بلاش احسن...!!!

[بنت شعنونة]

كل فترة كدا الواحد نزعته الايمانية تهب عليه ويقرر يطلع صدقة لحد او مثلا يدي حد محتاج
جميل جدا...

ولكن..


انا مثلا واحدا من الناس ما اعرفش غير الناس اللي حوليا سواء في بيتي او شغلي و المحتاجين منهم ناس بعينهم ف مش معقول كل مرة ها اديهم هما هما نفسهم!! صحيح اللي ها ياخدوه مش ها يسد ولو بشق تمرة بس اهو نعمل الخير وربنا عالم بالنوايا

المشكلة تكمن بقى انه كل فترة نسمع عن حد اتقتل على يد حد كان بيديله فلوس زي مثلا الست مديرة البنك
زي الممثلة اللي قتلها واحد كان خد منها تبرع وغيره وغيره..
طب هل معنى ذلك اني ما اديش حد اعرفه وخلاص!!!!
طب حرام الواحد يصعب عليه والله
طب بلاش
كنت بتفرج على برنامج واحد من الناس و الناس اللي بيجيبها في اماكن و قرى تحت الارض وقلبي وجعني وكنت عاوزا اساعد ب اييييييييييي حاجا اقدر عليها وقلت اروح المكان دا نساعد ب اي حاجا
لقيت بابا بيقولي انتي لو عتبتي هناك واديتي حد حاجا احتمال تطلعي مقتولة دا لو طلعتي
؟؟؟!!!!!!!!!!!!
صراحا هوا احتمال وارد بنسبة 50% ويمكن اكتر
وانا مش بحب الجمعيات و ان كان الواحد بيلجأ ليها من وقت للتاني
واحدا قريبتي قالتلي انها بتطلع صدقتها لعيلة بذاتها في شكل مرتب شهري او نفقة شهرية ووفرت على نفسها التدوير
طب الناس دول مش ممكن يقتلوها في مرة ويفتكروا انها ياما هنا ياما هناك!! مع انها لا تحتكم الا على مرتب عادي جدا و دمتم!!

انتوا بتعملوا ايه.؟ وعاوزة حل غير عن طريق المعارف والاقاريب مش معقول كل ما الواحد ها يعمل حاجا لله ها يتزف بيها في العيلة كلها!!