الرجاء المساعدة ممن لديهم الخبرة

[mody]

الصحف المصرية والعربية

السلام عليكم ورحمة الله وبركاته

طبعا اغلب الشباب و الناس الي في مصر عايزين يهاجرو باي شكل و ممكن كمان لاي بلد بس هيا تيجي

دلوقتي انا صيدلي و عايش في الامارات و متزوج و عندي ولد و معايا فيزا زيارة لامريكا و بحاول اطلع فيزا زيارة لكندا و ده طبعا بعد ما قدمت كذا مرة في اللوتري و محصلش نصيب و على الاكسبريس انتري و سنة خلصت و مفيش امل

فانا مش عارف هل لو رحت لامريكا او كندا زيارة و مرجعتش يعني كسرت الفيزا هل في امل ؟؟

انا فقدت الامل قبل كده في استراليا لان للصيادلة لازم يخلصو المعادلة قبل ما يقربو ناحية الهجرة و غير كده شالوهم من الليستة و كنت مأمل على امريكا و كندا بس شكلها حظوظ

في اي حد هنا جرب يكسر فيزا عن قريب و بالاخص لو معاه زوجة و ولد؟؟؟

 

[Remon.soliman]

دعوه لموضوعي

مطاريد الكويت

مانصحكش

كسر الفيزا طبعا يعني مالكش اي مميزات ولا علاج مجاني ولا اتشيلد بنفيت ولا شغل قانوني

معناه انت محبوس في امريكا ولو خرجت مش هتدخل

مابيتعدلش الا لو لجوء او جواز

واللجوء في امريكا عليه ضغط جامد واعرف كذا حد متبهدل وواخد مواعيد جلسة 2022 وبعد كده يا اتوافق عليه وكسب كل حاجة يا اترفض ورجع مصر وخسر كل حاجة

موضوع خطر جدا والخطر والخسارة بتزيد لو في أسرة وأولاد فكر في كيبك انك تتعب وتتعلم فرنساوي ارحم من البهدلة

ربنا يوفقك
posted via mobile device

 

 

[mody]

بس كيبك سكتها طووووووويلة جدا

في ناس جاتلهم بعد 7 سنين

 

 

[mody]

طيب في سكة تانية لاوروبا عن طريق البطاقة الزرقاء و الي هيا زي تصريح اقامة للعمل بس ليه شروط كتير

انا ممكن اطلعه بالفلوس بس المهم بعد الوصول ايه العمل .. وانهي دولة احسن في اوروبا للاستقرار ؟؟

 

 

[Remon.soliman]

دعوه لموضوعي

مطاريد الكويت

اقتباس المشاركة الأصلية كتبت بواسطة mody بس كيبك سكتها طووووووويلة جدا في ناس جاتلهم بعد 7 سنين

كيبك سكتها طويلة بس سكة ودلوقتي الفرنساوي مابقاش اجباري والتقديم مفتوح حاليا بس عليه ضغط السنين

حاول تعلي من درجاتك في الاكسبرس انتري خلال الايلتس والفرنساوي وافتح بروفايل إكسبريس انتري تاني لو اللي فات اتقفل

وتابع المقاطعات

وفي دلوقتي مفتوحة الزيارة الاستكشافية لمانيتوبا ودي سكة تعرف عنها من هنا

https://www.almatareed.org/vb/showthread.php?t=363165


واحسب درجاتك في كيبك ولو جايب الحد الأدني للمتزوج 57 ادخل معانا صراع ملي الابلكيشن والتقديم تعرف عنه من هنا

https://www.almatareed.org/vb/showthread.php?p=2252660#post2252660



وفي الاخر أفضل حاول في كل الاتجاهات لحد ما ربنا يسمح ويفتح لك سكة ولو لأقدر الله ماحصلش اعرف ان ده الخير ليك ماحدش عارف الخير فين

أوروبا انا فكرت فيها كتير دراسة عشان مفيش سكة تانية بس لقيت أني بعد الدراسة مفيش حل غير انك تفتح مشروع بفلوس كتير لو معاك يبقي أحسن تسافر بيزنس لكندا

أفضل حاول وربنا معاك
posted via mobile device