Arabic Discussion Forum with a Special Interest in Travel and Immigration

زهرة بريه · 10th May 2011, 11:18 AM

ياترى كنتو بتأخدوا شندويتشات ايه وانتو رايحين المدرسة؟؟

طبعا الساندويتش ده كان سبب خناقة يومية
قد تتطور لمشاجرة عنيفة يشهدها الجيران...

ومع اختلاف ساندويتشاتنا ستظل أجمل ساندويتشات بتفكرنا بأجمل الذكريات ( ايام المدرسة الله لايعيدها أيام)

وربنا يجيب العواقب سليمة ومتطلعوش زى الاطفال اللى مش كويسين اللى بيرموا الساندويتس ويشتروا من الكانتين...
او الاطفال الخايبين اللى بتتسرق منهم الساندويتش..
او التانيين اللى بيعملوا تبادل ساندويتشات...

هيييييييييه ...كانت أيااااااااااااام

مودة · 10th May 2011, 11:24 AM

دعوه لموضوعي

مدونة مودتي بلا حدود

فكرتيني ليه
ده كانت خناقة الصباح اليومية
لازم السندوتشات ومش عايزاها ترجع في الشنطة
بس كانت اجمل ساندوتشات هي الجبنة بكل انواعها
ومنكن الزعتر بزيت الزيتون
والشيدر مع المربى ودي اختراعي او اللافاش مع المربى برضه اختراعي
بس طعمها يجنون ويخبلون

ana_3enady · 10th May 2011, 12:42 PM

دعوه لموضوعي

RobertInole

ايييييييييييييييييييه .. كانت أيام .. انا أحيانا كنت أبقى من النوع التالت اللي بنبدل السنكوشتات

زهرة بريه · 10th May 2011, 12:57 PM

اقتباس

المشاركة الأصلية كتبت بواسطة مودة


	فكرتيني ليه ده كانت خناقة الصباح اليومية لازم السندوتشات ومش عايزاها ترجع في الشنطة بس كانت اجمل ساندوتشات هي الجبنة بكل انواعها ومنكن الزعتر بزيت الزيتون والشيدر مع المربى ودي اختراعي او اللافاش مع المربى برضه اختراعي بس طعمها يجنون ويخبلون

وأى خناقة يامودة...
انا بقى كنت بصمم ما أخدش السندويتشات
(ده طبعا بعد ما اخد اللى فيه النصيب من ماما)

وعلشان المدرسة كانت قدام البيت
تقوم ماما تبعتهم مع العيال فى الفسحة
أقوم بقى واخده موقف واقول للى جايبهم
كلهم انت (مع انى ببقى جعانة موت)
واروح اشترى من بره.

زهرة بريه · 10th May 2011, 12:59 PM

اقتباس

المشاركة الأصلية كتبت بواسطة ana_3enady


	ايييييييييييييييييييه .. كانت أيام .. انا أحيانا كنت أبقى من النوع التالت اللي بنبدل السنكوشتات

أحيانا!!
وطب والاحيان التانية؟
كنت بتسرق العيال..

ana_3enady · 10th May 2011, 01:15 PM

دعوه لموضوعي

RobertInole

اقتباس

المشاركة الأصلية كتبت بواسطة بنت كلزار


	أحيانا!! وطب والاحيان التانية؟ كنت بتسرق العيال..

لا يا كبتشن .. كنت بارجع بالسندويتش اللي ما يعجبنيش

يعني المربى لو مش فووارة .. ترجع زي ماهي

الجبنة البيضة سواء سادة ولا بخيار ولا بأوطة (طماطم يعني) .. ترجع زي ما هي

الفول لو مش ببيض أو بطحينة .. يرجع زي ماهو

يالجبنة الرومي .. ياللانشون .. يالباسطرمة بالبيض .. يا مربى فرالة .. يا فول كما سبق ذكره .. يا جبنة شيدر (أحيانا وأحيانا) .. يا جبنة فلامانك .. يا بطاطس مهروسة بالبيض .. يا بطاطس محمرة .. يا إما فلا

سندويتشات الحلاوة كان بيبقى فيها قولان .. حسب الحالة المزاجية

آه انا ماعنديش ياما ارحميني

كلزار · 10th May 2011, 02:05 PM

انا بقي
كنت ما بحبش افطر وانا خارجه من البيت

امي كانت تعمل شاي بلبن وانا اقولها لو هتقتلني لاء ماني شاربه
لبن بس

السندوتشات كانت جبنه قديمه بس مع طماطم

ولما اكون قايمه بدري اخرج من البيت بسرعه
علشان ماتحطيلي الساندويتشات المقدسه

اقولها عندي درس وفي الفسحه كنت اشتري شيبسي وكوكاكولا
ادمان حتي لما وصلت الكليه

جدو نور · 10th May 2011, 02:38 PM

ياسلاااااااااااام فكرتينى انا بقى كان اليوم بيبقى مش فايت لوساندويتش جبنه وخصوصا بيضا
لازم السندويتش يكون من انواع البروتينات يعنى بواقى الدجاج من امبارح لانشون بسطرمه بالجبنه الرومى كده

ana_3enady · 10th May 2011, 02:48 PM

دعوه لموضوعي

RobertInole

اقتباس

المشاركة الأصلية كتبت بواسطة جدو نور


	ياسلاااااااااااام فكرتينى انا بقى كان اليوم بيبقى مش فايت لوساندويتش جبنه وخصوصا بيضا لازم السندويتش يكون من انواع البروتينات يعنى بواقى الدجاج من امبارح لانشون بسطرمه بالجبنه الرومى كده

شوفتي .. أهه جدو نور طلع زميل في نادي (ماعنديش ياما ارحميني)

زهرة بريه · 10th May 2011, 03:21 PM

اقتباس

المشاركة الأصلية كتبت بواسطة جدو نور


	ياسلاااااااااااام فكرتينى انا بقى كان اليوم بيبقى مش فايت لوساندويتش جبنه وخصوصا بيضا لازم السندويتش يكون من انواع البروتينات يعنى بواقى الدجاج من امبارح لانشون بسطرمه بالجبنه الرومى كده

الله عليك ياجدو
مبتهظرش فى سندويتشاتك

فكرتنى وانا فى اعدادى مرة واحدة
زميلتى مامتها كانت
بعته معاها فرخة مشوية
وكان يوم ....
طبعا المدرسة كلها اتلمت علينا
بس الحمد لله انها كانت صديقتى الانتيم
وكان لى نصيب الاسد

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
تأجيل التأجيل	منقوووووووووووولات	دكتور مهندس جمال الشربيني	2	1598	27th August 2012 12:41 PM
الطرطور والقرطاس	منقوووووووووووولات	زهرة بريه	0	927	15th December 2011 11:01 AM
زياد العليمي يكتب في التحرير: مصر التي سنبنيها	منقوووووووووووولات	nash	1	1163	9th December 2011 03:43 PM
قالّك «الشعب واعى»!	منقوووووووووووولات	زهرة بريه	0	828	3rd December 2011 04:44 PM
نداء للإخوة البلطجيه..!	منقوووووووووووولات	ممدوح56	3	1114	13th November 2011 06:56 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكلة مع المدرسة المصرية للغات	noureymo	مواضيع شخصية	15	25th August 2009 11:54 PM
مدرس يهتك عرض تلميذة بالابتدائي داخل المدرسة	toronto	شؤون مصر الداخلية	6	15th March 2009 09:00 PM
من المدرسة في غزة .... صورة تغني عن ألف مقال!!	د. يحي الشاعر	فلسطين أرض الرباط	3	5th February 2009 09:10 AM
تحية لمديرة المدرسة المنافقة للوزير ..... !!!	kokomen	إستشارات طبية	2	24th September 2008 10:11 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

ذكريات الطفولة

ساندويتشات المدرسة......كل يوم من ده!