ورق الحائط

[Doudy]

الصحف المصرية والعربية

اقتباس المشاركة الأصلية كتبت بواسطة أحمد باشــا صنايعي 100 % .... بيلصق بوسترات و عامل اعلان عن نفسه برغم انه وقع الجردل لاحظو تأثير تركيب البوستر في مكان ضيق و ما اضفاه من شعور بالرحابة في المكان بعد التركيب آه نسيت اقول .... من الممكن صنع بوسترات على حسب الطلب و بالصورة التي ترغبون بها بالفينيل بالطباعة بالبلوتر هناك شركات للطباعة تمكنك من ذلك ..... و ممكن لو حد حب يحط صورته على الحائط مكبرة

افكار جديدة فعلا اول مرة اسمعها

بس حلوة اكيد

 

 

[النجم الثاقب]

ارتبط ورق الحائط عندى بالأفلام التى انتجت فى فترة اواخر الثمانينيات .. كل ما اشوف فيلم من دول الاقى شقة البطل الشيك متغطية من أولها لآخرها بورق الحائط و البورتريهات و التحف ماليه الشقة و الحقيقة مكنش بيعجبنى ذوق الورق خالص .. بس ماشاء الله الأشكال اختلفت خالص للأحسن طبعا .. عن نفسى بفضل ورق الحائط يكون مفيهوش الوان كتير و يكون هادىء و يريح الاعصاب .. مع انى استبعد انى استخدمه فى شقتى فى المستقبل ان شاء الله .

شكرا يا باشمهندس أحمد على الموضوع القيم

 

 

[أحمد باشــا]

اقتباس المشاركة الأصلية كتبت بواسطة النجم الثاقب مع انى استبعد انى استخدمه فى شقتى فى المستقبل ان شاء الله .

و انا اللي كنت ناوي اقدم لك اوفر شديد

 

 

[النجم الثاقب]

اقتباس المشاركة الأصلية كتبت بواسطة أحمد باشــا و انا اللي كنت ناوي اقدم لك اوفر شديد

اذا كان كده ممكن اراجع نفسى

 

 

[أحمد باشــا]

للرفع علشان خاطر مدام هايا

 

 

[nash]

موضوع جميل جدا جدا أول مرة أشوفه ...

بس ياريت يا باشا تقولنا عيوب ومزايا كل نوع من الورق ... كمان يعني أيه ورق معدني؟

وترشح أي نوع كشيء عملي من خبراتك وتكون شيك كمان

 

 

[أحمد باشــا]

الله يكرمك يا ناش

فيه موضوع برضه عن المطبخ لو تحبي

مطبخك سيدتي

بالنسبة للمزايا و العيوب فهي تخضع للإستعمال المطلوب و عيوب نوع مزايا لغيره و العكس بالعكس صحيح

يعني مثلا الورق الحريري ممكن يستخدم في غرفة نوم او صالون مثلا بعيدا عن الإتساخ او التعرض للإحتكاك بينما الفينيل قد يستخدم في غرف المعيشة أو الأطفال

الورق ذو الغطاء المعدني بيبقى ورق حائط السطح العلوي منه او الطبقة الظاهرة من رقائق معدنية مثل فويل الألمونيوم مثلا و تكون مطبوعة او معالج سطحها بالليزر او لها ملمس خاص بالتشكيل او التصميم .

اما بالنسبة للترشيح فده الجزء الصعب لأنه يعتمد على الأثاث و الإستعمال و الألوان و كل ما يحيط و برضه الذوق الشخصي مهم جدا و هناك عامل آخر هو المتاح في السوق .... ممكن تسألي في حالة محددة يبقى الكلام فيها اسهل من التعميم

 

 

[حشيش]

مشكووووور يابو حميد على الموضوع القيم ده ... وقد إستفدت منه وخصوصاً الأنواع المختلفة ومزايا كل منها وعيوبه وكذلك الفيديو المرفق والذى بدا لى منه إن لصق الورق محتاج واحد متخصص فيه حتى يظهر العمل بصورة مميزة ومعتقدش إن أى نقاش عادى يقدر يلزق الورق بنفس المهارة والمصنعية دى كما يظهر بالفيديو وكيفية التخلص من فقاقيع الهواء التى قد تصاحب لصق الورق على الحائط وكيفية ضبط الحواف مع بعضها ... لى سؤال على هامش المؤتمر لو تكرمت: هل مصنعية لصق الورق بتتحسب بالمتر المربع ولا مقاولة على بعضها والثانى كم عمر الورق الإفتراضى (بمعنى كل كام سنة المفروض يتغير)؟

 

 

[العندليب]

موضوع رائع استاذ احمد
ليا سؤال هل ممكن لزق ورق الحائط على اى نوع من الدهانات وهل ينفع يتلزق على السقف
ولا دة لية انواع معينة

 

 

[أحمد باشــا]

اقتباس المشاركة الأصلية كتبت بواسطة حشيش مشكووووور يابو حميد على الموضوع القيم ده ... وقد إستفدت منه وخصوصاً الأنواع المختلفة ومزايا كل منها وعيوبه وكذلك الفيديو المرفق والذى بدا لى منه إن لصق الورق محتاج واحد متخصص فيه حتى يظهر العمل بصورة مميزة ومعتقدش إن أى نقاش عادى يقدر يلزق الورق بنفس المهارة والمصنعية دى كما يظهر بالفيديو وكيفية التخلص من فقاقيع الهواء التى قد تصاحب لصق الورق على الحائط وكيفية ضبط الحواف مع بعضها ... لى سؤال على هامش المؤتمر لو تكرمت: هل مصنعية لصق الورق بتتحسب بالمتر المربع ولا مقاولة على بعضها والثانى كم عمر الورق الإفتراضى (بمعنى كل كام سنة المفروض يتغير)؟

الله يعلي مراتبك يا شيشو

فيه صنايعية لزق ورق حائط هتلاقيهم بيحومو حواليك و انت بتشتريه

و ممكن المحل اللي انت اشتريت منه يبعت لك صنايعية تركبه في نفس اليوم ( و دي ميزته )

الأسعار بتختلف جدا جدا جدا .... و هم بيقيسو الزبون يعني هناك من يركب الرول ب 15 جنيه و تصل الى 50 جنيه او اكثر للرول و طبعا السعر بيختلف حسب الكمية

لكن .... صدقني لصق ورق الحائط سهل جدا و يمكن انت لو جربته هتعمل نتيجة افضل من الصنايعي كمان ... انا شخصيا بأركبه بنفسي في البيت عندي .... برغم ان عندي صنايعية ده شغلهم

الفيلم الأول الراجل محبكها ازيد من اللازم لدرجة ان ممكن الفيلم يكون تعليمي او دعاية زايدة

الفيلم الثاني الصنايعي شغال 100%

و لو حد عاوز يعرف الطريقة انا ممكن اشرحها

بالنسبة لعمره فهذا يعتمد على عوامل كثيرة جدا .... نوع الورق و استخدامه و الإحتكاك به و كثرة التنظيف و نوع اللصق و نوع الحائط المركب عليه و هل يوجد رطوبة في الحوائط او يتعرض الورق للشمس .... لكن في الأستعمالات العادية فمتوسط عمره من 7 الى 10 سنوات

عامة لو كل الأمور سليمة فهو معمر جدا مقارنة بالدهانات التي تتشقق او يصفر لونها او تبهت

و في بيت جدي ورق حائط مركب عالسقف منذ عام 1935 يعني عمره 75 سنة بالظبط و مازال يحتفظ بلونه الأزرق الزهري و نقوش الورود الذهبية عليه و محدش عاوز يغيره