تواضروس يطيح بـ بيشوي من المجمع المقدس

[تكسير]

في بادرة تعكس الثورة الداخلية علي أركان نظام البابا شنودة، قرر البابا تواضروس الثاني إقصاء الأنبا بيشوي من منصبه كسكرتير للمجمع المقدس وهو المركز رقم 2 في الكنيسة القبطية.
وقال تواضروس في تصريحات للمصريون إن اجتماع المجمع المقدس يوم الخميس المقبل سيناقش انتخاب سكرتير جديد لمجمع المقدس ، لأن الأنبا بيشوي لن يستمر في منصبه كسكرتير للمجمع المقدس .

وقالت مصادر كنسية مطلعة أن باخوميوس هو الأقرب لخلافة بيشوي في سكرتارية المجمع المقدس .

مشيرة إلي أن بيشوي بات مغضوباً عليه بشدة من جانب القيادة الكنسية الحالية بسبب تصريحاته المثيرة للجدل حيث شكك في عصمة القرآن الكريم وكفر الانجليين والكاثوليك وبعض المفكرين الاقباط كجمال أسعد وكمال زاخر ، في الوقت الذي تهدف فيه الكنيسة لعدم الاصطدام بالقيادة السياسية الحالية.


https://www.akhbarak.net/news/2012/11...82%D8%AF%D8%B3

 

[Raouf]

ازاى ؟؟؟؟؟؟
البابا تاوضروس لسة ما استلمش منصبه اصلا !!!!
بس على العموم قشدة ده العادى بتاع المصريون و المصدر المطلع

 

 

[تكسير]

غريبة صح ؟؟؟ لو الخبر ده صح يبقي في مشاكل كبيرة ممكن تحصل , بيشوي مش سهل ومش شوية , والبابا الجديد بيمسح كل أركان ورجال شنودة

 

 

[Raouf]

اقتباس المشاركة الأصلية كتبت بواسطة تكسير غريبة صح ؟؟؟ لو الخبر ده صح يبقي في مشاكل كبيرة ممكن تحصل , بيشوي مش سهل ومش شوية , والبابا الجديد بيمسح كل أركان ورجال شنودة

هو الخبر مش صحيح من الاصل
و ان كان ممكن يحدث ليه لأ الانبا بيشوى كبر ...
لكن موضوع سهل او صعب ما اظنش و مفيش اى مشكلة ممكن تحصل
انا متأكد ان الانبا بيشوى ممكن يكون طلب اصلا انه يتنحى و الامر لا يعدو عن كونه اشاعة

 

 

[تكسير]

اقتباس المشاركة الأصلية كتبت بواسطة Raouf هو الخبر مش صحيح من الاصل و ان كان ممكن يحدث ليه لأ الانبا بيشوى كبر ... لكن موضوع سهل او صعب ما اظنش و مفيش اى مشكلة ممكن تحصل انا متأكد ان الانبا بيشوى ممكن يكون طلب اصلا انه يتنحى و الامر لا يعدو عن كونه اشاعة

يعني هو خبر مش صح ولا انت متاكد انه ممكن يكون طلب التنحي فيكون الخبر صح وفي نفس الوقت مش صح ؟؟؟

 

 

[Raouf]

اقتباس المشاركة الأصلية كتبت بواسطة تكسير يعني هو خبر مش صح ولا انت متاكد انه ممكن يكون طلب التنحي فيكون الخبر صح وفي نفس الوقت مش صح ؟؟؟

لا هو اكيد مش صح
بس انا
لا استبعد طلب الانبا بيشوى مستقبلا الطلب ده

 

 

[تكسير]

اقتباس المشاركة الأصلية كتبت بواسطة Raouf لا هو اكيد مش صح بس انا لا استبعد طلب الانبا بيشوى مستقبلا الطلب ده

طبعا انت أصدق , ولو أني مش عارف أنت متاكد إزاي , عشم ولا معلومات ؟؟ عموما أكيد الخبر ده لو صح حيظهر ليه توابع
انا لفيت بسرعة علي كام منتدي قبطي ما لقتش حد بيقول حاجة خالص

 

 

[imatinib]

خبر متوقع

 

 

[dana]

فيه مصادر من داخل الكنيسة بتؤكد ان الاطاحة بالانبا بيشوى كسكرتير المجمع المقدس باتت قريبة وعودة المغضوب عليهم ايضا قريبة بعد ان شارك بالصلاة بعض من الاساقفة الموقوفين
وشكل الانبا بيشوى هيبقى اخره اسقف مطرانية كفر الشيخ ودمياط ويا مسهل ودة يحصل فعلا علشان هتبقى ثورة بحق وحقيق بعد اختيار البابا

 

 

[مانو البرنس]

اولا مننساش احنا بنتكلم على اساقفه روحانية انتو بتتكلموا عليهم كانهم رؤساء فى السياسة مش فى الكنيسة
الناس دى منفوخ فيهم الروح القدس و حتى لو غلطوا امثال الانبا بيشوى لا يصح نحن كبشر اننا ندين ناس كرزت حياتها للمسيح
متنسوش الانيا بيشوى اخد فترة اختبار الدير و بعدين راهب و بعدين ....... لغاية ما وصل للمركز ده
طبعا انا مش مع الانبا بيشوى انما ضدد من يوبخ اسقف ابقوا وبخوا الاسقف فى حالة شلحه نهائى لو سمحتوا
اما بخصوص جمال اسعد مين مسيحى بيدافع عن واحد قال فيه اسلحه فى الدييييير الا اذا كان عدوا اصلا للمسيحية
على فكرة تكسير فى المنتدى ده انا شوفت ناس جواهر الاسلام انا هسميهم كدا لانهم واجهة مشرفه للاسلام من كتر خدماتهم و مساعدتهم و مش هتراجع عن محبتى ليهم بسبب واحد قال كلمه بايخه فى باب خاص بالمسيحية
على العموم نورتى المنتدى و تحياتى ليكى