كندا بعيون واقعية

[Dr-Alrefa3y]

الاخوة اعضاء منتدانا المحترم والمهتمين بالهجرة الى كندا

طبعا زى ما انتم عارفين انى كنت مقدم هجرة الى كندا فيدرال وحصلنا على الفيزا فى مارس 2010 , وترددت فى فتح موضوع جديد لأن الاخوة السابقين لى فى الاندنج قتلوا الموضوع كتابة وغطوا جميع الاجزاء , ولكن حبيت اتكلم عن بعض النواحى والانطباعات التى ربما لم تغطى او أأكد انطباعات السابقين لنا فى بعض النواحى مع بعض الصور التى التقتها اثناء الرحلة .

ملحوظه فتحت الموضوع هنا وفى المحاورات حتى تعم الفائدة على الجميع

نبدأ باسم الله ,,

هنقسم الموضوع الى ثلاث اجزاء
الاول تفاصيل الرحلة
الثانى الانطباعات
الثالث الصور

الجزء الاول تفاصيل الرحلة ,

الهدف من رحلة اللاندنج كانت بالنسبة لى رحلة استكشافية , رايح اخلص الاوراق واشوف البلد لكن مش استقرار نهائى لأن لى ارتباطات كثيرة بالسعودية لازم تصفى اولا .
حجزنا الطيران من موقع اكسبيديا expidia وهو موقع مضمون وامن ورخيص بشهادة الكثيرين من اخوانا المطاريد

عملنا سيرش حتى وجدنا عدة خطوط اخترنا منها (رحلة من الرياض الى لندن ب bmi ثم ترانسيت فى لندن وبعدها غيرنا الى ايركندا الى تورنتو والعودة من تورنتو الى الرياض مرورا بفرانكوفورت على الوفتهنزا )

دى كانت افضل رحلة متاحة ,,

الفندق بعض الاخوة رشحو لى الفندق اللى كانت نازلة فيه دكتورة صفاء وبالفعل عملت سيرش عليه ووجدته مناسب
اسم الفندق clarion فى الداون تاون فى تورنتو
حجزت الطيران والفندق بالفيزا

الطيران كان تكلفته اجمالى تذكرتين ب 2300 دولار
الفندق كانت الليلة ب 80 دولار تقريبا

لما بتحجز الطيران بيسحب كامل المبلغ من حسابك وبيجى لك رساله على الايميل بالبوردنج والمفروض انك قبل السفر ب72 ساعة بتتصل عليهم تأكد حجزك وهم بيرسلو لك ايميل بالتأكيد بتطبع الايميل وهو ده التذكرة

الفندق بيحجز فقط 100 دولار ولك الحق انك تلغى الحجز قبلها تقريبا ب48 ساعة وتسترد فلوسك ولما بتصل الفندق بيتم سحب باقى المبلغ من حسابك

 

[Dr-Alrefa3y]

اخدنا الشنط وذهبنا الى مطار الملك خالد قاعة الطيران الدولى الاجنبى وشحنا الشنط وعملنا بوردنج وركبنا الطائرة

الخدمة فيها جيدة والوجبات فيها تسطيع ان تحددها فى الموقع مسبقا وتسطيع تحديد موقع كرسيك اخذت الرحلة الى لندن 7.20 ساعات تقريبا ركبنا 1 بعد منتصف الليل وصلنا 6 صباحا بتوقيت لندن

فى الموقع كانت هناك رحلتين من لندن الى تورنتو واحدة الساعة 8.3 صباحا يعنى ترانزيت ساعتين ونصف والاخرى الساعة 12 ظهرا يعنى ترانزيت 6 ساعات وكانت فى واحدة كمان الساعة 2 ظهرا

انا اخترت الترانزيت 6 ساعات لسببين الاول انه الظروف ليست مضمونه ومطار لندن واسع واحنا بننزل ترمينال 1 والخطوط الكندية ترمينال 3 فقلت اكون فى المضومون واحجز وقت ترانزيت كافى

الثانى انى مش كل يوم فى لندن فما المانع انى ااخذ جوله فى اسواق المطار واصلى واتناول وجبه واسافر براحتى وكان .
الشنط اوتوماتيك بتشحنها من الرياض بتستلمها فى تورونتو

لما بتنزل مطار هيثروا بتتبع اللوحات الارشادية وبتمشى مع الناس وبتركب باص يوصلك الى ترمينال 3 حيث الخطوط الكندية
وانت جالس فى قاعة ترمينال 3 خلى بالك من الشاشات الالكترونية وتابع فيها ميعاد رحلتك واى بوابه هتروحها حيث انهم لايعلنون رقم البوابه الى قبلها بساعة ومفيش وسيله تانيه تعرف بها غير انك تنظر للشاشه كل شوية تترقب رقم البوابه .

كانت البوابه 27 دخلنا لقاعة انتظار الطائرة وقامت سيدة وقالت دخول الطائرة بالارقام فيما عدا المعاقين وكبار السنة يتفضلوا وبعدهم ركاب الدرجة الاولى ثم الاقتصادية بالارقام .

استغرقت الرحلة 7.30 تقريبا وعلى فكرة بتمر الطائرة من فوق الاراضى الكيباكاوية وشاهدت مدينة موريال من بعيد من شباك الطائرة وطبعا عرفت انها موريال من الشاشه التى امامى اللى بتوضح الساعة وارتفاع الطائرة وموقع الطائرة .

بتم توزيع ورقة لكل اسرة فى الطائرة بتملأها عبارة عن بيانات عنك وعن مكان قدومك وبتسلمها لما توصل فى تورونتو
وصلنا تورونتو الساعة ظهرا 2.3 بتوقيت تورونتو

 

 

[becko]

سرد مشوق و جميل

 

 

[Dr-Alrefa3y]

مشينا شوية حوالى 7 دقائق حتى وصلنا الغرفة الخاصة بالمهاجرين الجدد اخذ منا الورقة الكربونيه وعلم على التأشيرة واعطانا نسخة من الورقة الكربونيه واعطيناه عنوانا فى

كندا (كنت اخذت عنوان اصدقاء لنا فى كندا جزاهم الله عنا خيرا ) واعطانا الجوازات والورقة ثانيا وقال كالعادة ويلكم توكندا . زهبنا بعدها على مكتب صغير اعطانا خرائط

وعنوانين بعد الاماكن وارشادات وكان شاب يبدو انه من اصول شاميه وتكلم معانا بالعربية وقال مرحبا بكم فى كندا ,ثم ذهبنا الجمارك ومنها الى صالة استلام الامتعه حيث وجدنا الشنط بإنتظارنا ههه , وجدنا سائق امامنا بيقول اذا تحبو اوصلكم

سألته بكم قال فى العادة المشوار بيأخذ 55 دولار اعطيته العنوان ومشينا وراة حتى جاء بالسيارة وركبنا معاه الى الفندق

من مميزات الفندق ان امامه محطة المترو (سب واى ) وايضا قريب من الداون توان بالاضافة الى وجود مطعم حلال بجواره كذلك صيدلية وماركت وعلى بعد 3 محطات سيرفس كندا اللى بتعمل فيها sin card

اتصل على الاخ العزيز د.محمد والمشهور هنا باسم moetdot وبالفعل انسان خلوق رائع بكل كلمة والذى تشرفت بمقابلته اكثر من مرة بعدها , كما اتصل على الاستاذ يوسف elmadysm والذى بالفعل يعتبر مثلا للرجل المصرى الشهم الاصيل الخلوق وقمنا بزيارته فى منزله بعدها بايام ولن اقدر اوصف لكم مدى الكرم وحسن الضيافة الذى لقيناه من اهل بيت الاستاذ يوسف ومدى الحفاوة من اطفاله .

وقد قام الاخويين الغاليين د.محمد وأ يوسف بتقديم كل الدعم المعنوى والنفسى ولم يبخلو علينا بأى خدمة وارشدونا بكافة التفاصيل وكانو بمثابة اهلنا فى كندا لهم منا خالص الشكر والتقدير .

وصلنا الفندق رتبنا الشنط , صلينا ثم زهبنا الى المطعم المجاور واكلنا وقد تحدث معنا عامل المطعم بالعربية وكنت اعتقد انه سورى او لبنانى ولكن بعد ذلك اخبرنى بأنه اسرائيلى (الباسبور ) لكنه من اصول عربية وانه كان جاى يدرس لكن فشل لصعوبة الدراسة وغلاء المعيشه وسوف يسافر اوربا كمان شهر لتكملة دراسته .

 

 

[mhmhse]

ياريت حضرتك تقوللى على إسم الفندق ده .. وشكرا

 

 

[Dr-Alrefa3y]

رجعت الفندق واعددت اوراقى لتانى يوم (الجمعه )
اخدنا الساب واى من امام الفندق ومشى بنا ثلاث محطات الى محطة ش سانت كلير اللى فيها مبنى الهجرة وهو نفسه مبنى سيرفس اوف اونتاريو

لو تفتكرو كلام اخونا الباشمهندس زناتى عن وصف الساب واى وانه بيمشى من تحت شارع يانج من شمالا وجنوبا ثم يثنى على شكل حرف U كى يمشى من شارع باى

وايضا وصف اخونا الزناتى كيفية تغير الصور , المهم انك لو نزلت الداون تاون فى تورنتو هتخلص امورك كلها من مكان واحد وهو تقاطع يانج مع 25 سانت كلير

اول شىء فى الدور الاول (الارضى ) بتجد مكتب سريفس اوف كندا على يمينك وبيفتح الساعة 8.3 صباحا حاول تروح بدرى , بتعطى موظفة الاستقبال ورقة البروف اوف

لاندنج كى تسجل بيانات وبتقول لك انتظرو حتى يتم النداء عليكم بالاسم فرد فرد , بتدخل سعادتك وبيسجل الموظف بياناتك وعنوانك وبيسألك عن اسم الام واسمك واسم الاب وممكن تاريخ ميلادك بيطبع ورقه فيها رقم السين وبتحتفظ بها حتى يتم ارسال الكارد وشكرا

كدة خلص sin وبيقولك بعد 10 ايام هنرسله لك , خرجنا روحنا لبتاع الصور شاف صورنا القديمة المقدمة وقال هى بين البينين ممكن تنفع وممكن لا , قلت له ياعم صورنا ,

اتصورنا وزهبنا لنفس المبنى اللى فيه sin بس الدور الثانى جدت موظفة اجرسف شويه وكبيرة فى السن , قلت لها دى الصور القديمة اللى ماتفعش ودى الصور الجديدة

وده البروف اوف لاندنج عشان بياناتنا , قالت اوك وخدتهم ومشيت وقالت خلاص , خلاص مين ياست هاتى البروف اوف لاندنج قالت وهم ازاى هيعرفو ان الصور بتاعتكم قلت لها صوريها او هاتى انا اصورها قالت خلاص خدها بس اكتب لى بيانتاكم على هذه الورقه كتبنا البيانات وسلام

لما طلعنا من المبنى بتلاقى فى وشك بنك td Canada trust روحنا عشان نفتح حساب وفيزا , جوار المبنى فى اتجاه يانج بتجد ايضا مبنى به بنك وده اللى فيه استوديو الصور اللى حكى عنه اخونا الزناتى

استقبولنا فى البنك جيدا كان موظف البنك من اصول هندية واسمه على السيد وكان متعاون جدا بس اخذنا حوالى ساعتين فى البنك .
فتحت حساب جارى مشترك بينى وبين المدام وطلعت فيزتين عشان التاريخ الاءتمانى لى ولها .

موظف البنك طلب ورقة sin ولاحظ ان الموظف بتاع السين نسى يكتب رقم الشقة فى عنوانى انا وكانت ملاحظه ممتازة منه , بعد مافتحنا الحساب رجعت للموظف ونبهته للأمر تأسف واعتزر وقال ثوانى هصلح الخطأ اتصل بموظف تانى وقال له جالك بيانات فلان عشان sin اضف الى عنوانه رقم الشقة وكان .

بكدة خلصنا اوراق الحكومة

كارت التأمين بيحتاج عقد ايجار وانك تكون فى البلد لذا ما طلعتوش

رخصة القيادة برده قلت مش وقتها

وخلص اول يوم لنا فى تورونتو وخلصت معاه الاجراءات الحكوميه


ولى عودة عن باقى الرحلة والانطباعات والصور

 

 

[becko]

رااااائع

 

 

[سيف الدولة]

الأخ فارما برنس ..مهما كتب عن اللاندينج..فلا يمل ..لأنو اولا لكل رحلة ظروفها ..وملابساتها ..تانيا ..لكل شخص فكر ورأي مستقل ..والواحد كل ما قرا اكتر تتعزز حاجات ..وينتبه لحاجات ..لذلك امضي..ونحنه متابعين معك

 

 

[تامر عبد الله]

thank you

 

 

[مصطفى ماهر]

والله ياجماعه انا لما بقرا المواضيع دي بحس اني انا فيها .... شكرا ليك يافرما يابرنس ... استمر