كليات القاهرة احسن ولا عين شمس

[Farida]

الصحف المصرية والعربية

بنت قريبتنا جابت مجموع حلو فى الثانويه العامه رياضيات و محتارة تكتب هندسة القاهرة و لا هندسة عين شمس .....انا طبعا بما انى خريجة القاهرة نصحتها تدخل هندسة القاهرة و كنت من شهر ذهبت فى زياره عمل لهندسة عين شمس و بصراحه اول ما دخلتها حسيت ان نفسى مخنوق و حسيت انى ماشيه فى عنبر فى مستشفى مخيف و خنيق...ده غير ان الزملاء اللىباقابلهم خريجى عين شمس سواء هندسه او تجارة او حتى طب باحس انهم معقدين قليلا و بيكلكعوا المسائل و يعقدوا اى مشكله لما تبقى عويصه جدا و بعدين يحلوها و يبقوا فخورين جدا انهم حلوا المشكله المعقده مع انها احيانا بتبقى بسيطه و مش محتاجه كلاكيع ........المهم دايما عندى احساس ان خريجى عين شمس دائما فيه بينهم و بين خريجى القاهرة تار بايت ......هل شعورى ده صح ولا غلط و ايه الفرق بين خريجى القاهرة و عين شمس ولا كله واحد و مافيش فرق .............

 

[أحمد باشــا]

عين شمس افضل

 

 

[نانا]

اقتباس المشاركة الأصلية كتبت بواسطة Farida بنت قريبتنا جابت مجموع حلو فى الثانويه العامه رياضيات و محتارة تكتب هندسة القاهرة و لا هندسة عين شمس .....انا طبعا بما انى خريجة القاهرة نصحتها تدخل هندسة القاهرة و كنت من شهر ذهبت فى زياره عمل لهندسة عين شمس و بصراحه اول ما دخلتها حسيت ان نفسى مخنوق و حسيت انى ماشيه فى عنبر فى مستشفى مخيف و خنيق...ده غير ان الزملاء اللىباقابلهم خريجى عين شمس سواء هندسه او تجارة او حتى طب باحس انهم معقدين قليلا و بيكلكعوا المسائل و يعقدوا اى مشكله لما تبقى عويصه جدا و بعدين يحلوها و يبقوا فخورين جدا انهم حلوا المشكله المعقده مع انها احيانا بتبقى بسيطه و مش محتاجه كلاكيع ........المهم دايما عندى احساس ان خريجى عين شمس دائما فيه بينهم و بين خريجى القاهرة تار بايت ......هل شعورى ده صح ولا غلط و ايه الفرق بين خريجى القاهرة و عين شمس ولا كله واحد و مافيش فرق .............

بصراحة يا مدام فريدة أنا بابا قالي نفس الرأي ده
هو بابا خريج كلية طب جامعة القاهرة وفعلا هو قالي على الموضوع ده قالي ان لان الكل بيفضل يبقى خريج جامعة القاهرة وخصوصا كلية طب القصر العيني لانه العملي والإمكانيات حلوة في القصر العيني
أما بالنسبة للدرجة العلمية اللي اعرفه انهم متساويين بس عين شمس مناهجها اصعب من القاهرة
وبالتالي حسب شرح بابا ليا انهم لانه دايما كتير بيكون فخور انه خريج القاهرة ده بيسبب ضيق خريجي عين شمس لانه بيبقى شايف انه ما فيش فرق وانهم درجتهم العلمية ومناهجهم اصعب وان خريجي القاهرة مرفهين عنهم ومع ذلك يفضلوا عليهم لذلك بيحاولوا على اد ما يقدروا يثبتوا كفائتهم على خريجي القاهرة بعدة محاولات
دا اختي كمان حكيتلي عنه من الدكاترة اللي بتيجي تمتحنهم شفوي وغيره وكذلك لما طلبة من عين شمس احيانا بتيجي عندهم

ده طبعا بدون شمول لكل الطلبة

لكن لو حضرتك تحبي تعرفي رأيي انا أفضل تختار الأول جامعة القاهرة لانها جامعة عريقة ومعروف درجتها العلمية
وده طبعا بعد استخارة الله اولا ثم استشارة وأخذ آراء أكتر من شخص
ربنا يكتبلها الخير ان شاء الله

 

 

[brain]

هندسه عين شمس اسمع من زمان انها الافضل في مصر - ما عدا في تخصص او اثنين موجودين فقط في القاهره و الاسكندريه
و لكن في نفس الوقت اسمع انها الاصعب
اصدقائي في هندسه عين شمس كانوا يحكوا قصص و حكاوي عن دكتور مجنون لماده اكثر جنونا تسمى هندسه وصفيه
للاسف لا اتذكر اسم الدكتور

 

 

[hoppa]

و لا دى و لا دى
كلية الهندسة الالكترونية بالمنوفية

متعة التخصص المنفرد

 

 

[hoppa]

صحيح افتكرت بعدما شفت مداخلة برين....هندسة القاهرة بها اقسام لتخصصات نادرة مش موجودة فى كليات الهندسة فى الجامعات الاخرى على ما اعتقد الهندسة الكيمائية و الهندسة النووية و الهندسة الطبية

 

 

[HAMOUDI]

اقتباس المشاركة الأصلية كتبت بواسطة brain هندسه عين شمس اسمع من زمان انها الافضل في مصر - ما عدا في تخصص او اثنين موجودين فقط في القاهره و الاسكندريه و لكن في نفس الوقت اسمع انها الاصعب اصدقائي في هندسه عين شمس كانوا يحكوا قصص و حكاوي عن دكتور مجنون لماده اكثر جنونا تسمى هندسه وصفيه للاسف لا اتذكر اسم الدكتور

برغم اننى لست خريج هندسه الا ان دكتور الهندسه الوصفيه فى كل جامعات مصر معروف عنه الجنان العبقري وتعقيد الامور وعدم التساهل وحب تحدي الطلبه ( الهندسه الوصفيه = امتداد الهندسه الفراغيه فى ثانوي)

 

 

[Farida]

اقتباس المشاركة الأصلية كتبت بواسطة brain اصدقائي في هندسه عين شمس كانوا يحكوا قصص و حكاوي عن دكتور مجنون لماده اكثر جنونا تسمى هندسه وصفيه للاسف لا اتذكر اسم الدكتور

الرقباوى .....
تخيلوا ده الدكتور الوحيد اللى كان بيجى لنا مخصوص من عين شمس .....الوصفيه دى هى الجنان بعينه .....كنت باحبها جدا و الله و فاكره والدى الله يرحمه لما كان بيشوفنى وانا بارسم وصفيه يقعد يسبح بقدرة الله على خلق كل شئ غريب متهيألى
بس بالمناسبه الموضوع ده اكتر عن الفروقات بين خريجى عين شمس و ليه رؤيتهم للحياة على انها معقده و مكلكعه ...فى القاهرة معظم اساتذتنا استشاريين فى اماكن كتير و عندهم دخول اضافيه خرافيه بره مرتب الكليه و الواحد فيهم يجى يادوب على ميعاد المحاضرة و بعدين يفط ينط يلحق شركته الخاصه ....و ده مش موجود عن دكاترة عين شمس اللى يا حرام بيطلعوا غلهم و عقدهم كلها على الطلبه اللى تحت ايديهم .......... وفى قول اخر ان اصلا عين شمس كانت معهد عالى و تحول الى كليه هندسه

 

 

[HAMOUDI]

القاهره طبعا
بس لو تسمحى انا عايز اضيف حاجه بعيده عن الموضوع شويه لانى شفتها كتير
كانت لي دائما احتكاك بطلبه كثيرين ثم بعد ذلك خريجين وزملاء عمل من جامعات مختلفه فى مصر
دائما ماكنت اسمع جملتين منسوختين بالكربون يقولها لي احد الزملاء عندما كان يريد ان يحكي عن ذكرياته فى الكليه
الاولى
اجد احد الاصدقاء يقول احنا كان عندنا دكتور بيقول دائما لو الجامعه فيها فلوس تعمل مهبط للطائرات كنت اشتريت طائره هليكوبتر من بكره علشان اجي بها الجامعه بس الجامعه بتاعتكم الى فقيره وانا عندي من الفلوس الى يخليني اجيب طائره واتنين وكانت هذه الجمله يقولها احد الاساتذه عندنا فى الكليه التى تخرجت منها ( هو الان عميد الكليه ) وقالها ونحن فى السنه الدراسيه الثانيه وقد سمعتها من اكثر من شخص فى كليات مختلفه فى جامعات مختلفه
الثانيه
مقولة شهيره دائما ماتكرر وقالها احد الاساتذه وانا فى السنه الاولى وهي
انا مابكتيش فى حياتي الا مرتين
المره الاولى لما والدتي ماتت
والثانيه لما طالب عندي جاب جيد جدا

 

 

[فــيــروز]

الهندسه الوصفيه كانت من ألطف مواد إعدادى هندسه .. و بصراحه أحيان باحس إن الطلبه بتتلكك .. يعنى يفضلوا يدوّروا من أوّل ما يدخلوا الكليه على الطلبه الفاشلين معتادى الرسوب و يسألوهم على المواد الصعبه -غالبا مفيش مواد سهله بمعنى سهله أو على طريقة امتحانات الثانويه العامّه بتاعة امتحان جاى من المقرّر- و يعقّدوا نفسهم و ياخدوا موقف مبدئى من الماده و أمّا يسقطوا يدّوا نفسهم مبرر للسقوط إن دى الماده اللىّ بتمثّل بعبع للطلبه كلهم .. الهندسه الفراغيه ينطبق عليها نفس الكلام على فكره ..

بالنسبه لموضوع طلبة "عين شمس" أنا شخصيا أفضّل جامعة "القاهره" وخلال دراستى كنت باتعامل بسخريه شديده مع فكرة أن "عين شمس" أصعب دى .. أمّا كنت أسمع من طالب فى "عين شمس" إن كليّته أصعب كنت أبقى عاوزه أعرف بنى حكمه على إيه !! مفروض يكون مرّ بظروف الدراسه فى الجامعتين فى نفس الوقت عشان يقدر يعطى حكم زى ده و هو أمر مستحيل تحقيقه نظريا و عمليا ..

الفكره إن بعض الجامعات تشعر أن سمعتها كجامعات صعبه أو معقّده شئ يفرح بل و يباهى بعض الأساتذه المعقّدون نفسيا إن نسبة النجاح فى مادتهم أقل من 20 فى الميّه سنويا و هو أمر -إن صحّ- يستحق محاسبه و تقصّى من الجامعه و ربّما تنحيه لهذا المدرّس و ليس الفخر و الفخار اللىّ بيبقى فيه أمثال هؤلاء الأستاذه المعقّدين .. ومن هذا المنطلق بدأت جامعة "حلوان" تتفنّن هى الأخرى فى ابتكار طرق لتعذيب الطلبه من باب كل ما كانت الجامعه لها سمعه إنّها صعبه و نتايجها زى الزفت كل ما كان شئ يدعو للفخار !! بالشفا إن شاء الله ..