مكاسب التيّار المدنى

[savary]

الصحف المصرية والعربية

اقتباس المشاركة الأصلية كتبت بواسطة تكسير سؤال ليك يا سفاري هي كلمة علماني ليبرالي عيب علشان تستبدلهم بلقب مدني ؟ قلي الصراحة مستعر ولا خايف من التسمية ؟ علي أساس أنها ألقاب شبهة وأنت بتتقي الشبهات وكدة ؟؟؟

لا طبعا مستعر إيه :

ليبرالى وليه مش عاجبك ؟

ليبرالى عفريت و راكبك !

حر وانسان وفى الميدان

يوم الندا ..كان سابقك !




ليبرالى ياعم جاتك الهم

حريتى طريقى ..افديها بالدم

ليبرالى يا ناس ..سيد الناس

ثقافة وعلم ..لبلاده الحلم :)





أنا بس بقول التيار المدنى عشان أجمع ايدولوجيات مختلفة ( -قومى ليبرالى - علمانى - اشتراكى - يسارى -

ناصرى )

كل دا ينصهر فى بوتقة التيار المدنى

لكن لا يمكن أن نغلق التيار المدنى فى مصر على الليبرالين فقط أو العلمانين فقط

التيار القومى و التيار اليسارى باختلاف درجاته يمين و وسط و يسار حاضر بقوة فى المشهد السياسى المصرى

 

 

[savary]

اقتباس المشاركة الأصلية كتبت بواسطة جرديز

ماذا فعل أمن الدولة مع أيمن نور ؟

ماذا فعل أمن الدولة مع 6 ابريل بعد اضراب المحلة ؟؟

ماذا فعل أمن الدولة مع صحفيات كفاية اللى اعتدوا عليهم جنسيا وسط الشارع فى عز النهار ؟



هو مبارك تعامل مع الاخوان زى ما عبد الناصر تعامل معاهم ؟


مكانش قادر يعنى يعتقلهم كلهم و يحطهم فى المعتقلات ؟

مكتب ارشادهم و كوادرهم مكنتش مرصودة كويس فى الشارع و الجامعة و النقابات ؟


ماهو كان يقدر يوجه ضربات متتالية لاجهاض الاخوان تماما زى ما عمل عبد الناصر

كان أقوى تيار سياسى فى مصر التسينات والسبعينات هو التيار الناصرى وتقلص الاخوان تماما بعد ضربات ناصر


لكن مبارك كان عاوز يفضل محافظ على فزاعة فى وجه الأمريكان


عشان كدا كان سايب هامش حركة للاخوان - دون غيرهم


وكاجراء أمنى ...سمح بتواجد الوهابية حتى لا يبقى الاخوان وحدهم فى الشارع

خصوصا أن الفكر الوهابى كان فكر مدجن ينادى بالطاعة العمياء لولى الامر مهما فعل و مهما ارتكب من جرائم


كمان كان السماح للوهابية بالانتشار فى مصر يزيد من دعم العلاقات و الروابط بين مبارك و بين الخليج

وهى علاقات كانت فى المرتبة التانية على طول بعد واشنطن



فى اجتماع صفوت الشريف مع رؤساء التحرير كان بيقولهم اكتبوا زى ما أنتوا عاوزين ما عدا 4 خطوط حمراء

محدش ييجى ناحيتها

1- الرئيس خط أحمر

2- زوجة الرئيس خط أحمر

3- أولاد الرئيس خط أحمر

4- السعودية خط أحمر :)

 

 

[savary]

الأهم يا دكتور تكسير


انت مش ملاحظ أنك أتغيرت ؟؟؟


مش مرجعية حضرتك فى السياسة هى فقه الحاكمية السياسية اللى شيوخ حضرتك و مرجعيتك

كانت بتقول انه صحيح الاسلام !


مش فقه الحاكمية السياسية دا بينص على حرمانية الأحزاب

مفيش احزاب - مفيش ديمقراطية - مفيش تداول سلطة - مفيش برلمان - مفيش احتكام لنتايج صندوق

مفيش أغلبية و مفيش حاجة اسمها معارضة !!!


مش دا كلامكم ؟

مش دى كتبكم ؟؟

مش دا مفهوكم ؟؟

مش دى مرجعيتكم ؟؟



أنت مش ملاحظ أنك بتتغير ؟

مش ملاحظ أنك أنشأت بدل الحزب 3 أحزاب

مش ملاحظ أنك بتنزل انتخابات و انك بتحتكم إلى صندوق انتخابات

مش ملاحظ أنك نفسك تدخل ناس من عندك البرلمان عشان يكونوا أغلبية أو معارضة حسبما اتفق

مش ملاحظ أنك فرحان بنتيجة الحزب !!

جيت قولت اخدنا 20% من المرحلة الأولى !!




دكتور تكسير

أنت كسلفى و تيارك عموما بيتكون تانى و من جديد

فقه الحاكمية السياسية بيتكتب تانى و بيتكون من جديد

أنت دلوقتى تقبل ما لا كنت تقبله :)

توافق على ما كنت لا توافق عليه :)

أنت دلوقتى بقيت أكثر مدنية و أكثر ديمقراطية بل و أكثر ليبرالية !!!

أقل أصولية ...أقل تمسك بالمرجعية ومما كتب فيها ... أقل حدة ...أقل جمود و أكثر ديناميكية

أنت تقبل تماما بآليات الديمقراطية و بنتائجها و بأحكامها !

أنت هتكتب دستور بأيدك يقر مالا كنت تقبله أبدا

انت هتكتب دستور يقر بتداول السلطة و بالحياة البرلمانية و بوجود أحزاب و بوجود أغلبية و معارضة كماااان :)

انت هتكتب دستور يقر بالفصل بين السلطات و بدولة المؤسسات و بالمواطنة و بحقوق الانسان كمان :)


أهلا بك فى مصر بعد ثورة يناير :)