مين خدم مصر لوجه الله ؟

[Dr.Samo]

مين الشخصية - فى رأيك اللى حاسس انها فعلا وطنية جدا وبتخدم مصر لوجه الله .
مين حاسس ان فلان دا - مش عايز منصب ولا جاه ..... هو بيسعى لخدمة مصر فقط
يمكن الراجل دا - أو الست دى - يستاهل يكون رئيس مصر واحنا مش واخدين بالنا
يستاهل نرفعة على الأعناق ونديله صوتنا .... ونذهب به إلى كرسى الحكم
مين ؟

 

[only you]

سؤال مش سهل الاجابه عليه

 

 

[only you]

طب ما توسع شويه دايرة الاختيارات؟ ولا ما فيش حد؟خبر اسوح؟ 3 بس؟

 

 

[Dr.Samo]

اقتباس المشاركة الأصلية كتبت بواسطة only you طب ما توسع شويه دايرة الاختيارات؟ ولا ما فيش حد؟خبر اسوح؟ 3 بس؟

والله يا اونلى هانم لو عندك إختيار ثانى ياريت تطرحية فعلا ....
الواحد مابقاش لاقى حد

 

 

[Eng Hesham]

اشك ان فيه حد من المشهورين خدم مصر لوجه الله

نسبه كبيره منهم بالنسبالى مشكوك فى انتماءاتهم اصلا

 

 

[mahir baik]

ناس كتار بيخدموا البلد بدون ما يكونوا مشهورين
أي واحد بيشتغل بذمة عشان يحلل مرتبه أو أرباحه بيخدم البلد
سواقين تاكسي كتار أمانتهم بتخلي السياح يرجعوا بلدهم و هما بيمدحوا مصر
بياعين في المحلات ...سفرجية مطاعم وقهاوي ..... عمال نضافة
عساكر وضباط بوليس
بالنسبة للسياسيين الموجودين دلوقت ...... أسامي الناس اللي بأعتقد إنهم أصحاب مبادئ فعلا....مش مكتوبة فوق في الإستبيان

 

 

[تكسير]

دكتور سامو
ينقص هذا الإستطلاع , شخصية الدكتور المُحامي الباردعي , وكنت سأصوت له بكل تأكيد
فهذا الرجل خدم مصر خدمات جليلة , فقد شكها تقرير وأجهض حلم الطاقة النووية فيها , فحافظ عي البيئة
شكر له

 

 

[Dr.Samo]

اقتباس المشاركة الأصلية كتبت بواسطة Eng Hesham اشك ان فيه حد من المشهورين خدم مصر لوجه الله نسبه كبيره منهم بالنسبالى مشكوك فى انتماءاتهم اصلا

يا خبر يا هندسة ..... البلد مافيهاش حد عدل

اقتباس المشاركة الأصلية كتبت بواسطة mahir baik ناس كتار بيخدموا البلد بدون ما يكونوا مشهورين أي واحد بيشتغل بذمة عشان يحلل مرتبه أو أرباحه بيخدم البلد سواقين تاكسي كتار أمانتهم بتخلي السياح يرجعوا بلدهم و هما بيمدحوا مصر بياعين في المحلات ...سفرجية مطاعم وقهاوي ..... عمال نضافة عساكر وضباط بوليس بالنسبة للسياسيين الموجودين دلوقت ...... أسامي الناس اللي بأعتقد إنهم أصحاب مبادئ فعلا....مش مكتوبة فوق في الإستبيان

طيب ياريت حضرتك تطرح أسماء تانية .... محتاجين اسماء تانية

 

 

[مودة]

دعوه لموضوعي

مدونة مودتي بلا حدود

في ظل الظروف دي
مابقاش في رموز ولا قدوة
فالسياسة تدنس اي ثوب شريف

 

 

[سامية]

البرادعي أكيد....فهو لم يتلوث باي فساد وتبرع بجائزة نوبل للسلام للأعمال الخيرية في مصر في الوقت الذي لم يكن يتخيل أنه يمكن أن يخدمها مباشرة وأن يقدم "خيره" لكل الشعب. تحمل مالم يحتمله اي سياسي دون أن ينزلق إلى هوة البذاءات والاتهامات. مد يده لكل الطوائف السياسية التي استغلت قوته ثم بعد أن وقفت على رجليها بصقت على وجهه.
لو كان يمكن التعاقد مع رئيس من غير البلد كما نتعاقد مع كبار الموظفين والعلماء لتمنيت أن يقود السودان في هذه المرحلة الحرجة ...وساعتها كنتم عرفتم أي نعمة رفستموها.