ماذا تعرف (ي) يا غير مسجل عن نظرية المؤامرة !؟ طب تسمع (ي) عن الماسونية !؟

[O.S.A.M.A]

الصحف المصرية والعربية

نظرية المؤامرة ...

من سنوات طويلة يمكن حوالى عشرين سنة .. كنت دايماً أسمع عن نظرية المؤامرة
وطبعاً احنا فى مصر عندنا تفعيل جيد للنظرية تماماً .. فكل الحكومات متآمرة على الشعب
لأ ... وكمان كل الدول العربية متآمرة على مصر .. وأمريكا متآمرة على العرب والمسلمين
وكمان على النظاق الشخصى شخص بيكره التانى عشان متآمر عليه وهلما جرا...والقائمة طويلة

فى الوقت ده استفذنى جداً ان كل الناس بترجع أى أمور سيئة لجهة مجهولة وتقول أنها متآمرة عليها وبدون إبداء أسباب
وكان فى الفترة دى كل أهتمامى بأن المفروض أى حاجة بتحصل حوالينا لازم يكون لها مرجعية ولازم يكون ليها سبب واضح وماينفعش كل حاجة نبرر تحليلها بنظرة المؤامرة

تمر السنوات وأفاجأ بفيلم لميل جيبسون بنفس الأسم Conspiracy Theory نظرية المؤامرة وطبعاً بما أنى متابع جيد لأفلام ميل جيبسون فطبعاً اثارنى الموضوع لتانى مرة
لما فيلم يخرج من هوليوود يبقى أكيد وراه حاجة "دى قناعتى"

قبل الفترة المذكوة نقول أكتر من خمسة وعشرين سنة وكنت صغير يافع كنت ورثت تركة ثقيلة (سواء بالذوق أو بالعافيه) من كتب جدى "رحمة الله عليه" وكان من الكتب دى اللى بيتكلم عن الماسونية ...

بصراحة الفضول خلانى أقعد أقرا الكلام اللى مكتوب فوجأت بكلام من نوعية "تنظيم سري - شذوذ - مخدرات - لا إله - فوضاوية - الخ" وكان فيه أخبار عن القبض على بعض الماسونيين فى فترة الأربعينيات من القرن الماضي

الماسونيين دول وتنظيمهم من الحاجات اللى شدتنى كتير لتتبع أخبارهم لغاية نقول أوائل التسعينات وبعدين الحقيقة نسيتهم

دارت الأيام ومن حوالى أسبوع أبتديت أشوف فى بعض المواقع عن رابط وثيق بين نظرية المؤامرة والماسونية لغاية أمبارح لما لقيت الستة أفلام دى فى اليوتيوب
وبصراحة أناحسيت من الأفلام دى أنها مش حرب على الإسلام بس زى ماهو مكتوب عليها ..
لأ... دى حرب على كل الديانات وحرب على وجود فكرة الإله

نشوف مع بعض.... وبعدين نتكلم

 

[O.S.A.M.A]

الفيديو الأول...

 

 

[O.S.A.M.A]

الفيديو الثاني ...

 

 

[O.S.A.M.A]

الفيديو الثالث ...

 

 

[O.S.A.M.A]

الفيديو الرابع ...

 

 

[O.S.A.M.A]

الفيديو الخامس ...

 

 

[O.S.A.M.A]

الفيديو السادس ...

 

 

[حلم جميل]

يا ابو يوسف

سلام الله عليك الاول

طيب ما تتم جميلك الرائع بالحديث عن نظرية المؤامرة و الماسونية

و تفرغ لنا مضمون الفيديوهات ده

يا ترى ممكن؟؟؟؟؟؟؟؟؟


موضوع جميل جدا

و الحوار فيه أكيد هيكون و لا أروع..

تسلم..

 

 

[O.S.A.M.A]

اقتباس المشاركة الأصلية كتبت بواسطة حلم جميل يا ابو يوسف

اقتباس المشاركة الأصلية كتبت بواسطة حلم جميل سلام الله عليك الاول طيب ما تتم جميلك الرائع بالحديث عن نظرية المؤامرة و الماسونية و تفرغ لنا مضمون الفيديوهات ده يا ترى ممكن؟؟؟؟؟؟؟؟؟ موضوع جميل جدا و الحوار فيه أكيد هيكون و لا أروع.. تسلم..

وعليكم السلام ورحمة الله وبركاته

الناس بس تتفرج على الفيديوهات دى الأول وهيا كمان مترجمة هاتلاقى معلومات كتيرة وبعدين نجيب كمان معلومات من بره عشان يكون الموضوع ثري

والفيديوهات دى برضه موجزة وبتلخص حاجات كتيرة جداً عن الموضوع

 

 

[Moony]

صباح الخير ابو يوسف الا هو أنا اللى نلت الشرف بتوجية الكلام لها؟
لو قصدك بحرف (ى) النوع محسوبتك موجودة
(نظرية المؤامرة ) الفيلم طبع شوفتة وطبعا دماغى قعد يودى ويجيب لما أمريكا بيحصل فيها كدة وهم دعاة الحرية والديمقراطية يبقى أحنا بيحصل عندنا اية؟
وقتها كنت لسة مراهقة باشوف كل حاجة سودا بعيد عنك وكل الناس متامرة على بعض
بعد الفيلم سألت أصحابى الا اية الفرق بين المؤامرة والمخططات السرية؟ وألا هما زى بعض؟
فتحت كل واحدة بقها على اخرة وقالوا لى انت الفيلم لحس دماغك
وفضل السؤال دة كل ما اشوف الفيلم يجى على دماغى ولما اتجوزت وأتفرجت على الفيلم أنا وجوزى سألتة نفس السؤال
رد وقالى: بما انك نظرتك للعام سوداوية وللأسف صحيحة فأنا شايف انهما وجهان لعملة واحدة
بس جوايا مش مقتنعه بأنهما وجهان لعملة واحدة
يمكن الأتنين بيتموا فى الخفاء لكن دة مش معناه انهم واحد يمكن كلمة مؤامرة تتردد اكتر ونعلق عليها كلنا كل جهلنا بما يدور حولنا وكل مبهم وغامض يبشر بقيام مؤامرة من نوع ما
وكلما عجزنا عن ايجاد تفسير منطفى قلنا هناك مؤامرة
اذن المؤامرة هى شماعة نعلق بها جهلنا وعدم معرفتنا بالامور من جهة ولامبالتنا بمحاولة تقصى الحقائق من جهة