يا عزيز عيني .. وانا بدي أروح بلدي

[abysaleh]

الصحف المصرية والعربية

اقتباس المشاركة الأصلية كتبت بواسطة 3omda To مش تقولي كده من الاول انا كنت فاكرك لبنانيه

يا عمدة يا صعيدي يابو شهد
كل دا ومش عارفني
مافيش متابعة جيدة للمنتدي

يا عزيز عيني وانا بدي اروح بلدي
بلدي كندا وانانفسي اعيش في كنكا

 

 

[3omda To]

اقتباس المشاركة الأصلية كتبت بواسطة abysaleh يا عمدة يا صعيدي يابو شهد كل دا ومش عارفني مافيش متابعة جيدة للمنتدي يا عزيز عيني وانا بدي اروح بلدي بلدي كندا وانانفسي اعيش في كنكا

انا باهزر بس والله
لو سمحتي ماتبوزيش الاغنية الاصلية
""كندا يا كندا وانا نفسي اروح كندا""

 

 

[Dr. Ahmad]

اقتباس المشاركة الأصلية كتبت بواسطة VERDI صباح الخير مش علشان له ترجمة بالانجليزي وفيه كلمة مرض يبقى مالوش سبب لا ,, له سبب, وله وقاية, وله علاج. كلما كان تفكير الانسان منطقي كلما قدر على تحليل التأثيرات النفسية وأصبح أكثر عمليا وبالتالي أقل عاطفيا. "لذلك في الغالب,( وهي نقطة ثانوية) كلما كان الانسان عمليا كلما قل خضوعه للعواطف." يعني السؤال اللي سألته سؤال بيطلب من اي حد يبدأ يفكر في الاسباب, مع عدة اسئلة زي دي, هتلاقي ان موضوع الوطن ده موضوع واهي. واي انسان يفكر بشكل دائم وبشكل منطقي لا يخضع للمسائل الواهية. المسائل الواهية في حياتنا كثيرة, والكثير منها يعتبره البعض مسائل عظيمة وقد يعتبرون ان التشكيك فيها او في قيمتها درب من اللا أخلاق او من اللا دين.

صباح الفل...
ايه علاقة الانجليزي بس بالموضوع. الحنين الى الوطن دي حاجة نفسية ومش مرض. وأي انسان ممكن يمر بيها زيها زي الحنين الى الماضي والحنين الى الطفولة وحاجات كتير. بس مشكلة الحنين الى الوطن انه بيشاركك فيها ناس تانيين فبيقوي عندك الاحساس ده. وكمان الاغاني الوطنية ممكن تزود الاحساس ده برده. والحالة دي ما لهاش اي علاقة بكون الوطن ده حلو او وحش.

 

 

[diamond]

اقتباس المشاركة الأصلية كتبت بواسطة ehabtaher ياجماعه انتم فاهمين غلط الليدووو مش قصده مصر خخخخااااااااااااااااالللصصصصصص الليدو قصده كندا لانها بلده اللى ربنا قاسمله انه يقضى فيها بقيه عمره ان شاء الله بس الفيزا والموافقات اتاخرت شويه هو علشان جاب اغنيه مصريه يبقى قصده على مصر يا زناتى... لا ده قصده على كندا بس يعنى هو ثقافته مصريه يجيب اغنيه منييين يعنى وبعدين مين قال ان اللى بيهاجر يبقى بيتخلى عن بلده اللى بيهاجر بالضبط زيه زى اللى بيشتغل فى الخليج زيه زى الزناتى وايهاب طاهر وفيردى و الشامى وابى صلاح بس بدل ما بيشتغل فى الخليج .. بيجرب حظه فى بلد تانى خالص بيعطيله مميزات اكتر شويه اسمه .. كندا من مميزاته الزياده شويه عن الخليج التعليم الامن الصحى المعاش بعد عمر طويل من الشغل المثمر . كونه بقى لما حا يطلع معاش .. مش حياخد المعاش ويقعد يصرفه فى مصر .. ده يرجع له هو شخصيا كونه انه حا يبقى خايف لما يطلع معاش .. خايف يقعد فى مصر لحسن الاسعاف يتأخر شويه والا المستشفى يرفض يعمل العمليه لو لزمته كونه انه برضه بيحب مصر وخايف يهوب ناحيتها .. دى بقى حاجه ترجع له هو مش كده والا ايه يا زناتى اكنك بالضبط بتشتغل فى الخليج وبتنزل اجازات كل سنه او سنتين بس الطياره بتقعد فيها مده طويله شويه.. ماحصلشى حاجه يعنى فين بقى المش والجبنه القديمه يا زن زن

الله عليك والله بالظبط
انا لي 3 سنوات فى الكويت ومش عارف انزل اجازة لحد دلوقتى شكلها هتبقة 5 سنين يعنى الواحد لو فى بلد بتعترف انه بنى ادم اصلا مش كان خد الجنسية ولا بلاش الجنسية كان خد حريتة شوية فى الاقامة وكدا
الله المستعان

عندى شوية جبنة قديمة يستاهلو بقك ومن غير الكماليات كمان ابعتلك

 

 

[diamond]

نسيت
بخصوص الوطن والحنين والذى منه

بصراحه ومن غير زعل البلد تتكرة يا جدعان وتطفش طوب الارض
الشباب كرة نفسه فى مصر
مش حكاية بطاله وبهدلة وقلة فرص فى الجواز والشغل والتعليم والعلاج والعيشة و الخ
الموضوع ممنهج - حلوه ممنهج دى صح - عوزينا نكرة البلد ونسيبهالهم علشان يبرطعو فيها واعتقد انهم نجحو فى كدا جدا
احكيلكم حكايه زمان فى منتصف التسعينات كنا طلبه حلوين كدا فى الجامعة - جامعة اسيوط - اتحاد ورحلات بقى والدنيا وردى
المهم مرة خدونا كدا من الدار للنار كنا 81 طالب لمونا من قدام الجامعة ذى الفراخ
يومين ياشباب شفنا فيهم العجايب بدون سبب وبعدين سبونا برضو بدون سبب
انا فضلت فترة عاوز افهم هم عملوا كدا ليه
وبعدها بسنين كنت قاعد مع حد مهم فى جهه امنيه وسألته قلى علشان محدش يفكر يعمل حاجة
تخيلوا
بجد يعنى ضربة استباقية
ايه الدماغ دى


بس والله والله

انا مستعد اموت فداها

علشان تفهمو قصدى ايه



على اسم مصرالتاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها
واطفش في درب
وتبقى هي ف درب

 

 

[diamond]

اوطاننا صارت سجونا واسعة .....
والسجن سجن اينما كان
الناس تعشق عمرها فى الطين حين يجود
فى الماء حين يفيض
أنحب ماء النهر إن متنا من الظمأ الطويل ....؟
انحب اشجار النخيل ونحن تحت جذوعها
نلتاع جوعا ؟
لا تدعوا انا نحب الارض حبا فى التراب
فالناس لا تهوى التراب
الناس تعشق ارضها من أجل بيت
أو حبيب
أو رغيف
أو امل
اما التراب فلا يساوى اى شىء كي يحب

 

 

[diamond]

الخلاصة







وطن بخيل .... باعني في غفلة
حين اشترته عصابة الإفساد


شاهدت من خلف الحدود .... مواكبا
للجوع تصرخ في حمى الأسياد


كانت حشود الموت تمرح حولنا
والعمر يبكي ..... والحنين ينادي


ما بين عمرٍ ...... فر مني هاربا
وحكاية يزهو بها أولادي


عن عاشق هجر البلاد وأهلها

ومضى وراء المال والأمجاد


كل الحكاية ...... أنها ضاقت بنا

وأستسلمت للص والقواد


في لحظة...... سكن الوجود
تناثرت حولي مرايا الموت والميلاد

قد كان آخر ما لمحت على المدى
و النبض يخبو

صورة الجلاد

قد كان يضحك والعصابة حوله

وعلى امتداد النهر يبكي الوادي



وصرخت..... والكلمات تهرب من فمي



هذي بلادُ............ لم تعد كبلادي !!!

 

 

[حرم ولاء]

بالمناسبة اعتقد ان ابى صالح اخت المهندسة سمية صالح صح وللا غلط

 

 

[abysaleh]

اقتباس المشاركة الأصلية كتبت بواسطة حرم ولاء بالمناسبة اعتقد ان ابى صالح اخت المهندسة سمية صالح صح وللا غلط

صح عليك
عرفتي ازاي؟؟؟

 

 

[Virus]

اقتباس المشاركة الأصلية كتبت بواسطة abysaleh يا عمدة يا صعيدي يابو شهد كل دا ومش عارفني مافيش متابعة جيدة للمنتدي يا عزيز عيني وانا بدي اروح بلدي بلدي كندا وانانفسي اعيش في كنكا

حمد الله على السلامة يافندم..ده لاندينج ده ولا إيه؟