علاج نزلة البرد بالوصفات الشعبية

[شينكاوي]

الصحف المصرية والعربية

الانفلونزا مرض رخم وثقيل وملوش علاج دائم وحسب ما علمونا زمان في الكتاب ان فيروس الانفلونزا بيحور نفسه وبيعمل بصورة مضادة للأدوية , اعراض الانفلونزا صداع ورشح وعميااااان في العين يعني بتبقي شايف طشاش وعاوز تنام وتحس جسمك هزلان , الوصفات الشعبية تتنوع من قرش الليمون لضرب فحلين بصل ولا دا بينفع ولا دا بينفع ولازم دور البرد ياخد مدته وتلزمه الراحة التامة , طبعاً والحمد لله انا مصاب بدور برد من يوم الخميس وبدأ معي الساعة 12 دخلت مكتب واحد من الموظفين عنده عميل قالي لو سمحت في كلينكس خد من العلبة كم منديل تواجدت معه في نفس المكتب لمدة دقيقة ونص ومش زيادة بعدها رحت الكشك بتاعي لقيت في زوري حرقان شديد ضربت علبة إستحلاب وبعدها قلب معي بدور برد شديد , الغريب ان كان عندي دورة والمحاضر انجليزي وصعبت عليه فوصفلي وصفة شعبية إنجليزية سارقينها من مصر وقالي بلغة الفرنجة إني لازم اتغطي كويس وألف نفسي في البطانية لحد ما اعرق وبعدها هبقي كويس قلتله احط جرنال علي صدري بصلي مش فاهم رحت شارحله موضوع الجورنال علي الصدر دا وقلت نفيدو الراجل بمعلومة ولقيته مشدود للمعلومة دي واكيد هيطبقها لما يرجع بلاد الفرنجة , اللي عاوز اعرفه هل في وصفات شعبية للقضاء علي الانفلونزا غير ضرب البصل وقرش الليمون وهل في وصفات مجربة لنزلة البرد غير اللي نعرفها

 

[شينكاوي]

المزعج جداً في موضوع نزلات البرد هو العطس فتحس وانت بتعطس ان جسمك كله بيتعرض لصدمة كهربائية مؤقتة ويتبع العطس صداع شديد وألم في الأنف .

 

 

[biopasha]

أعراض الانفلونزا او نزلة البرد من سخونة وإحتقان وإفرازات مخاطية..
كلها بسبب العدوي الثانوية بالبكتريا وليس الفيروس ..
البكتريا بتنتهز فرصة إصابة الفيروس للخلايا وتكاثره فيها وتبدأ هي كمان في إصابة نفس المكان وتبدأ في التكاثر ولذا تسمي بالعدوي الثانوية لأن العدوي الأساسية كانت بالفيرس .

يبقي العلاج كله بينحصر في علاج العدوي البكتيرية الثانوية ولذا دائما نلاحظ في الوصفات الطبية وصف المضادات البكتيرية ( المضادات الحيوية ) وليس مضادات الفيروسات .

 

 

[biopasha]

اهم حاجة في العلاج هي تدعيم المناعة ..
تناول فيتامين سي بشكل متكرر وهو موجود كما نعلم في الليمون والبرتقال وخصوصا القشر.
عدم تناول الماء المثلج خصوصا عند الاستيقاظ من النوم .
عدم التعرض لتقلب جوي أو تيار مفاجئ مختلف بشكل كبير في درجة الحرارة عن درجة حرارة جسمك ( مثلا التقلب اثناء النوم امام مروحة او تكييف خصوصا ) .
يفضل استخدام غرغرة مطهرة زي البيتادين مثلا خصوصا علي الريق.
شخصيا منذ ايام كان عندي انفلونزا شديدة جدا واستخدمت معها استنشاق بخار الماء بيكون مفعولة جميل جدا ..
بالإضافة لتناول المشروبات الساخنة شخصيا افضل مشروب الجنزبيل الساخن وخاصة علي الريق لأنه بيكون مطهر قوي جدا لكنه طعمه قوي شوية وفيه ناس مش بتقدر تتحمله خصوصا في الصباح علي الريق .

 

 

[biopasha]

ملحوظة :

أهم حاجة تعرف بيها إصابتك بالعدوي الثانوية البكترية أثناء الانفلونزا او نزلة البرد هي تحول لون الإفرازات المخاطية ( البلغم ) الي اللون المائل للإخضرار او الأخضر .

 

 

[dr-amira]

كمان من الوصفات الكويسة قوى عسل ابيض و عليه عصير ليمونة و معلقة ميه دافية ...تقلبهم و تشربهم ...و زى ما بايو قال الجنزبيل...و كمان البردقوش و الينسون النجمى ...كل ديه مشروبات الطب الشعبى ...و الف سلامة

 

 

[شينكاوي]

الله يبارك لك يا بايو باشا انت والدكتورة اميرة ولا يوقف لكم سوق مجموعة الهمرة , بالنسبة للزنجبيل انا هجربه وهشوف نتايجه لكن انا حاسس ان نزلة البرد بتقل في حالة شرب الليمون السخن

 

 

[haya]

اقتباس المشاركة الأصلية كتبت بواسطة dr-amira كمان من الوصفات الكويسة قوى عسل ابيض و عليه عصير ليمونة و معلقة ميه دافية ...تقلبهم و تشربهم ...و زى ما بايو قال الجنزبيل...و كمان البردقوش و الينسون النجمى ...كل ديه مشروبات الطب الشعبى ...و الف سلامة

الله ينور يا اميرة
بس اسمحيلي هاكمل لشينكاوي من الحاجات المتاحه هنا
شينكو ..ادخل الجمعيه وطوالي علي اللمون الكبير اللي من غير بذر ده اللي بيبقي في ربطه خضرة شبك اللي اللمونة قد اليسوفانديه ده
ده بقي مع كل وجبه يعني 3 مرات تجيب كوبايه مايه كاملة فيها 3 ملاعق عسل صغيرين
وتعصر عليهم لمونه من دول واضرب
تااااااااااااني يوم الصبح باذن الله هاتدعيلي
اخدت دور زي ده بالضبط وتقيل جدا وما فوقنيش غير الوصفه دي طبعا مع الينسون في اوقات فراغي
الف سلامة عليك يا شينكاوي

 

 

[شينكاوي]

شكرا يا هيا بصراحة انا الصبح شربت زنجبيل في ساس مع انه طلع إسمه جنجل تي وكمان رجعت ضربت واحدة علي القهوة بالليل فمن أول ما شفطة من الجنجل الحمد لله الرشح خف مع انه كان ميه وملوش لون ولا فيه حاجات بتمشي زي بتاع القهوة إلا انه كان شديد والحمد لله حاسس بتحسن وبكرة هروح للعطار جنب الشغل واشوف في زنجبيل وحمر بتشديد الميم وربنا يعافي كل مريض ومبتلي بالبرد
علي فكرة واحد من اصحابي بيقولي ان في مستشفي المواساة او ابوحمرة كلينك في ابرة قوية جدا لنزلات البرد وانك تاخدها تخف علي طول وكل ما حد يجيله برد عندنا في البنك يروح يضرب الحقنة دي بس انا بكره الحقن إن شاء الله أسأل علي اسمها والشافي هو الله لا شفاء إلا شفاؤه .

 

 

[biopasha]

اقتباس المشاركة الأصلية كتبت بواسطة شينكاوي الله يبارك لك يا بايو باشا انت والدكتورة اميرة ولا يوقف لكم سوق مجموعة الهمرة , بالنسبة للزنجبيل انا هجربه وهشوف نتايجه لكن انا حاسس ان نزلة البرد بتقل في حالة شرب الليمون السخن

الف سلامة عليك ياشينكو ..
بالشفاء العاجل أن شاء الله

بس عاوز نصيبي في العملية دي