عندى أرق

[انسان بقلب ملاك]

الصحف المصرية والعربية

اصيبت بالأرق منذ مدة وانقلب حالى وأحتاج الى النوم نهارآ فلا اترك نفسى للنوم لكن عندما يأتى الليل اشعر بالنعاس ومن ثم انام لمدة دقائق وبعدها اصبح اعانى من هجر النوم حتى بعد طلوع النهار
هل انا مريض ام هذة اعراض نفسية لانى امتلك من مشاكل العمل الكثير ...
المطلوب هل اتعاطى منوم او مهديء وماهى اقلهم خطورة

الصداع شبة صاحب لى .. ممنوع من المسكنات لانى مصاب بالقرحة العصبية

 

[مدى]

دور ع السبب الرئيسي لأعراض القلق..
يعني مش تعالج الأرق دون ماتشوف اي السبب الأساسي اللي وصلك لكده..

يمكن عندك مشاكل في العمل او ضغوط..
يمكن حاجة صحية..أكيد انت ادرى حد بالحقيقية..

بس نصيحة بلاش مهدئات..
قول الأذكار وأقرأ قران ..ومتحاولش تنام لوحدك..خلي حد يكون جنبك عشان تطمن وتدخل في النوم..

يمكن انت من نوع الناس اللي بيقلق من الوحدة ..فمش بيعرف ينام..


اتمنالك سكون..

 

 

[انسان بقلب ملاك]

الجميلة مدى شكرآ للرد والنصيحة انا اقوم بذلك فعلآ لكنى اشعر عند الارق بألم فى الجزء الاسفل من الجسم القدمين كاملة بشد عصبى وعدم راحة يبقى بقى اكيد لازم بيكون الارق دة عضوى سأعرض نفسى على دكتور شكرآ لردك

 

 

[biopasha]

اقتباس المشاركة الأصلية كتبت بواسطة انسان بقلب ملاك اصيبت بالأرق منذ مدة وانقلب حالى وأحتاج الى النوم نهارآ فلا اترك نفسى للنوم لكن عندما يأتى الليل اشعر بالنعاس ومن ثم انام لمدة دقائق وبعدها اصبح اعانى من هجر النوم حتى بعد طلوع النهار هل انا مريض ام هذة اعراض نفسية لانى امتلك من مشاكل العمل الكثير ... المطلوب هل اتعاطى منوم او مهديء وماهى اقلهم خطورة الصداع شبة صاحب لى .. ممنوع من المسكنات لانى مصاب بالقرحة العصبية

شوف بقي .. انصحك بأنك تبعد عن طريق المنومات خالص .. هو واضح جدا ان المشكلة معاك في القلق واحيانا يتطور في بعض الحالات ويصبح ما يسمونه بالقلق النفسي وهو مايحول دون النوم غالبا ..
وطبعا احيانا الامور بتتطور عند البعض وتتحول لنوبات قلق .. والحمد لله مرحلتك لم تصل الي ذلك بل هي مجرد قلق طبيعي ..

عيش الحياة بهدوء وحاول الا تقلق ويأتي ذلك بمحاولة حل المشاكل او البعد عنها ..

كان عندي قلق وارق زيك كدة ووصل لمراحل من عدم النوم لأيام وفي الاخر قررت البعد عن مشاكل العمل ومشاكل البلد وسيبت البلد ومشيت ..

الخلاصة .. حاول تبعد عن مصادر المشاكل اللي بتخليك تفكر قبل النوم .. واشغل حياتك بهدف تسعي له بكل طاقتك عشان تحقق فيه نجاح وخلال سعيك الدؤب لتحقيق اهدافك لن تلتفت لاي شئ في طريقك سوي هدفك الذي ستضعه محل بصرك وستنام قرير العين لتصحو مبكرا لتواصل مسيرة نجاحك .

اتمني لك النجاح والأطمئنان

 

 

[انسان بقلب ملاك]

يا ة والله انت ريحتنى ربنا يكرمك انا سوف اجرب نصائحك ويارب اتحسن ادعيلى بالتوفيق

ويارب كل الناس تدعيلى بالتوفيق علشان انا محتاج الدعاء من الجميع

شكرآ يا عزيزى biopasha

 

 

[قلب ملاك]

صح بلاش المنومات والمهدئات لانها ادمان وادمان فظيع كمان وبعد كده هتفضل على طول متعرفش تنام الا بيها .

حاول تحل المشاكل الى مسببالك قلق .

وان شاء الله بالاعتماد على ربنا كل شىء يبقى افضل .


فى كتاب رائع لكاتب اسمه دايل كارينجى
اسمه

دع القلق وابدأ الحياة

ابحث عنه واشتريه وصدقنى سوف يكون صديقك طوال الحياة

لايوجد كتاب اروع من هذا الكتاب يعالج مشكلة القلق والاكتئاب
وعندما تقراه تشعر بهدوء كبير وبحماس ايضا .

المنومات والمهدئات دى اخر خيار واخر وسيلة ممكن نجربها وبيتم اللجوء اليها عند التاكد من وجود خلل عضوى يمنعك من النوم .