من نحن؟

[ابو عمر]

خوانى الاعزاء نجفة هانم الضب وحشيش بك الف مبروك ويارب يكون اضافة واكون من اول مشتركين المنتدى الجميل بس انا من اولها كده بقول عايزكو تعلمونى عشان انى طبعى امشى جنب الحيط واوعدكو اكون معاكو على طول والف مبروك مر ة تانية

 

[ابتسامــة]

اقتباس المشاركة الأصلية كتبت بواسطة Muhammad Zidan مساء الخير يا ابتسامة عشان تدخلي الصورة الرمزية تعملي الخطوات السريعة دي 1. تدوسي على السهم اللي جنب كلمة خيارات سريعة اللي تحت إسم العضو 2. هاتلاقي خيارات كتير من ضمنها لوحة تحكم العضو .. تحتيه كلمة تعديل اختيارات .. دوسي عليها 3. هاتفتح صفحة تعديل الاختيارات وموجود فيها تعديل الصورة الرمزية 4. تدوسي عليها هايظهرك صفحة جديدة وفيها خيارين واحد من أي رابط عارفاه والتاني من الكمبيوتر بتاعك اللي هو ( brows ) دوسي عليه بس تكوني محضرة الصورة وحطاها على الديسك توب عشان ما تدوخيش 5. وده الأهم الصورة تكون حلوة وتفتح النفس أي خدمة

اهلا محمد مساء النور

شكرا على الاهتمام
بس الحقيقة هو فعلا أول يوم لم يكن إدراج صورة رمزية للعضو مُفعّل
لذا دبيتهم شكوى من أولها ففعلوها

 

 

[د. يحي الشاعر]

نري العديد من الأسماء العزيزة علي القلوب

علي قمة هذه الائحة أضع إسمين ممثلا لجميع الأسماء التي نعرفهعم ونرحب بهم
السيدة الفاضلة الدكتورة فريدة .. والأستاذ الفاضل أوسكاسان

وأوجه الترحيب لهما .... نيابة وتمثيلا لجميع الأعضاء الذين إشتركوا هنا حتي الأن ... وسيشتركوا معنا أيضا وهكذا أتفادي تخطي أي عضو أو عضوة عزيزة نود الترحيب به ، و أرجو بذلك ، أن يسامحني من قد أنسي إسمه ...

إفضل ألأماني القلبية للجميع








د. يحي الشاعر

 

 

[متفائل]

أخواني المطاريد

يارب يكون المنتدى ده فعلا واحة المطاريد

وكل واحد يعبر عن رأيه بحرية وحب واخلاص (يكون هدفنا الوحيد الوصول للحقيقة بغض النظر عن مين الي ينتصر رأيه)

تحياتي للجميع

 

 

[د. يحي الشاعر]

حـــاضر .... إيه رأيكم أننا نضع لو فيه أي من الصور دي
... وده لإقتراحات بس ... ولها خلفية معنوية كبيرة عن المصريين


د. يحي الشاعر


أولا





عنوانها
https://img154.imageshack.us/img154/6365/stamp113fp4.jpg



بس بيني وبينكم ... الصورة دي عاجباني قوي ن لأنها تمثل الكثير جدا في نفوسنا ... وبالذات عن الأسم "المطاردين"




أو دي طبعا .... لأن فيها أكثر من معني ... فحتي لو طورتوا ... فيمكنكم أن تدافعاو عن أنفسكم ... ونهضنا


https://img524.imageshack.us/img524/7...mp58cx0lk2.jpg

 

 

[محمد أبوزيد]

صبرت ونلت يا حشيش يا خويا

فين ايام زمان لما كنت بتلف على المنتديات علشان يعملوك عضو تحت التمرين

او مساعد عضو وبعدها هوبا بقيت مشرف في شئون وعملوا لك باب وبعدها بقيت صاحب منتدى

بصراحة انا مكسوف اقولك من اين لك هذا 86

لكن نقول ايه سبحانه يعطي من غير حساب


طبعا ها تعمل دعوة لولدك الصغير ناصر الملك علشان تكمل وعندك مصطفى ابني الى مخرب اربع كومبيوترات لغاية دلوقتي في الكتابة في المنتديات

طبعا منتديات سمير وميكي مش منتدى المطاريد

على فكرة انا كنت بدور عليك في المطاريد عندنا في الصعيد شرق اسيوط https://matareed.com/vb/

ولفيت عليك مغارة مغارة ومخبرتكشي واصل واتاريك يا ولد العم متكن في مطاريد سوهاج وانا مخابرشي

خلي بالك كل ولاد عمك جيين في الطريق حضر الجمل الى ها تدبحه

 

 

[toronto]

صباح الفل عليكم جميعا..انا صاحبكوا تورونتو بتاع المنتدي اياه اتمني ان تقبلوني عضوا .مع السلاموا عليكوا.

 

 

[hoppa]

اهلا بيك يا تورنتو شرفتنا
يا ترى اتأخرت ليه
و ليه غايب عن المحاورات<<<و انتى انطردت

 

 

[د. يحي الشاعر]

طيب ... مش فيه مطاريد في جميع أنحاء الوطن ...

مطاريد أسيوط ومطاريد القاهرة ومطاريد بورسعيد ومطاريد الأسكندرية ومطاريد الصحراء ومطاريد السويس ومطاريد المطاريد ومطاريد المطاريد من المطاريد

وزيادة علي كده كمان ، مطاريد العريش ومطاريد غزة ومطاريد سيناء ومطاريد "..." لأ بلاش دي بعدين .... الدنيا رمضان وبعدين تبقي مشكلة ومانشوفش العيد ...


هوه يعني "ال"طــرد" محتكر ... ؟؟؟؟

أؤمن ، بأن الفرق بين موقع وآخر ، هو "ما يقدمه" للقاريء ...

ولا أعتقد أن أخوتنا في أسيوط ... يعترضون علي ذلك ..
بالعكس ... إحنا بنرحب بهم عندنا ... وأعتقد أنهمك بيرحبوا بنا كمان عندهم ... يعني ..ز مطاريد في مطاريد يبقي "مطرودين" ... مش كده برضه الحساب والرياضة ..

1 + 1 = 3

دلوقت راح ندخل عندهم ونتفرج ما يعرضون علينا ... وفي النهاية ... سيختار القاريء ... أين ... يـــلـــجـــأ


د. يحي الشاعر

 

 

[Badroora]

تصوروا دادى ليلة البارحة وهو بيكلمنى بيقولى يا بنتى مش هترحمى نفسك بقي وترجعى تعيشي وسطنا وتتجوزى وتلحقى تخلفيلك حتة عيل بدل مانتى عاملة زى المطاريد كدا قولتله يا حج زى ايه دا انا المطاريد نفسهم يعنى بقيت اسم على مسمي ..وشكلنا انكتب علينا الجبل وسط الديابة وابويا مخبراش