ياحرام .........ماعندوش قبول

[حرررم بم بم]

الصحف المصرية والعربية

اقتباس نسيتي بنت سمير غانم؟ كانت كتله من عدم القبول تمشي علي قدمين..طبعا ده رايي انا

ليه كده

دي عسوله خالص

دنيا سمير غانم تعتبر أكثر واحده من أبناء الفنانين نجاحاً و قبولاً و له أدوار في غاية الإتقان و على سبيل المثال دورها في مسلسل عباس الابيض

 

 

[nash]

اقتباس المشاركة الأصلية كتبت بواسطة حرررم بم بم ليه كده دي عسوله خالص

فعلا دمها خفيف مووت

بما أني دخلت تاني ..أفتكرت الممثل اللي مثل فيلم ( غبي منه فيه ) مش فاكرة اسمه ..تقريبا حاجه رمزي....كرهت الدنيا بسببه



حررم والنبي لو غيرت الصورة أوعي تحط الصورتين اللي قبل كده ..

وتوقيعك كل مرة بقراة بحس اني عايزة أعيط

 

 

[حرررم بم بم]

اقتباس المشاركة الأصلية كتبت بواسطة nash فعلا دمها خفيف مووت بما أني دخلت تاني ..أفتكرت الممثل اللي مثل فيلم ( غبي منه فيه ) مش فاكرة اسمه ..تقريبا حاجه رمزي....كرهت الدنيا بسببه حررم والنبي لو غيرت الصورة أوعي تحط الصورتين اللي قبل كده .. هيه صورة واحده لعبد الباسط حمودة وتوقيعك كل مرة بقراة بحس اني عايزة أعيط

إسمعيها من عزيز عثمان


تحذير الرابط به رقاصة و بترقص

 

 

[ابتسامــة]

حمدلله على السلامة يا فيروز بجد وحشتيني جدا

معلش يا دكتورة انا داخلة بس ارحب بفيروز
ماليش انا في الممثلين المصريين زي ما انتي عارفة


بس افتكرت حد
اللي كان واضعه الزميل حررررم بم بم كأفتار من يومين كده
والحمدلله ربنا رحمنا منه
كمان شعبان عبد الرحيم

 

 

[Farida]

اقتباس المشاركة الأصلية كتبت بواسطة حرررم بم بم رجعناها لأجل هذه الإطلالة المميزة و عودكم الحميد السعيد

و ماله ما يضرش انا و فيروز واحد حتى اسألها

 

 

[فــيــروز]

تعليقات متفرّقات :)

فريده

اقتباس بس فاتن حمامه و بوسى كسروا القاعده دى .......

لهذا قلت أن عدد كبير منهم و ليسوا كلّهم بالطبع .. و إن كنت لا أعرف هل ظهرت "فاتن حمامه" فى أفلام أخرى غير فيلمها الشهير مع "عبد الوهاب" و الذى لا أذكر اسمه فى هذه اللحظه للأسف؟ تقريبا "يوم سعيد"


حرررم بم بم

اقتباس رجعناها لأجل هذه الإطلالة المميزة و عودكم الحميد السعيد

مشكور يا فندم أصلها فعلا كانت عامله لك طلّه مميّزه جدّا


ناش

الله يسلّمك النور نوركم كلّكم ..

"دنيا سمير غانم" لطيفه و صوتها بيعجبنى فى الغنا .. كانت مرّه شاركت فى مسلسل -لا أذكر اسمه للأسف- و أدّت غنوة "البحر بيضحك ليه" بشكل رائع جدّا


ابتسامه

الله يسلّمك يا رب سعيده بوجودى بينكم مرّه أخرى


فريده

اقتباس و ماله ما يضرش انا و فيروز واحد حتى اسألها

 

 

[أمة العزيز]

حسين الامام ومراته

زينة اللي مالية الافلام ...

يا سلام باة على الناس اللي بتتفرض على التمثيل

خالد سليم وداليا البحيري في الفيلم السهتان بتاعهم
وسامو زين في افلامه اللي مثلها
بحس ان قلبي هيقف من البرود

والولد السخيف اللي اسمه ثامح اللي في راجل وست ستات
بستغرب الناس بتحبه على اي اساس

علا غاااااااااااانم .. no comment

في غيرهم كتيييييييييير

 

 

[حرررم بم بم]

اقتباس المشاركة الأصلية كتبت بواسطة أمة العزيز والولد السخيف اللي اسمه ثامح اللي في راجل وست ستات بستغرب الناس بتحبه على اي اساس

ثااامح بتاع ( يا دُولة يا حبيبي ) ،،، لأ إلا ده دا ظرريف خالص ،، تصدقوا أنا محدّش بيضحكني الأيام دي غيره

دا أبتفرج على راجل و ست ستات مخصوص علشانه

 

 

[hoppa]

بالنسبة للقبول بشكل عام فعلا هو منحة ربانية مش موجودة عند كل الناس لكن الحقيقة انه الواحد لا يستطيع ان يقرر هل هذا الشخص معندوش قبول الا اذا عاشره فترة طويلة و شاف تصرفاته فى المواقف المختلفة و مش قادر يبلعه مهما عمل
انا قابلت فى حياتى حالات زى كدة مثلا لما كنت فى سكن الجامعة عشت مع بنات لفترة 5 سنين و مع ذلك لم يحدث بيننا تواصل اكتر من مجرد صباح الخير يا جارى انت فى حالك و انا فى حالى
جارى دى معناها يعنى تكون فى الغرفة اللى لازقة فى غرفتى على طول
و فى نفس الوقت ارتبط بعلاقة صداقة قوية جدا مع زميلات اخريات لدرجة ان تواصلنا لظل حتى الآن رغم اننا انهينا الدراسة من حوالى 4 سنين....و طبعا مننساش ان القلوب بين اصبعين من يدى الرحمن يقلبها كيف يشاء يعنى اللى معندوش قبول من وجهة نظرنا هذا لا يعنى انه حرم من نعمه لانه ربما يكون مقبول من غيرنا و قبلوه بيعيوبه و مييزاته يعنى شعورنا احنا مش مقياس

اما بالنسبة للممثلين منقدرش نحكم عليهم بالقبول من عدمه و هما كل اللى بيعملوه تمثيل فى تمثيل
لو معجبناش اداءهم نقدر نقول معندهمش موهبة انما قبول يعنى قبول للشخصية نفسها حدش عارف يمكن هما مقبولين و مقبولين جدا كمان فى الوسط الاجتماعى اللى عايشين فيه وسط اهلهم و اصدقاءهم
و نفس الشئ بالنسبة للمطربين

 

 

[القصبجي]

محمد الشقنقيري
شريف مدكور