نعيمآ مقدمآ

[انسان بقلب ملاك]

الصحف المصرية والعربية

بصراحة ما يحدث منذ انت تولى الحزب الوطنى زمام امور حكم مصر وكل مرة نجد قبل اى انتخابات القاء الضوء على انجازات الحزب العبقرية فى تحديث الحياة للمصريين ناهيكم عن اعلانات بمئات الملايين فى شتى الاعلام مقروء ومرئى وأزمة فى اسعار القماش وخاصة ما يتم منة تصنيع الاندر وير بتاع الغلابة ورغم هذا تجد الغلابة حيرانين مابين انتخاب الحزب الوطنى ام المكوث فى الحزن الوطنى وغالبآ ما نتفاجأ بفوز نفس الاشخاص بتوع الحزب الوطنى ويحلقو لكل المصريين حلاقة من نوع كابوريا على ذوق الحزب الوطنى فنعيمآ مقدمآ للحزب الوطنى الفوز بأكتساح وقتل كل من يعارض ولو برفع يدة او بأطعام الفقراء سرآ انها الحلاقة العظيمة فلتسقط كل الحلاقات العالمية ولتحيا حلاقة الحزب الوطنى الذى اقتحم موسوعة جنز القياسية بأن اخلد نفسة بحلاقة لأكثر من 80مليون مصرى بأن يحلق لهم مرة واحدة وبمقص واحد مبروك ونعيمآ مقدمآ ؟؟
ملحوظة .. من يفكر أن الحلاقة مجانية مخطيء فالثمن هو مصر وأهلها نعيمآ لكل من حلق

 

[m.sherif]

طيب ليه احنا بنوافق يتحلقلنا

ما فى انتخابات جاية . . حتى لو مزورة مقدما . . على الأقل نبقى عملنا اللى علينا

ويتحلقلنا غضب عننا بدل ما يبقى بمزاجنا ونبقى مشاركين كمان فى الحلاقة

 

 

[انسان بقلب ملاك]

اقتباس المشاركة الأصلية كتبت بواسطة m.sherif طيب ليه احنا بنوافق يتحلقلنا ما فى انتخابات جاية . . حتى لو مزورة مقدما . . على الأقل نبقى عملنا اللى علينا ويتحلقلنا غضب عننا بدل ما يبقى بمزاجنا ونبقى مشاركين كمان فى الحلاقة

عزيزى شريف باشا
دة برضو بيحصل بيتحلق لنا غصب عننا علشان كدة بقول نعيمآ مقدمآ احسن شيء التمثيلية بتاعة الادارة الامريكية وكأن الحلاقة مزعلاهم عيزينا بأستشوار وصبغة وكلونيا مع انها على الناشف وبموس تلم
تفتكر لو قلنا لأ ممكن يقبلو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شوفت يا باشا ف91 حصل اية للجزائر لما اختار الشعب نوابة