اتشال والحمد لله ..
ربنا يهديهم ويهدهم ..

 

 

[أيسر]

لا أتصور أن يصل الأمر لهذا . الإخوان المسلمين غير مسموح لهم بتكوين حزب سياسى . ولا أعرف إلى متى سوف يظل الأمن خامل لا يتخذ أى إجراء ضد هؤلاء الطلبة المأجورين من هيئات خارجية . لك الله يا مصر .

 

 

[ILOVEEGYPT]

الاخوان ملهمش حزب سياسى بس ليهم شعبية بين الناس
بس مش هم لوحدهم
برضه القرانين والعقلانيين برضه ملهمش حزب ولا ليهم شعبية بين الناس

 

 

[رمضان]

اقتباس المشاركة الأصلية كتبت بواسطة أيسر لا أتصور أن يصل الأمر لهذا . الإخوان المسلمين غير مسموح لهم بتكوين حزب سياسى . ولا أعرف إلى متى سوف يظل الأمن خامل لا يتخذ أى إجراء ضد هؤلاء الطلبة المأجورين من هيئات خارجية . لك الله يا مصر .

عندك دليل على انهم مأجورين
ولا هيه اتهامات وخلاص

هناك من هم مأجورين لهدم الدين بالفعل وهؤلاء يتلقون الاموال علني امام الجميع ومن منظمات يهودية
اما الاخوان فمعروفة مصادر دخلهم

 

 

[محمد أبوزيد]

اقتباس المشاركة الأصلية كتبت بواسطة iloveegypt الاخوان ملهمش حزب سياسى بس ليهم شعبية بين الناس بس مش هم لوحدهم برضه القرانين والعقلانيين برضه ملهمش حزب ولا ليهم شعبية بين الناس

سمعت حديث لمرشد الاخوان بانه يدعونا الجماعة المحظورة وانا اقول الجماعة المحظوظة

وفعلا محظوظة لان سر شعبيتهم وهي تعدت فوق 50% تقريبا حاليا جاءت من سوء ادارة البلاد وانتشار الفساد

تصور واحد باع نص فدان بمائة وعشرين الف جنية علشان يدخل ابنه كلية الشرطة

ياترى ايه المقابل الى هايحصله ظابط الشرطة علشان يعوض ثمن النص فدان

العجيبة الظابط العظيم الى دخل ابنه اشترى بالمبلغ عربية لبنته

هل الرقابة الادارية مش قادرة تسئله من اين لك هذا
طيب رئيسة مش قادر يسئلة وهو عنده كل المعلومات عنه

ياترى مصر رايحه على فين

 

 

[أمة العزيز]

اقتباس المشاركة الأصلية كتبت بواسطة أيسر لا أتصور أن يصل الأمر لهذا . الإخوان المسلمين غير مسموح لهم بتكوين حزب سياسى . ولا أعرف إلى متى سوف يظل الأمن خامل لا يتخذ أى إجراء ضد هؤلاء الطلبة المأجورين من هيئات خارجية . لك الله يا مصر .

هو حضرتك عندك دليل على انهم مأجورين ؟؟
بالعكس .. طلبة الاخوان معظمهم .. وبقول معظمهم .. شباب راقي جدا ومثقف وعنده فكر واعي .. بالرغم مع اختلافي مع فكرهم .. بس هو فكر يحترم
وغبااااااااء من الدولة ومننا اننا نقول ان الاخوان مالهمش وجود او مش من حقهم لانهم جماعة محظورة
جماعة مالهاش وجود واكتر من نص الشعب بيايدها ؟؟
مش فاهمة بنضحك على نفسنا ولا على مين بالظبط

حضرتك بعيد عن الجامعة اكيد من زمان ومتعرفش ايه اللي بيحصل في الانتخابات
ده العيال بيتسجلهم وبتتاخدلهم صور يتتهددوا بيها
بجد الله يكون في عونهم

 

 

[msameh]

اقتباس المشاركة الأصلية كتبت بواسطة أيسر لا أتصور أن يصل الأمر لهذا . الإخوان المسلمين غير مسموح لهم بتكوين حزب سياسى . ولا أعرف إلى متى سوف يظل الأمن خامل لا يتخذ أى إجراء ضد هؤلاء الطلبة المأجورين من هيئات خارجية . لك الله يا مصر .

ايامنا الاسره الوحيده اللي كانت مأجوره هي اسره حورس (لصاحبها الاخ عماره) .... و دا كان قدام عيني

اسر الجماعات ماكاتش لاقيه تأكل .... و لا حتي تعمل لوحه يتيمه

 

 

[invador]

اقتباس المشاركة الأصلية كتبت بواسطة ILOVEEGYPT الاخوان ملهمش حزب سياسى بس ليهم شعبية بين الناس بس مش هم لوحدهم برضه القرانين والعقلانيين برضه ملهمش حزب ولا ليهم شعبية بين الناس

ههههههه اضحكتنى والدكتور محرج عليا الضحك الاخوان قوة لايستهان لو هيا زى ما انتا بتقول مالهاش اى شعبيه يا اخ ماكانش الحزب الحاكم ولع ساعه لما الاخوان كسبوا الجوله الاولى فى انتخابابت مجلس الشعب ماكانوش علشان يضمنوا الرياسه زوروا فى انتخابات المحليات افهم بقى وماتكلمش تانى الا لما يكون معاك دليل واضح

 

 

[محمد أبوزيد]

اقتباس المشاركة الأصلية كتبت بواسطة iloveegypt الاخوان ملهمش حزب سياسى بس ليهم شعبية بين الناس بس مش هم لوحدهم برضه القرانين والعقلانيين برضه ملهمش حزب ولا ليهم شعبية بين الناس

اقتباس المشاركة الأصلية كتبت بواسطة invador ههههههه اضحكتنى والدكتور محرج عليا الضحك الاخوان قوة لايستهان لو هيا زى ما انتا بتقول مالهاش اى شعبيه يا اخ ماكانش الحزب الحاكم ولع ساعه لما الاخوان كسبوا الجوله الاولى فى انتخابابت مجلس الشعب ماكانوش علشان يضمنوا الرياسه زوروا فى انتخابات المحليات افهم بقى وماتكلمش تانى الا لما يكون معاك دليل واضح

الراجل قال بس ليهم شعبية يعنى مغلطشي