أخطاء اللاندنج

[جراح]

الصحف المصرية والعربية

السلام عليكم
رأيت ان افتح موضوع أخطاء اللاندنج لأنه موضوع حساس بالأضافة ان تجارب الأخوة الأفاضل السابقة مليئة بخبرات جيدة و مواقف ظريفة و لكن السرد القصصى يضيع فيه التركيز على الأخطاء و المشاكل التى ممكن أن تواجه المهاجر الجديد و أنا شخصيا قبل اللاندنج و لأنى استطعت اخذ اجازة لمدة 3 شهور من عملى فى السعودية من يولية حتى اخر سبتمبر لم يكن عندى وقت كاف للتحضير للاندنج فجائتنى فكرة الأستعانة بمستشار هجرة بكندا يستقبلنى فى المطار و يساعدنى فى الأجراءات حتى عودتى و بالفعل عن طريق احد الأخوة الأفاضل فى الموقع اعطانى رقم احد المستشارين هناك و اتفقت معه على ذلك و باختصار كنت قد قررت البقاء شهرين و نص فى كندا و اسبوع قبل الذهاب اقضيه فى مصر و اسبوع بعد العودة على امل احصل على البي ار كارد خلال الشهرين ةالنصف و مرت الشهرين دون الحصول على الكارد و كل ما اتصل بهذا الشخص بصراحة كان عديم الفائدة وقتها و احيانا كثيرة لا يرد حتى على تليفونى و هو لم يقم بالكثير و اتصلت بال cic قبل ان انزل مصر قلوا لا نعرف سبب التأخير ان لم تصلك خلال شهر اتصل بنا مرة اخرى فى الحقيقة وصل كارتين فقط لبتي الكبيرة و البنت الصغيرة بعد شهر و نص اما انا و الدكتورة و الولد و البنت فلم يصلوا بعد عودتنا للسعودية باسبوعين ارسل لى المحامى صور خطابات من ال cic بتقول تعالى فى مركزهم فى اوتاوا للتصوير لأن الصور غير صالحة و هذا بع 3 شهور من اللاندنج؟؟؟!!!!!طب و بعدين؟؟ اعمل اية؟؟

 

[ehabtaher]

بالورق المكربن اللى كان معاك وقت الدخول تعمل travel document من السفاره الكنديه
وتسافر تتصور تانى وتبعت الصور بصفه شخصيه (لازم بنفسك)

كان فيه ناس كتير بتبقى متوقعه ظروف التاخر بسبب الصور فكانوا فى المطار اثناء تقديم اوراق الهجره
بيتأكدوا من مطابقه الصور للمواصفات من عدمه .. لو مش مطابقه بيتصوروا فى كندا عند مصوراتى عارف الفوله .. ويبعتوا الصور عند التقديم على ال بى ار

 

 

[جراح]

انا سألت ظابطة الجوازات فى مطار مونتريال عن الصور لأن هى ممكن تصورنا فى المطار حسب ما قرأت فى موقع ال ICI و سألتها بالأنجليزى و الفرنسى و جاوبت لا أرى فيهم أى مشكلة و أجابتها كانت خاطئة و قلت لها لو فيهم مشاكل ممكن تصورينا لكن للاسف لم تكتشف المشكلة مش كل ظباط الجوازات بيجاوبوا صح

 

 

[ترتر]

السلام عليكم ورحمة الله وبركاته
تحياتى دكتور جراح على هذا التوبيك المميز
ونرجو من كل من لدية خبرة عن الاندينج المشاركة كى يعم النفع
و دى استفسار ! هل يسألونك فى المطار عن المبلغ المالى الموجود بحوزتك؟
شـكــ وبارك الله فيك ـــرا لك ... لك مني أجمل تحية .

 

 

[great expectations]

اين انت يا دكتور

سؤال بقي
تضاربت الاقوال في موضوع الفلوس
يعني معقول امشي مثلا بتلاتين الف دولار عشان خاطر مكتوب في الابلكشن كده

ولا بيعملوا ايه بالظبط

 

 

[ramyfathalla]

اقتباس المشاركة الأصلية كتبت بواسطة qenawy اين انت يا دكتور سؤال بقي تضاربت الاقوال في موضوع الفلوس يعني معقول امشي مثلا بتلاتين الف دولار عشان خاطر مكتوب في الابلكشن كده ولا بيعملوا ايه بالظبط

فعلا يا د/ قناوى موضوع الفلوس ده من المواضيع اللى قلقانى قوى
و لو انه لسه بدرى عليا بس ما يمنعش الواحد يعرف مصيره ايه بعد الصبر

 

 

[medopharm]

شكرا يادكتور جراح على التوبيك الهام جدا ده
وتسجيل متابعه يافندم

 

 

[الفيحاء]

السلام عليكم ورحمة الله وبركاته
في المطار سألوا عن المبلغ وابلغناهم باننا نحمل 10000 دولار كندي علما باننا عائلة تتكون من 6 افراد ولم يكن هناك أي تعليق

 

 

[yusy]

احنا كمان 4 افراد وكان معانا 10000 وبانك درافت ب 8000 ومحدش قال حاجة
بس انا سمعت من ناس هنا ان مش لازم تيجى بالمبلغ بتاعك كلة ولو سالوك فى المطار تقول لهم انه حيتبعت لك من مصر
الفكرة انه لازم يكون معاك فلوس كفاية تحسبا لاى ظروف خصوصا لو فية اولاد

 

 

[OmarDent]

اقتباس المشاركة الأصلية كتبت بواسطة yusy بس انا سمعت من ناس هنا ان مش لازم تيجى بالمبلغ بتاعك كلة ولو سالوك فى المطار تقول لهم انه حيتبعت لك من مصر

هل في حد من اخواتنا المطاريد متأكد من النقطة دي
لأن ساعة الاستقرار هيكون ان شاء الله في حسبة تانية و مش ضروري اني أكون عامل نفس الاستعدادات لرحلة لاندنج