انفلونزا الخنازير ...المستجدة حاليا

[dr-amira]

الصحف المصرية والعربية

الاسم الحقيقى وباء.. اسم الدلع أنفلونزا موسمية

بقلم خالد منتصر ١٧/ ١٢/ ٢٠١٠أرسل لى الأستاذ أيمن توفيق، أستاذ الجراحة بطب الأزهر، رسالة يدق فيها جرس إنذار، ويطرح سؤالاً حول تحور فيروس أنفلونزا الخنازير، أرجو أن ينتبه إليه وزير الصحة، وأن يضعه فى الاعتبار ويناقشه باهتمام، تقول الرسالة: «أود أن أعرض على مسامعكم أمراً محيراً ولا أجد له تفسيرًا... لقد عادت أنفلونزا الخنازير إلى الانتشار مع موجة البرد الحالية، ويبدو أن الفيروس هذا العام قد تحور وصار أشد ضراوة، فهو يتسم هذا العام بارتفاع نسبة حدوث مضاعفات وبالذات حدوث (متلازمة جيان-باريه) (Guillain–Barré syndrome) وهو ضعف مفاجئ فى عضلات الساقين يجعل الطفل عاجزاً عن الحركة، ثم ينتشر المرض صاعداً فى الجسم حتى يصل إلى عضلات التنفس فيختنق الطفل ويموت إلا لو عجلنا بالعلاج وهو حقن «إميونوجلوبيولين»،
وفى هذه الحالة يتوقف سريان المرض، وقد أصيب حفيدى (٦ سنوات) بالمرض وهو الآن يتماثل للشفاء بحمد الله بفضل هذه الحقن وبفضل التشخيص المبكر للأستاذة الدكتورة أمنية الرشيدى، أستاذة الأمراض العصبية عند الأطفال، ويبدو أن حفيدى ليس هو الحالة الوحيدة التى أصابها المرض ومضاعفاته، فقد أخبرتنا أستاذة الأطفال المعالجة بأن حفيدى هو رابع حالة تشاهدها فى أسبوع واحد، كما أخبرنا أستاذ أشعة الرنين المغناطيسى الذى أجراه لحفيدى أنه شاهد ثلاث حالات،
كما أخبرتنا أستاذة الطب الطبيعى التى أجرت لحفيدى اختبار قياس وظائف الأعصاب أنها شاهدت مؤخراً عدداً من الحالات، كما ذكرت الصحف أن هناك خمسين حالة أصابت أطفال الفيوم وأن المتسبب «فيروس غريب»، (وانبرى وكيل وزارة الصحة فى الفيوم إلى نفى ذلك بعصبية شديدة فى أحد البرامج الحوارية فى التليفزيون!!)، كما أن أحفادى الآخرين يقولون إن نصف تلاميذ فصولهم متغيبون بسبب الأنفلونزا، والأمر نفسه يتحدث به أحفاد أصدقاء لى فى مدارس أخرى.
إذن نحن أمام عودة للوباء ولكن بصورة أكثر شراسة وضراوة، والأمر المحير الذى لا أجد له إجابة شافية هو: لماذا الإصرار من قبل مسؤولى وزارة الصحة، وعلى رأسهم وزير الصحة، على إنكار عودة الوباء وأطلقوا عليه اسماً حركياً هو (الأنفلونزا الموسمية)، رغم أن وكيل وزارة الصحة أكد توفر عقار (التاميفلو)؟!.. أليس التاميفلو هو العلاج الوحيد لأنفلونزا الخنازير، ولا يعالج أى نوع آخر من فيروسات الأنفلونزا؟
وأمر آخر: ذكر وزير الصحة أن عدد الحالات ٣٤٨ إصابة وأن عدد الوفيات ١٦ حالة وفاة، أى أن نسبة الوفيات بلغت ٤.٦ بالمائة. أليس ذلك معدلاً مرتفعاً بالنسبة للأنفلونزا الموسمية خاصة وهو لم يذكر أعمار المتوفين؟، ولماذا لم يذكر أحد احتمالات (متلازمة جيان-باريه)وينبه إلى خطورتها وإلى أعراضها المبكرة حتى يمكن علاجها؟ هل لأن العلاج غير متوفر بكميات كبيرة وثمنه مرتفع (الكورس يتكلف ١٢ ألف جنيه) وسوف تضطر الدولة إلى توفيره للفقراء وإلا ثار الناس؟
قد أكون مبالغًا فيما أقول، ولكنى أدعوك إلى استقصاء الأوضاع عند أطباء الأطفال، وبالذات عند المتخصصين منهم فى الأمراض العصبية للأطفال، وكذلك عند مراكز الرنين المغناطيسى ومراكز قياس وظائف الأعصاب، ألا يحتاج الأمر للتفكير فى إغلاق المدارس لفترة حتى ينحصر الوباء؟».
[email protected]

 

[sincere]

ربنا يستر

 

 

[حسام]

الله يكرمك يا د.أميرة ع الموضوع ده
وربنا يستر

 

 

[ozoozo]

انا ابني جاتله بعد الحج وماعرفتش غير لما عدي مرحله الخطر وكان قرب يخف وادوله التاميفلو والحمدلله خف

هو دور انفلونزا زي اي دور بس المشكله الناس اللي عندها امراض في جهازها التنفسي

 

 

[sanaa]

انا رحت اخدت التطعيم احطياطي


هو مافيش تطعيم في مصر مجانا ليها ؟ ولا لازم الناس تشتريه ؟

 

 

[dr-amira]

للاسف كلام المقالة كله مضبوط بدون اى مبالغة مع تعتيم كامل من وزارة الصحة على الموضوع و تجاهل غريب للوضع برغم كثرة الوفيات ....المفروض احنا ننشر الوعى بين الناس ...يعنى حرارة يومين يبقى نبدأ تاميفلو او تامينيل المصرى على طول ...و ربنا يستر

 

 

[Farida]

موضوع هايل يا أميره .............انفلونزا الخنازير منتشره واضح ...............بس اللى اعرفه ان غلط ناخد التاميفلوا - بالمناسبه اعرف ان العلبه ب 700 جنيه - على طول الا لما الحرارة ماتنزلش علشان الجسم ما ياخدش مناعه ضده بس المشكله طيب الحرارة تنزل ازاى ............
بنتى بقالها يومين عندها حراره 39 و نص اتصلت بالعزبى الساعه 4 الفجر قلت لهم اديها ايه لأنى عارفه ان فيه مخفضات مش المفروض تتاخد مع انلفونزا الخنازير غير الباراسيتامول و دول كلهم بيشتغلوا على 38 و اقل ...........قالى اديها كاتافلام ولا تقلقى .............و فعلا اديتلها و الحراره نزلت
لى زميله قالت لى علشان الحرارة تنزل ما فيش غير البانيو انشالله تقعد فيه بهدومها ..............

 

 

[dr-amira]

الف سلامة لبنتك يا فريدة ...ان شاء الله خير ...المشكلة زى ما ozoozo قال فى اللى عندهم مشاكل فى الجهاز التنفسى و الحوامل و مرضى الكبد ...و كمان فى تأخير التشخيص و العلاج .
على فكرة فيه كمادات جاهزة سهلة مع الاطفال اسمها تيمبو كوول

 

 

[Farida]

ايوه موضوع الكمادات ده مشكله اخرى بس مرة زمان بناتى و هم صغيرين جات لهم نزلة معويه و سخونه عاليه كانوا فى المستشفى لما الحرارة توصل فوق 39 يقلعوهم و يحطوهم تحت الدش و بصراحه بناتى مع كل حرارة اعلى من 39 باطبق معاهم الموضوع ده صيف او شتا ............زامى و اخواتى و حماتى بيفضلوا فى التليفون يبهدلونى وانا فى دماغى ان ده افضل من ان الحرارة تتسبب فىتخلف ما فى وظائف المخ عند البنات ..............
الفكرة ان فرح ابتدت الدور معكحه و حرارة 38 و نص مش عارفه اتصرف ازاى دلوقتى .............
السؤال لوقتى اجيب التاميفلو الشراب ده و ابتدى اعطى منه لفرح ولا انتظر ولا ايه .............وهل فعلا ممكن الجسم ياخد منه مناعه او يبقى مضر لو اتاخد من غير ما تكون انفلونزا خنازير

 

 

[سيدة مصر الاولى]

يعنى يا دكتورة اميرة اول عرض يقلل السخونة العالية هو ده اهم عرض للفيروس؟