شكر خاص ..لشينكاوى... وميزو. Finetouch.

[Badroora]

الصحف المصرية والعربية

اشكركم من قلبي لانكم رغم اختلافكم معى فى موضوع الرقص وعدم تقبلكم للموضوع الا انكم كنتم رجالة بجد اتشرف بتواجدى معكم فى اى مكان ..

العزيز شينكاوى ..

رغم اعتراضي على شدة وحدة اسلوبك فى الحوار وخصوصا فى الامور الدينية الى انى من زمان مش من النهاردة اعتبرك بمثابة اخ لى ..وعندما رايتك رديت غبتى ودافعت عن الحق وعنى رغم اختلافك ممعى لا يسعنى الا الشكر واحمدالله انى لى اصدقاء واخوة مثلكم ..ميرسي جدا يا شينكوا


العزيز ..ميزو ... فعلا المرء على دين خليله وانت فعلت بالمثل ودافعت مع شينكاوى ورديت غبتى دون علمى ..وشاء القدر ودخلت الموضوع بالصدفة وشوفت الكلام الموجه لى وردكم ..رغم ان الكلام جرحنى ولا استطيع وصف شعورى حينها ولكن حمدالله انى لى اخوة مثلكم ردوا غبتى ودافعوا عنى .. شكرا لك من قلبي ميزو

الاب الغالى ..فاين تاتش ..بجد وبدون مبالغة او مجاملة اعتبرك ابي ومتشكرة جدا جدا على توضيح الامر وحتى عدم اتفاقك فيما طرحت الا انك كنت كالاب الذي ينصح دون حجر او فرض وصاية
ربنا يبارك لك فى عمرك وصحتك ..واولادك يا رب .
شكرا لك من كل قلبي بابا تاتتش

واخرون دافعوا عنى وتصدوا رغم اختلافهم مع الموضوع سبب المشكلة .اعتذر لعدم ذكرى الاسماء لانهم غير مسجلين لدينا بها..وكل الشكر واصل لهم .

اخترت عنوان الموضوع ببساطة دون تأنى او تفكير وكنت مطمئنة ان العنوان ممكن يكون مستفز ولكن محدش هيحكم على الموضوع من عنوانه وتناسيت مقولة الجواب بيبان من عنوانه .. واستجبت لطلب شينكاوى عندما بالفعل ادركت ان عنوان الموضوع ممكن يكون صعب بعض الشيء على الاخرين.
معذرة انا احيانا اقدر الامور بمنظورى المتحرر بعض الشيء وليس المنحرف واعتذر عن العنوان الذى استفز مشاعر بعص الناس ..وغيرته اينعم متأخر ولكنى عندما ادركت خطأئي صلحته..

محتوى الموضوع ليس فيه شيء يخجل او دعوة للانحلال لانه كلام علمى وليس كلامى كلام درسته وطبقناه على المرضي .. وتناولتها من المنظور العلمى بغض النظر عن العنوان الذي قام بدورة بجر المشاكل والهجوم على.
هناك فرق بين رفضنا لشيء ..وعدم اعترفنا بالشيء ..وعدم معرفتنا بالشيء ..وان الشيء دا موجود.!!
كل اللى دافع ضد تناول الموضوع من منظور الرقص والفجور حتى لم يكلفوا نفسهم بقراءة المكتوب .

عموما انا اعترف ان العنوان كان غير لائق .!!
ولكن محتوى الموضوع ..لا ارى فيه عيب ان يطرح حاليا ا وبعد انتهاء الشهر الكريم.لان المحتوى محترم جدا وليس به اى نوع من الخلاعة.!!
سواء قبلتم او رفضتم هناك علاج بالرقص ويطبق فى جميع احناء العالم عامة ومصر ودول الخليج الاسلامية خاصة.
مشكلتنا هى فكرتنا العامة عن الرقص ..مجرد كلمة رقص سرعان ما تقفز الى اذهاننا الراقصات والانحلال..
مع ان اى حركة عادية تعتبر رقص ..
المهم
اكرر شكرى وامتنانى لجميع من ردوا غبتى دون علمى..
بجد بجد مهما اشكركم لن اوفيكم ما تستحقون.
لذلك لم ارسل شكرى عبر الخاص لانكم بهذا الموقف اصبحتم قدورة حسنه..
رغم اختلافكم مع من تحاور ..الا انكم لا تيضعون حقه.

 

[FINETOUCH]

الابنه الكريمه بدريه
جزاك الله خيرا وكل عام وانت والاسرة وجميع الاحباء بخير ونسأل الله ان يبصرنا ويرينا الحق دائما حتى نلقاة
وبعد اعرف تماما ان الرقص الذى تتكلمين عنه ليس رقص خلاعه واعرف انه حركات ايقاعيه....ولكن كما اعتقد انه ليس مناسبا لكل شخص..فان هناك بدائل متاحه تناسب كل شخص.
وربنا يوفق الجميع الى الحق

 

 

[FINETOUCH]

( عقلى الباطن ) يارب بدريه يجيى لها العدل علشان نخلصوا منها ومن دوشتها

 

 

[MFaisal]

لا شكر على واجب يا بدرية

اقتباس يلا بقه خلينا نلزق فى الموضوع

 

 

[Badroora]

اقتباس المشاركة الأصلية كتبت بواسطة FINETOUCH ( عقلى الباطن ) يارب بدريه يجيى لها العدل علشان نخلصوا منها ومن دوشتها

يعنى ترتاحوا انتم ويطلع عينى انا ماهو لو اتجوزت احتمال مفضاش ادخل النت وبكدا هتخسرونى

 

 

[Badroora]

اقتباس المشاركة الأصلية كتبت بواسطة ضبش لا شكر على واجب يا بدرية

ضبش اقولك على حاجة

على فكرة انا باعزك قوى قوى حسه انك اخويا الصغير عندي اخويا احمد شقي جدا ودمه خفيف زيك كدا
والله يا ضبش باشعر بسعادة لما الاقي اى حاجة بتكتب فيها.
تعرف يا ضبش حسه لك بمستقبل كبير هنا فى الجبل
كل سنه وانت طيب وشكرا انك هنا

 

 

[Badroora]

شكر خاص للعزيز جدا قائد مدفعية المطاريد
بجد لو لى اخ مش هيعمل زي ما عملت شكرا من قلبي

 

 

[Dr Ayman Kamel]

انا مش فاهم اى حاجة هل كانت هناك خناقة ولو كان فيه نحن اخوة وربنا بيسامح