تحذير هام بخصوص أدوية التخسيس الممنوعة مؤخرا

[Tornado]

الصحف المصرية والعربية

خدو بالكو يا جماعة علشان في ادوية للتخسيس اتمنعت بسبب اثارها الجانبية الخطيرة هو لسه منزلش منشور رسمي بكده لكل الصيدليات والاطباء اغلبهم مش متابع كالعادة يبقى خدو بالكو انتو ومحدش ياخد حاجة من الانواع دي

1- مادة الاورليستات (Orlistat) وهيا مادة فعالة الهدف منها منع امتصاص الدهون من الطعام وسهولة اخراجه من الجسم ولكن منع بسبب تسببه لتليف الكبد
والامثلة للاسماء التجارية منه: الأورلي (ORLY) و الأورليستات (orlistst) والزينيكال xenical)
https://www.medscape.com/viewarticle/722495

2- مادة السيبوترامين (sibutramine) وهيا مادة مستخدمة للتخسيس وتقوم بحرق السعرات الحرارية وتقليل الشهية ومنعت بسبب تأثيرها على القلب والضغط وانها قد تؤدي لتضخم بالقلب وتسبب زيادة سرعة النبضات القلبية والعرق والأرق والعصبية وفي بعض الاحيان الاكتئاب لانها تعمل على الجهاز العصبي المركزي
امثلة لها في السوق المصري :
ميريديا (meridia) و سيبورتريم (sibotrim) وريجيتريم (Regitrim) ودايت ماكس Diet Max) و سمارتان (smartan) وسليماكس (slimax)

https://www.moheet.com/show_news.aspx?nid=353447&pg=1

https://www.theheart.org/article/1041765.do

خدو بالكو من الادوية دي بقى ومحدش يفكر يخس بقى شكله عاوزين الناس تزيد اصل الكرش بيدل على العز برضه وعلى رأي اعلان بريل الكرش عمره ما يعيب راجل

 

[coconut]

انا بسمع كتير عن انو ادوية التخسيس مضرة واثارها الجانبية اكتر بكتير من فوايدها
علشان كدة ولاعمري فكرت اجيب منها او اني اجربها
بس كمان سمعت مؤخرا عن خل التفاح عنده قدره على حرق الدهون
هل هو كويس؟
لان ماما بتقول ان كتره بيحرق المعدة
صراحة انا مش ممكن اجرب حاجة الا بعد ما اطمن الاول...
ويسلمو كتير تورنيدو على طرحك للموضوع المهم ده

 

 

[oskasan]

الاسماء اللى انت جبتها يا تورنيدو ما فيهاش شيتوكال
انا جربته 6 شهور وكان ممتاز ونزل وزنى اكتر من 7 كيلو ده غير ان البنطلونات بقت مقاس 38 بعد ما وصلت 42
بس بقالي 5 سنين ما استعملتوش ورجع وزنى زي الأول
وكنت ناوي اعيد استخدامه تاني

مش عارف اوطي البس الشراب من كرشي ( خلي بريل يحلهالي )
افيدونى بالله عليكم ازاي البس الشراب واربط رباط الكوتشي
المعذب
اوسكا

 

 

[الحاج فوزى]

اقتباس المشاركة الأصلية كتبت بواسطة Tornado وعلى رأي اعلان بريل الكرش عمره ما يعيب راجل

يا سلام عليك يا تورنادو ..

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة oskasan الاسماء اللى انت جبتها يا تورنيدو ما فيهاش شيتوكال

اقتباس المشاركة الأصلية كتبت بواسطة oskasan انا جربته 6 شهور وكان ممتاز ونزل وزنى اكتر من 7 كيلو ده غير ان البنطلونات بقت مقاس 38 بعد ما وصلت 42 بس بقالي 5 سنين ما استعملتوش ورجع وزنى زي الأول وكنت ناوي اعيد استخدامه تاني مش عارف اوطي البس الشراب من كرشي ( خلي بريل يحلهالي ) افيدونى بالله عليكم ازاي البس الشراب واربط رباط الكوتشي المعذب اوسكا

انسف شرابك وكوتشيك والبس شبشب

اقتباس المشاركة الأصلية كتبت بواسطة الحاج فوزى يا سلام عليك يا تورنادو ..

الراجل اللي من غير كرش .. زي البيت اللي من غير عفش

 

 

[dana]

اقتباس المشاركة الأصلية كتبت بواسطة oskasan الاسماء اللى انت جبتها يا تورنيدو ما فيهاش شيتوكال انا جربته 6 شهور وكان ممتاز ونزل وزنى اكتر من 7 كيلو ده غير ان البنطلونات بقت مقاس 38 بعد ما وصلت 42 بس بقالي 5 سنين ما استعملتوش ورجع وزنى زي الأول وكنت ناوي اعيد استخدامه تاني مش عارف اوطي البس الشراب من كرشي ( خلي بريل يحلهالي ) افيدونى بالله عليكم ازاي البس الشراب واربط رباط الكوتشي المعذب اوسكا

نصيحة منى اتبع نظام ريجيم عادى حتى لو عاوز تنزل 50 كيلو بلاش الريجيم الكيميائى مخاطرة كتيرة وبلاش ادوية كله كلام فارغ كل اللى انت عاوزة بس بنسب بسيطة جدا
يعنى مثلا فى الفاكهة اى حاجة بس بلاش الموز لان سعراته الحرارية عالية جدا والبلح نفس النظام على الاكل وهكذا

 

 

[Eng A7m3d]

يا جماعة في واحد صاحبي كان طوله 175 ووصل وزنه كان 145 كيلو وفي خلال 3 أو 4 أشهر وصل وزنه 80 كيلو والسبب :
حاجة بسيطة جدا اسمها :خبير التغذية أو دكتور العلاج الطبيعي ومن غير حتى رياضة غير يا دوب نص ساعة مشي
بس بصراحة لازم أحمد ربنا أني من الناس اللي ممكن لو اتحط قدامها خروف تمسحه ومتتخنش كيلو
بيقولوا دي حاجة اسمها سرعة في الإيض أو حاجة زي كده
ولا يكونش من السحل في الشغل

 

 

[Dr-Alrefa3y]

اقتباس المشاركة الأصلية كتبت بواسطة oskasan الاسماء اللى انت جبتها يا تورنيدو ما فيهاش شيتوكال انا جربته 6 شهور وكان ممتاز ونزل وزنى اكتر من 7 كيلو ده غير ان البنطلونات بقت مقاس 38 بعد ما وصلت 42 بس بقالي 5 سنين ما استعملتوش ورجع وزنى زي الأول وكنت ناوي اعيد استخدامه تاني مش عارف اوطي البس الشراب من كرشي ( خلي بريل يحلهالي ) افيدونى بالله عليكم ازاي البس الشراب واربط رباط الكوتشي المعذب اوسكا

لا الشيتوكال له الية عمل اخرى وكويس انه جاب معاك نتيجة لانه مش معترف به رسمى فى منظمة الصحة كدواء للتخسيس.

د تورنادو

السيبوترامين من سنه واكثر مسحوب من الاسواق العربية والاوربية والامريكية

لكن بخصوص الزينيكال (اوريلستات )
ما سمعتش عنه شىء والى الان بيتم تداولة فى امريكا وكندا
عندك معلومات اكثر عن سحبه فعلا ؟؟

 

 

[Remooo]

ايون
البنى ادم من غير كرش....زى جوجل من غير سيرش
بس مفيش مانع برضه نعرف ايه موضوع خبير التغذية ده بتاع صاحب مهندس احمد
على فكرة الاخوة راداميس بينصحوا بدواء اسمه فاتاشى مع دواء تانى اسمه كارنيتول
فماذا تعتقدون يا دكاترة؟؟

 

 

[أم محمد إيهاب]

دعوه لموضوعي

مش موضوعي لكنه مهم جدا جدا... بداية النهاية هل اقتربت ؟؟؟ د. مصرية جزاها الله خيرا

بالنسبة لخل التفاح اللي أعرفه إنك تاخد ملعقة كبيرة منه على كوب ماء قبل الأكل بربع ساعة علشان يسد النفس عن الأكل


ونصيحة فعلا مجربة أي أم بترضع لاتستخدم هذه الطريقة لأنها توقف ادرار الحليب وهو ما عرفته متاخرة جدا بعد فوات الأوان