فكرينها كده.... وطلعت كده

[ana_3enady]

الصحف المصرية والعربية

دعوه لموضوعي

RobertInole

اقتباس المشاركة الأصلية كتبت بواسطة سهران لوحدى ذكريات جميله جدا وكلها براءه وعفويه صغار لكن لدى قصه تكسف عشان كنت كبير فى اولى ثانوى الامر لله اسمعوا كنا بعد الامتحان واقفين قدام بيت احمد فؤاد وعلى فى نفس البيت وواقف معانا عامر كلهم اكبر منى بسنه او اتنين عامر كان مصيبه فى معاكسة البنات ويخترع كلام احسن من السيما يخلى البنات تضحك والاتنين التانين يعنى نص نص لكن سالكين العبد لله متربى وعمره ما عاكس والامور ماشيه وساعة ما افكر اقول كلمه يكونوا سبقوا وقالوا اللى عايزينه لحد ما قربت بنوته زى القمر اتشجعت ونطقت شوفوا القمر اللى جاى شوفوا الجمال الربانى اللى على اصله بصيت لقيت البنوته وشها بقى لون الطماطمايه والتلاته اللى معايا وشهم فى الارض واحمر من الطماطمايه قلت فيه ايه راحوا مفتوحين فى الضحك اتاريها اخت احمد فؤاد وكان منظرى زفت الزفت ذكرى مهببه واذا افتكرت حاجه هباب تانى مش حاقولها

هههههههههههههههههههه




بس تصدق .ز صدق الله العظيم حينما قال .. اعمل يابن آدم ما شئت .. فكما تدين تدان

أهو أحمد فؤاد كان بيعاكس البنات .. واتردتله في أخته .. لا تحزن يا حاج سهران فان الله سبحانه وتعالى قد لقن بك أحمد فؤاد درسا لن ينساه


بس يا رب يكون اتعلم وفهم

 

 

[Tornado]

وانا صغير كنت بشوف كابتن ماجد وكنت بلاقيه بيشوط الكورة ويقولها تروح في الاتجاه اللي هو عاوزه وتروح وتدخل جون قام بقى من ذكائي كنت اشوط الكورة واقولها هيااااااااا واقولها روحي يمين وفي الاخر الاقيها مش بتلف واحس اني مش هبقى كابتن ماجد

 

 

[Remooo]

وتقديرا للابيج اللى هو المونى
انا كان عندى يقين تام برضه ان
" الفلوس لاتفنى...وقد تستحدث من العدم"
يعنى كل حاجة ممكن تخلص الا الفلوس
يعنى عمر ما واحد ييجى يحط ايده فى جيبه ويلاقيه فاضي
سيت امبوسيبل يا جماعة
لانها سبب الحياة زى الهوا والميه يعنى استيحالة
يصيبها مكروه

ربنا يديم علينا نعمة الستر

 

 

[سهران لوحدى]

اقتباس المشاركة الأصلية كتبت بواسطة ana_3enady هههههههههههههههههههه بس تصدق .ز صدق الله العظيم حينما قال .. اعمل يابن آدم ما شئت .. فكما تدين تدان أهو أحمد فؤاد كان بيعاكس البنات .. واتردتله في أخته .. لا تحزن يا حاج سهران فان الله سبحانه وتعالى قد لقن بك أحمد فؤاد درسا لن ينساه بس يا رب يكون اتعلم وفهم

مش مشكلة احمد يا عندى
مشكلتى انا


هرمنا وحتى الان ما اتعلمتش المعاكسه
ينفع يا عندى ياخويا

 

 

[سهران لوحدى]

اقتباس المشاركة الأصلية كتبت بواسطة Tornado وانا صغير كنت بشوف كابتن ماجد وكنت بلاقيه بيشوط الكورة ويقولها تروح في الاتجاه اللي هو عاوزه وتروح وتدخل جون قام بقى من ذكائي كنت اشوط الكورة واقولها هيااااااااا واقولها روحي يمين وفي الاخر الاقيها مش بتلف واحس اني مش هبقى كابتن ماجد

ياسلام بقى لو كانت الكوره سمعت كلامك
كنت بقيت كابتن مصر
لكن يا خساره الكوره ما بتسمعش

 

 

[سهران لوحدى]

اقتباس المشاركة الأصلية كتبت بواسطة ريم رجب وتقديرا للابيج اللى هو المونى انا كان عندى يقين تام برضه ان " الفلوس لاتفنى...وقد تستحدث من العدم" يعنى كل حاجة ممكن تخلص الا الفلوس يعنى عمر ما واحد ييجى يحط ايده فى جيبه ويلاقيه فاضي سيت امبوسيبل يا جماعة لانها سبب الحياة زى الهوا والميه يعنى استيحالة يصيبها مكروه ربنا يديم علينا نعمة الستر

ده جيب خاص جدا
يجعله عاااااامر

 

 

[دموع الورد]

ايه يامودة الموضوع ده كده هتطلعى المواهب والفضايح كلها


ساعة ما اجى اكتب بنسى حاجات كتير اوى مع انى طفولتى كلها نوادر من طراز خاص وربنا ماما وبابا ليهم الجنة من المواهب اللى شافوها


اذكر وانا طفلة ولحد ماكنت فى ابتدائى مثلا ماما كانت بتحب نجاة جدااا وعندها شرايط كتير ليها وكانت داائما تشغلها بعد العصر يوم الجمعة وهى بتعمل حاجات البيت

وداائما كانت تسمع عيون القلب وانا هتجنن ازاى عيون القلب هو القلب ليه عيون ورايحة جاية اوقف الشريط واسال ماما هو انا لو فتحت جسمى وطلعت قلبى منه هشوف بيه


وكانت تضحك وتفهمنى ودماغى شوز قديم اوى حالف ع المصحف مايفهم ابداا

حاجة تانية اذكر وانا طفلة ولحد ماخلصت ابتدائى كان فى اعتقادى ان محدش بيموت وان لما واحد يقولوا عليه مات ممكن نصحيه تانى يعنى ناكله ونشربه لحد مايفوق


عقلى مكانش قادر يتصور ماهية الموت من الاساس لدرجة ان لما كان حد يموت عمى او خال بابا لما توفوا بقيت اضحك واقول هى الناس دى لابسة اسود ليه وزعلانة ليه مايدخلوا يقعدوه وياكلوه ويفوقوه


فيين بقا لما كبرت وعرفت يعنى ايه موت
وانه لا مفررررر ياختييييييييييييييييييييييييييييييى

حاجة تالتة الفلوووس داائما كان فى اعتقادى زمان وانا صغيرة ان الفلوس دى ورق يعنى الناس ممكن تجيب مكن وتصنعه وتكتر منه علشان يبقى معاهم فلوس على طول

على فكرة فى حاجات تانية كتير بس بلاش فضايح بقى

لحد وقت قريب جدا كنت فاكراها غلط خالص وتصوراتى ليها تضحك العيل فى ابتدائى دلوقت ومعرفتهاش الا لما كبرت وحاجات معرفتهاش الا قريب اوى


الواحد كان مشكلة فى سذاجته ومازال والله بيكتشف انه سااااااااااذج عالاخر خاصة لما بشوف عيال اليومين دول اللى فى ابتدائى واعدادى و بتوع ثانوى

 

 

[زهرة بريه]

مما لاشك فيه(اصل الموضوع ده بيفكرنى بمواضيع التعبير)
فى الواقع ان الطفولة دى شئ لذيذ فى كل حاجة
مبيفضلش منها غير ذكريات........
وللاشف الشديد انا مش فاكرة ولا ذكرى صغنونة قد كده

بس انا فاكرة ذكريات من طفولة اخويا الصغير
مرة وهوعنده 7سنين ماما قالتله روح اشترى سرنجة 3سم من الصيدلية علشان آخد الحقنة

طبعا راح يركض الى الصيدلية ودخل على الدكتور قاله لوسمحت عايز سرنجة 3مـــــــــــــــتر
طبعا الدكتور يعنى معدهاش وضحك الناس اللى ماشين فى الشارع عليه
ومن يومها مبيروحش الصيدلية غيير بورقة

 

 

[مودة]

دعوه لموضوعي

مدونة مودتي بلا حدود

اقتباس المشاركة الأصلية كتبت بواسطة بنت الشاطئ بس لو ماكنتوش تحلفو ياكسووووفى كان فى اغنيه بتقول ( مصريتنا وطنيتنا حماها الله ) انا كنت افتكرها ( مصريتنا وطنيتنا حماما الله ) مش عارفه ليه ومفهمتهاش غير من قريب وافتكر زمان وانا فى الصف السادس الابتدائى كنت بأخد درس وبيخلص بالليل وبعدين وانا مروحه شفت حاجه فى السما بتنور وزى اللى ماشيه ورايه اخدت ديلى فى سنانى وقلت يافكيك واخدتها جرى واول ماروحت قلت لامى الحقى فى حد بيراقبنى لاقيتها برقت وقالتلى مين دة وفين وحصل ايه قولتلها معرفش بس هو فى السما قالتلى نعم ياأختى يعنى ايه فهمتها وبعدين بعد وصله لابأس بها من الكلام اللى يكيف قالتلى دى اكيد طيارة يا هبله ياااا وكفايه عليكو كدة

لا مش كفاية كملي
ان ماكنتيش تقوليلنا حتقولي لمين يعني
قولي ياختي قولي كلنا كده

 

 

[مودة]

دعوه لموضوعي

مدونة مودتي بلا حدود

اقتباس المشاركة الأصلية كتبت بواسطة سهران لوحدى ذكريات جميله جدا وكلها براءه وعفويه صغار لكن لدى قصه تكسف عشان كنت كبير فى اولى ثانوى الامر لله اسمعوا كنا بعد الامتحان واقفين قدام بيت احمد فؤاد وعلى فى نفس البيت وواقف معانا عامر كلهم اكبر منى بسنه او اتنين عامر كان مصيبه فى معاكسة البنات ويخترع كلام احسن من السيما يخلى البنات تضحك والاتنين التانين يعنى نص نص لكن سالكين العبد لله متربى وعمره ما عاكس والامور ماشيه وساعة ما افكر اقول كلمه يكونوا سبقوا وقالوا اللى عايزينه لحد ما قربت بنوته زى القمر اتشجعت ونطقت شوفوا القمر اللى جاى شوفوا الجمال الربانى اللى على اصله بصيت لقيت البنوته وشها بقى لون الطماطمايه والتلاته اللى معايا وشهم فى الارض واحمر من الطماطمايه قلت فيه ايه راحوا مفتوحين فى الضحك اتاريها اخت احمد فؤاد وكان منظرى زفت الزفت ذكرى مهببه واذا افتكرت حاجه هباب تانى مش حاقولها

خلصوا البنات القمرات مافضلش الا اخت صاحبك
كمل ياخويا كمل