حرية التعبير عن الرأي مكفولة للجميع!!!

[بنت شعنونة]

الصحف المصرية والعربية

من شوية كان فيه برنامج ساعة صفا بتاع صفاء ابو السعود وكان الضيف محمود الجندي..

ورنت في ودني جملة قالوها..
انه احنا في عصر حرية التعبير عن الراي وانه في عصر قبل اللي احنا فيه لو حد قال فاصوليا ممكن يتسجن عشان فيها حرف "ف" يعني ممكن يكون قصدك فساد




تعجبت من الجملة برضه

هل احنا فعلا عندنا حرية التعبير عن الراي؟

برامج التوك شو بصر احا مش سايبا حد في حاله من اكبر اسم الى اقل اسم " ماعدا الاستثناء طبعا" سواء كان مسؤول او غير مسؤول وشرحه الصحف..

ولكن
على الطرف التاني
لما بنت كتبت موضوع تعبير "عبرت" فيه عن وجهة نظرها سقطوها!

صحفي اختفى في ظروف غامضة بقاله اكتر من سنتين وما نعرفش اراضيه فين..


هل انت حاسس اننا عندنا حرية تعبير عن الراي فعلا؟
والا ايه؟

 

[No Body]

بيتهيألي إن اللي بنشوفه في برامج التوك شو والبرامج النقدية الكتيرة في الفترة الأخيرة عبارة عن سيناريو موضوع مسبقاً له أغراض سياسية للنظام


السماح للناس إنها تفك عن نفسها شويتين .. بدل ما تنفجر .. والانفجار ما بيخليش ..

كمان هناك حدود للنقد المتاح بحيث يصل لحد معين وبعدين Stop

وحرية النقد المزعومة دي اللي بتظهر في كل الميديا الإعلامية وخصوصاً الفضائيات .. فبالتالي تظهر مصر إنها دولة ديموقراطية يُمارس فيها حرية الرأي والتعبير




يعني باختصار .. ليس هناك حرية رأي على الإطلاق أو كما نراها في الغرب على الأقل

والله أعلم

 

 

[بنت شعنونة]

تفتكر يا نوبادي انه فيلم علينا؟

طيب بفرض انه تمثيليات هل الموضوع دا صحي؟
يعني تفتكر احسن لنا انه نتكلم حتى لو كان في حدود المسموح
والا اننا نبقى زي الفترة اللي حكى عليها محمود الجندي انه ماحدش بيقدر يتكلم اصلا..!؟

 

 

[No Body]

ما هو فترة الصمت دي وخرس الألسنة والقمع .. في النهاية أدت لإيه ؟

إنفجار وثورة وحريات وقضاء على الإقطاع و... و... وحاجات كده كان ليها رونق وقتها

مش في حاجة كده بتقول هدوء ما قبل العاصفة

الحكومة بقى أذكى مننا كلنا سايبينا نتكلم ... نتكلم .. نهلفط .. نهرتل .. أي حاجة

لكن اللي عاوزينه بيعملوه .. وبما إننا مسموح لنا نتكلم .. يبقى حايبان علينا اللي جوانا .. وبالتالي يسهل على الحكومة معرفة اللي شايل ومعبي وبكده يسهل معرفة أغراضة ومآربة وعليه أيضا يمكن إخماد الثورة قبل قيامها .. ده من ناحية

ومن ناحية تانية أدي احنا بننفس عن المكتوم فيبقى المكنون أقل غليان من كتمانه .. زي كده لما تغلي حاجة على النار .. لو غطيتي الحلة تغلي وتفور وتطفي البوتوجاز .. أما لو سايبة نفس في الغطا عمرها ما حا تفور ولا تطفي النار اللي تحتها

هيييييييييييييييه أهو كلام وخلاص

 

 

[No Body]

اقتباس المشاركة الأصلية كتبت بواسطة بنت شعنونة تفتكر يا نوبادي انه فيلم علينا؟ طيب بفرض انه تمثيليات هل الموضوع دا صحي؟ يعني تفتكر احسن لنا انه نتكلم حتى لو كان في حدود المسموح والا اننا نبقى زي الفترة اللي حكى عليها محمود الجندي انه ماحدش بيقدر يتكلم اصلا..!؟

أنا رأيي تضيفي استفتاء للموضوع

 

 

[بنت شعنونة]

والله يا نو كلامك منطقي جدا..
بس افتكرته وانا بتفرج على ايمن نور وهوا بيرشح نفسه ل تاني مرة لرئاسة الدولة

طب لو كان كلامك صح ليه سجن ايمن نور؟
ما هوا كدا كدا مش ها يكسب اصلا لو مشينا على نفس الخطة يعني

 

 

[Prof]

اقتباس المشاركة الأصلية كتبت بواسطة بنت شعنونة ورنت في ودني جملة قالوها.. انه احنا في عصر حرية التعبير عن الراي وانه في عصر قبل اللي احنا فيه لو حد قال فاصوليا ممكن يتسجن عشان فيها حرف "ف" يعني ممكن يكون قصدك فساد

كلام سطحي ولا وزن له ولا قيمة كغثاء السيل او كزبد البحر.

 

 

[Bahy]

احنا من برة يتهيالك اننا عندنا حرية تعبير لكن الحقيقة ان مفيش اى حرية تعبير احنا بسم الله ما شاء الله عندنا حكومة ذكية اللى تشوف ان كلامه ليه فايدة و هيأثر فى الناس و اللى بتشوف ان جمهوره عبارة عن طبقة و فئة تقدر تغير و تعدل عالحكومة بتشيله علطول زى مثلا الاستاذ حمدى قنديل اللى ممنوع دلوقتى من الظهور فى التليفزيون المصرى و يا ريتهم سابوه يمارس حريته برة مصر ما سابوهوش لا فى دبى ولا فى الليبية و من قبله عمرو خالد.
اما بقى الجماعه اللى بيقولو مع بعض كدا و كلامهم مالهوش قيمة فبيسوبوهم ويبقو ضربو عصفورين بحجر لانه عمره ما هيكون ليه تاثير و ف نفس الوقت هيكون فرصة ان الحكومة تقول ان فى حرية راى و ان صورة مصر قدام العالم ان مصر بلد الحرية فى التعبير زى مثلا الاخت اللى بسمعها دلوقتى دى الشاعرة ايمان بكرى بتتكلم ما حدش قالها حاجة ولا حد كلمها لدرجة انها وصلت انها تقول على الرئيس انه حمار بالتلميح وملوخية و مش ملوخية و عمالة تشتم بقالها عقود وما حدش كلمها بالعكس كل يوم بتطلع فى برنامج توك شو و تقول اللى هى عايزاه لان كلامها كوميدى اكتر منه عميق و فكرى فليه ما يسيبوهاش براحتها.
وحكاية البنت اللى كتبت موضوع تعبير نقدت فيه الحكومة و السياسة الامريكية و سقطوها فمش عارف دى اللى سقطها فكر ولا شاف الموضوع فسقطها لانه لو فكر قبل ما يسقطها و قال ان دى موثرة شانها شان حمدى قنديل و غيره فده دليل انه محترف و بيفكر لقدام و عارف ان دى هتكبر و هتبقى موثرة فى المستقبل ودى تبقى وقعه سودة.
علشان كدا اعتقد ان اللى عايز يمارس حرية التعبير فى مصر فلازم يكون محترف جدا فما يكونش زى حمدى قنديل بيظهر الحقائق بوجهها الوحيد - اينعم ده المفروض بس كدا ف بلدنا هيتعرف علطول- ولا يكون متسرع متهور زى ابراهيم عيسى ورفاقه اللى قال ان الريس مات والريس هو اللى عفى عنه و اتحسبتله نقطة.
يعنى المفروض يكون هادى وكل خطواته محسوبه و يلزم الادب والحذر الشديد ويمكن يكون من المحترفين دول الاستاذ عمرو الليثى و الاستاذة منى الشاذلى اللى بيقولو كل اللى هم عايزينه من غير ما حد يمسك عليهم غلطة.

 

 

[بندق]

نحن لدينا حركية الكلام والهترسة وليس لدينا حرية التعبير .. طبعا مع وجود سقف لكل واحد حسب منطقة تأثيره وحسب على من يؤثر ممن ينتقد .. والا هناك قضايا جاهزة .. تنهى حياة الشخص السياسية او الاجتماعية بفضيحة تجعله غير قادر على رفع عينه فى احد .. وحلنى على مالحقيقة تظهر .. يكون خسر الجلد والسقط دا لو عمره كفى

 

 

[بطيخة]

حرية التعبير أو حرية الرأي مش هتفرق أوي لو لم تقرن بالأفعال..
اللي بيقول رأيه بصراحه .. ممكن يكون أول واحد يجري وقت الجد ..