احتفالية العام الاول لمنتدانا المطاريدي

[حسام]

الصحف المصرية والعربية

هل يفكر معي أحد فى الاعداد لاحتفالية؟
هل الموضوع مبروك وكل عام وأنتم طيبين وخلاص؟

 

 

[Sonesta]

دعوه لموضوعي

ليالى المطاريد.,,,هل تعلم

معلش بقا

جاية أبارك متأخرة

لظروف قاسية جدا مريت بيها اليوم

بس الحمد لله لسة عايشة

حسام :

تسلم أفكارك النيرة يا دكتور

سنه كانت سعيدة والسنين اللى جاية أسعد بإذن الله

ويارب فى تقدم دائم وتطور أكتر وأكتر

ويارب يديم المحبة والتآخى بين أعضاء المنتدى

أنا أقترح ياحسام ثلاث أيام او إسبوع يحطولنا ( فنانى المنتدى )

تحت الصور الرمزيه شمعة

بمناسبة إنها عدت على نشأته سنه وعقيال عشرات الشموع أو شمعة جوة قلوب

فعلا تبقا واوووووووووووووووو بس تكون شكلها سيمبل ومتناسقة الألوان أهم حاجة

 

 

[أم العيال]

فى البدايه الف مليون مبروك يامطاريد علي مرور سنه وعقبال العيد المئوي

وأنا بقترح ياحسام وقفه فى العيد نحدد ونقيم ماقدمه المنتدى فى هذة السنه

ومانأمل فى الوصول له خلال السنوات القادمه

ونحاول حصر خطط للتطوير وتقديم أفكار جديده تساعد علي الرقى بالمنتدى

تحياتي للأعضاء والعضوات والقائمين علي المنتدى

وكل سنه وأنتم طيبين

 

 

[حشيش]

بسم الله الرحمن الرحيم

الأخوة والأخوات أعضاء المنتدى الكرام

السلام عليكم ورحمة الله وبركاته

فى البداية أود أن أتقدم بالشكر والتقدير لكم جميعاً ولأخونا العزيز حسام لفتحه هذا الموضوع ... منتدى المطاريد بدأ عامه الأول يوم 27 يوليو 2008 واستغرق التجهيز لإعداده لإستقبال الأعضاء أربعة أيام وبدأ العمل رسمياً يوم 1 أغسطس 2008 ... يعنى سيتم عامه الأول يوم 1 أغسطس 2009 إن شاء الله ... حسناً فعل أخونا حسام بطرح هذا الموضوع قبل عيد ميلاد المنتدى الأول لنتذكر الإيجابيات والسلبيات على حد سواء لنحاول معاً الوصول بالمنتدى إلى أفضل مما هو عليه الآن عند بلوغه عامه الثانى بمشيئة الله ... كنت ولا زلت وسأظل أذكر دائماً أن أى فضل يعود بعد الله سبحانه وتعالى فى نجاح هذا المنتدى (إن كان هناك من نجاح يحسب له) هو لأعضائه أولاً وثانياً وثالثاً ثم لإخوة أعزاء علينا جميعاً تحملوا معنا بكل حب مسؤولية إدارة هذا الكيان الصغير وأخص منهم بالذكر من يزالون معنا ومن تركونا لظروف إنشغالهم بأعمالهم بدءاً من مودريتور 1 إلى مودريتور 8 والأعزاء د. يحيى الشاعر و أستاذ محمد أبو زيد وهانى مليجى وmoka و حسام يوسف و Batman والمستشار القانونى و Rescue وسنقوم قريباً إن شاء الله بالإعلان عن أسماء الطاقم الإدارى بالكامل حتى يطمئن الجميع بأنهم فى أيد أمينة بإذن الله ... مهما قلت فلن أوف الأخ العزيز والصديق الخلوق مودست حقه من الشكر على كل ما بذله ويبذله من جهد منذ البدايات الأولى لهذا المنتدى ... خالص الشكر والتقدير موصول للأخ العزيز اوسكاسان على تصميمه واهدائه لبانر المنتدى عند بدء إنشائه ... أخيراً وليس آخراً أتوجه بتحياتى وشكرى وتقديرى إلى الأخت العزيزة بدرية التى تبنت ونفذت وتحملت مع أخوكم شيشو مسؤولية ظهور هذا المشروع إلى النور رغم علمها بأن الأخير مسجل خطر ... أؤمن إيماناً راسخاً بأن أى منتدى بدون أعضائه لا يساوى تلاتة تعريفة لذلك أكرر خالص شكرى وتقديرى لكم جميعاً وإن شاء الله نكون كلنا معاً فى عيد ميلاد المنتدى الثانى إن كان فى العمر بقية ... كلمة أخيرة وشكر واجب أتوجه به إلى كافة المنتديات التى هنأتنا بمولد هذا المشروع الصغير ووضعت رابطه فى صفحاتها وأخص منهم بالشكر منتدى محاورات المصريين ومنتدى الواحة المصرية ومنتدى شؤون مصرية ومنتدى المحطة ... تحياتى للجميع

1 أغسطس 2009

 

 

[Sonesta]

دعوه لموضوعي

ليالى المطاريد.,,,هل تعلم

شيشوووووووو

كل سنة وإنت طيب

وإلى الإمام دائما

والتطور المستمر إن شاء الله

 

 

[FINETOUCH]

ياسلام ياولاد...الايام بتجرى.....وش عبد الوارث عسر
كل سنه وانتم بخير ...بس حسب معلوماتى ان المولود بيبقى رضيع لمده سنتين
بس بالسيريلاك و الحنان و المداخلات الجامده والذى منه ممكن يتفطم بسرعه
اهم حاجه انى بااشكر اخوتى حشيش وبدريه و مودست واوسكا الذى عمل البانر الاولانى وكل الاخوه والاخوات شكرا جزيلا و فزيلا ....
ما حدش يسأل يعنى ايه فزيلا دى كلمه تحيه كبيره اوى اوى

 

 

[Doudy]

كل سنة و انت طيب يا حشيش
و كل سنة و المطاريد كلهم بخير
و عقبال 10000000000 سنة

 

 

[تقى]

الف مبروك للمطاريد وعقبال مليون سنه مبروك للغالية بدرية وللاستاذ حشيش

 

 

[brain]

مادام الاحتفال قرب كده
و مادمت هاكون في مصر وقت الاحتفال بالسنه الاولى للمنتدى
فضلت ان المفأجاه المطاريديه اللي كان ميعادها بعد اسبوع تتأخر الى يوم الاول من اغسطس 2009 علشان تكون بمناسبه الاحتفال بالسنه الاولى
و علشان تكون المفاجاه اثنين

 

 

[Nefertiti]

السلام عليكم ورحمة الله وبركاته
يااااااه سجلت هنا اول ما المنتدي فتح ايام ما عملتوا موضوع فى المحاورات ونسيت خالص اليوم بالصدفة عن طريق جوجل دخلت افتكرت انى سجلت هنا من قبل جربت لاقتنى دخلت
كل سنه وانتم جميعا طيبين وكل سنه والمنتدى طيب ومن نجاح الى نجاح يا رب
الف الف مبروك للاعضاء والادارة واعتذر عن غيابي بسبب السهو
عام سعيد على الجميع