Near-Death Experiences, NDEs

[أحمد فاروق]

ه موضوع ظريف جدا ، ومخيف . الموضوع عن تجارب ناس كانت على حافة الموت Near-Death Experiences, NDEs . استهوى هذا الموضوع الباحثين منذ سبعينيات القرن الماضي . وأنشئت جمعية اسمها International Association for Near-Death Studies, IANDS .

تلك التجارب تشمل من كانوا في غيبوبة ، أو نزيف في المخ ، أو حاولوا الانتحار ، أو كانوا على وشك الغرق ، أو تعرضوا لسكتة قلبية ، أو نزيف شديد بعد الولادة ، أو تعرضوا لمحاولة قتل بالصدمات الكهربية .

تراوحت روايات من كانوا على حافة الموت بين رؤيتهم نفق طويل في آخره نور ، أو أنهم خرجوا من أجسادهم ويرونها أمامهم ، أو يرون أشياء تحدث بعيدًا عن المكان المتواجدين فيه ، في الغرفة المجاورة مثلاً ، أو يراجعون شريط حياتهم ، أو يرون أقرباء لهم ماتوا ، أو يصلون لحدود مكان معين ، أو يشعرون بالدفء حتى لو لم يكونوا يرتدون شيئًا ، أو يشعرون أنهم أموات ، أو يسمعون صوت ضوضاء عالية .

حد عنده فكرة عن الموضوع ده ؟

ويكيبيديا

 

[Badroora]

معنديش فكرة عن الموضوع دا بس عندى 4 خبرات مع الموت او تقريبا انا اللى كنت حسه انى نهايتى قربت

الاولى ....وانا عندى 9 سنوات كان جدى الله يرحمه كان عامل جنينه صغير فيها زى بحيره "او ترعة"122 وجنبها عمود كهرباء وكنت بالعب وهدومى مبلولة وجيت جنب العمود اتكهربت واترميت فى البحيرة"الترعة" اللى جدى عملها وطلعونى وودونى المستشفي ..وقالولى انى مت وصحيت كل اللى اثر فيا انى بقي عندى فوبيا من "الترعة" مش من الكهرباء

المرة الثانية..سنه 2000 تقريبا كان عندى 23 سنه كنا فى رحلة فى اسكندرية والكلية عندنا استرخصت ورمونا على شط ميامي انا الحمدلله باعوم كويس "وياما خدت بطولات ومداليات فى النجع تقريبا كنت فتاة الترع الاولى" المهم اول ماوصلنا الشاطىء رميت كل شيء ودخلت اتمشي فى الماية حتى بهدومى مجاليش صبر اغيرها وغرقت ع الشط فى كبري خشب وكنت ماشيه جنبه عادى والارض كنت لمساها ولى طول وانا ماشية كان تحت الكبري عميق سقطت وكأنى وقعت فى حفرة من الخوف مقدرتش اتصرف وجالى اسبازم فى الجهاز التنفسي وغرقت الظريف بقي ان كان فيه ناس بتصيد سمك من فوق الكبري مجموعة نزلت ترفعنى عشان اللى فوق يشدنى قمت انا بقي شديت اللى بيرفعونى وقعم هما كمان فى الماية "مع انى وقتها كنت اسكيني خالص " غير دلوقتى لكن لما كنت باحتضر مكنتش خفيفة المهم طلعونى ع الشط وعملوا الازم واسعفونى من الماية اللى شربتها بس انا كانت مشكلتى انى مكنتش بتنفس كويس من الصدمة الحمدلله بعدها هديت وقعدت لمدة 5 دقايق وشوفت اصحابي بيعيطوا انهم كانوا هيفقدونى الكل تعاطف معى وقالولى هتقضي باقي اليوم ع الشط مش هتنزلى الماية انا يا دوب كان فى ايدي كوباية شاي دافية شربتها ودخلت الماية مطلعتش غير واحنا مروحين ونسيت اساسا موضوع الموت دا مع انى شوفته بعيونى.

المرة الرايعة ...اخر حادثة عملتها واتكنسلت فيها سيارتى الحمدلله ختلى خبطة فى نافوخى وعظام الصدر بس الاير باج مطلعش من حسن حظى تقريبا فقدت شبه الوعى لمدة لحظات قبل وصول الاسعاف بس كنت فايقة ومدركة كل شيء حولى ومحولتهم لفتح باب العربية عشان يطلعونى منها ومش عارفين جالى احساس غريب ان العربية زى الافلام هتنفجر وانا كنت عاجزة مش قادرة اتحرك وسامعة وش وكلام وزحمة وبوليس وقتها مكنتش قادرة اتحرك من الدوخة غمضت عينى ونطقت الشهادة واستسلمت لقدرى البنى ادم مننا ماهو الا لسان صحيح وفجأة صحيت على ايد زمايلي"بتوع الاسعاف" شوفتهم اتخضيت وخصوصا انهم كانوا بيحكولى على البلاوى والغلطات اللى كانوا بيعملوها وهما بيجيبوا المرضي من الحوداث بفضل الله فوقت ورفضت يعملولى اى حاجة غير لما اوصل المستتشفي العمر مش بعزئه..والمرادى نجيت من الموت والموقف ظل فى دماغى شوية ايام وبعد كدا نسيت .

المرة الرابعة ...تقريبا مش شهر وشوية ممكن اكون مبالغة شوية فى دي بس والله دا اللى حسيته قفلت باب الشقة على صباعى "جالى vasovagal attack من شدة الالم واغمى على وكنت لوحدى فى الشقة وبعدين فوقت ومكنتش قادرة اقوم من ع الارض ولا اتحرك وكأنى اتشليت كامل ومدروخة وحسيت انى هاموت فطيس وحتى مش هاقدر اقول وصيتى لحد
ولما قومت وبقيت كويسة صعبت على نفسي شوية وكلمت امى واصحابي وصليت ركعيتن شكر والبوم دا بقيت اسوق بادب واحترم الايشارات وتانى يوم نسيت ولا كأن حاجة حصلت ورجعت زى مانا
موضوع جميل يا دكتور بس لعلنا نتعظ منه

 

 

[أحمد فاروق]

ايه يا بدرية كل ده ، 4 تجارب مرة واحدة ... ده كتير قوي . ربنا يحفظك ويحفظنا جميعًا .

اقتباس المشاركة الأصلية كتبت بواسطة badria mekkawy الاولى ....وانا عندى 9 سنوات كان جدى الله يرحمه كان عامل جنينه صغير فيها زى بحيره "او ترعة"122 وجنبها عمود كهرباء وكنت بالعب وهدومى مبلولة وجيت جنب العمود اتكهربت واترميت فى البحيرة"الترعة" اللى جدى عملها وطلعونى وودونى المستشفي ..وقالولى انى مت

دي مهمة . عشان كتير من اللي كانوا في غيبوبة أو خرجوا من عملية أو في المستشفى عموما ، شافوا المشاهد اللي حكيت عنها في المشاركة اللي فاتت لما الدكتور قال : ده مات .

بس كهربا وكمان غرق يا بدرية ؟

بس ماقولتلناش شفتي ايه بقى أو حسيتي بايه أثناء التجارب دي ؟

 

 

[Badroora]

لما مت زمان من 9 سنين دى مش فاكرة اوى لكن اخر مرتين كنت باحتضر حسيت انى باحلم وانى فى عالم تانى تخيلت بيتنا وجدى بس بيتنا زمان القديم مش الجديد حياتى الحالية مجتش فى بالى خالص.
بس هاقولك حاجة انا ديما كدا لما باكون مريضة جدا عمرى محياتى الحالية بتيجى فى بالى دايما مشاهد من الطفولة واللعب والشارع والجيران فعلا عندى مشاهد ثابته بتوقف عندها لما باكون فى حالات ضعف سواء مرض او المرتين اللى عملت فيهم الحادثة مشاهد معينه من الطفولة اللى دايما تيجي فى بالى وشريط احداثها بيكون كانه فيلم باتفرج عليه واخر مرة بتاع صباعى فعلا لما فوقت كنت متوقعة انى هافوق على المشهد اللى كنت عايشة فيه مش الواقع اللى فوقت عليه

فى مرضي عندنا وخصوصا اللى بيجوا فى حوداث او سكتات قلبية ويتعمل لهم انتعاش بعد مايفوق مش بيتذكر اى شيء غير فقط اخر مشهد حصله واغمى عليه واللى فاق عليه اما اى حاجة تمت بين الفترتين دول بتوقع منه ودى لمستها فى مرضي كتير كان بيبقي عندى كريوزتى" فضول" اعرف هما بيحسوا بايه فى كتير جدا مش بيتذكروا اللى حصل.

 

 

[ابتسامــة]

الحقيقة معنديش أي فكرة عن مثل هذه التجارب
لم أمر بأحدها أو أكون قريبة من أحد مر بها
لكن كما ذكرت يُجمع كل من مر بهذه التجربة في الغرب على رواية الضوء في آخر النفق والذي أصبحت مثل تابوه لهذه الحالات غالبا عائد لمعتقدات دينية راسخة في أذهانهم


/

4 مرات يا بدارة
انتي با بنتي سوبر جيرل بجد
مفروض تسجلي مذكراتك دي ...

بس أتفق معك أنه عند المرض الشديد خاصة عند إصابتني بحمى شديدة كل ما يمر بذهني المشوش حينها هو ذكريات الطفولة بالفعل كل مرة حوادث معينة هي التي تطفو على سطح الذاكرة..

 

 

[أحمد فاروق]

اقتباس المشاركة الأصلية كتبت بواسطة ابتسامــة ... لكن كما ذكرت يُجمع كل من مر بهذه التجربة في الغرب على رواية الضوء في آخر النفق والذي أصبحت مثل تابوه لهذه الحالات غالبا عائد لمعتقدات دينية راسخة في أذهانهم

الفاضلة / ابتسامة

شكرًا على مرورك ...

كلامك صحيح . بدليل أن الأطفال الذين تعرضوا لـ NDEs اخلتفت رواياتهم عن روايات البالغين . فروى الأطفال أنهم كانوا يتكلمون مع اخوتهم مثلا أو مع أمهم . لكن لم يتعرضوا لاي رؤي تتصل بالعقائد الدينية .

 

 

[galaxy]

الموضوع دا بيستخدم كتير كتيمه لبعض الافلام الاجنبيه وسبق طرحه طبعا مش كجانب علمي في مسلسل مصري يتضمن صراع العقل الباطن والواعي في مرحله تشبه هذه المراحل.........122
معنديش معلومات تحديدا لكن ممكن يكون صراع بين العقلين الباطن والوعي بيتغلب فيه الباطن او بيصل علي الاقل الي منطقه متوسطه بين الاتنين وفي المنطقه المتوسطه دي تتم مجريات الامور بحكم الرغبه في الموت او الانتحار او التفكير فيه لهوله مقابله المشهدنفسه او لسوء الحاله الصحيه مثلا كما في حالات المرض الخطير ومنها صراع داخلي او شريط للحياه او صرع عقائدي ومراجعه للنفس.........عموما هي نقطه مطروحه وجاري البحث ..شكرا لاثارتها