أجمــل ايام حياتـــي ..... ذكريـــات الطفولــة بكل سذاجتــــها :-)

[kodo]

الصحف المصرية والعربية

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة Virus ما أجمل الذكريات... والله العيال اليومين دول مظلومين بتوع هامتارو والهسس ده.... أنا كنت من كبار المعجبين ببقلظ..لو فاتتني حلقة كانت تبقى كارثة كارثة..وكنت مصدق تماما إن بقلظ ده حقيقي وطبعا يوم الجمعة حتما ولا بد من ماما عفاف وسينما الأطفال سينما..دي أحلى حقيقة وأحلى خيال.. وأنا في الحضانة كنت برجع من المدرسة جري جري عشان ألحق النص التاني من بابا ماجد اللي مكنتش بحبه قوي بس كنت بحب حلقات سندباد جدا جدا..وف مرة جيت لقيته البرنامج لسه بيبدأ وكنت هطير من الفرح وأمي أقنعتني إنها كلمت التليفزيون يغيروا معاده عشاني!!! سندباد لا يخاف سندباد..مهما تكثر الأخطار ويبعد عن بغداد...كلمات محفورة في ذاكرتي بإزميل وبوجي وطمطم وعمو فؤاد وأغاني عفاف راضي تراث هائل شكل وجدان جيل..مش عارف هو الابداع المصري توقف للدرجة إن الواحد مش لاقي حاجة يربط بيها عياله بمصر وتراث مصر إني مور موضوع جميل ياكودو..ولي عودة مع الاعلانات

فيروس باشـــــاااا نورت الموضوع يا فندم

والله كانت ايام كلها براءة و صفاء و دماغ فاضية
كانت كل مشاكلنا ازاي نخلص المذاكرة بدري عشان نتفرج علي مسلسل الساعة 7

في انتظار المزيد من احلي الايام مع ذكريات لا تنســــي

 

 

[بنت الشاطئ]

دعوه لموضوعي

مدونه بنت الشـــــــــاطئ

موضوع جميل رجعنى لقرنين فاتو
افتكر زمان بخصوص الحلويات كانت امى بترفض اننا نشترى حاجات حلوة وخصوصا كاراتيه كانت بتقولى انا واخويا بيجيب امراض وفى يوم صممنا نشتريه واكلناة وتانى يوم جالنا الغدة النكفيه احنا الاتنين ومن يومها حرمنا نطلب اى حاجه
وافتكر مرة اشتريت ذرة مشوى وكسرلى السنتين اللى قدام لغايه النهاردة مااكلتهوش تانى ومحرماة على بناتى

بس اكتر موقف كنت بحبه وعمرى مانسيته ولسه لغايه النهاردة نفسى اعيشه تانى
وانا صغيرة كانت امى بتشتغل فى مستشفى كانت على البحر وبيت جدتى جنبها وكانت لما تاخد نوباتشيه انا واخويا نبات عند جدتى ونصحى من الساعه 7 الصبح ننزل بحجه اننا رايحين لماما وفى عز الشتا كنا نلبس الكابيشون ونجرى على البحر ومعانا اكياس نايلون
الموجه تضرب الشط وترجع احنا نجرى وراها ونلاقى جندوفلى كتير نلمه انا واخويا واول ماالموج يرجع نجرى على برة وفى الاخر نروح نخبط على السكن تفتح تلاقينا غرقانين ميه ومزرقين ننضرب وتروح تتعارك مع جدتى اياااااام ياريتها ترجع تانى

 

 

[ام يمنى]

اقتباس المشاركة الأصلية كتبت بواسطة kodo والله كانت ايام كلها براءة و صفاء و دماغ فاضية كانت كل مشاكلنا ازاي نخلص المذاكرة بدري عشان نتفرج علي مسلسل الساعة 7 في انتظار المزيد من احلي الايام مع ذكريات لا تنســــي

كودو حبيبة قلبي فينك انا عاوزه اكلمك من زمان انا بعتلك كذا ايميل بس شكلك غيرتي الايميل بتاعك و كمان مش عارفه ابعتلك هنا على الخاص مش عارفه ازاي المشاركات عندي اقل من خمسين شكلهم شالو حاجات كتير علشان مبدخلش بقالي فتره المهم يا ريت تطمنيني عليكي و على اخبارك. و ابعتيلي الايميل الجديد بتاعك و سلامي لكنزي و ادم

 

 

[جني الحسن]

قمة البراءه ايام الطفولة

اجمل الايام وتبقي خالدة في ذاكره

تحية احترام لصاحب الموضوع الاخ kodo

 

 

[tooma_tala]

ايام رائعة جدا ،،، بجد الا ليت الطفولة تعود يوما ،،، كان عندي لعبة مفضلة مع بنات الجيران نلعب بالتراب بعد ما نعمله طينه و نعمل منه ماسكات للوجه،،، وكنا نتهزأ تهزييييء عالعمايل هاي