أسـف عـلـى الإزعــاج .!!!

[Badroora]

الصحف المصرية والعربية

طبعا الفيلم بالنسبة للاخوة فى مصر قديم جدا , اما بالنسبة للى فى الخليج لسة طازة ودى الضريبة اللى بيدفعها كل مغترب انه اخر واحد يتفرج على الافلام الجديدة وعلى ما توصلة يكون الفيلم حمض وطلع غيره الف فيلم ..وبما انى لسه راجعة من السنيما فمحدش يتريق على الفيلم يقول يييييييييييه دا قديم اوى اصل ازعل واعيط
نرجع لموضوعنا ..


فيلم اسف على الازعاج ..
تدور أحداث الفيلم حول "حسن" مهندس الطيران الذى


يصمم مشروع لتخفيض الوقود بسلاح الطيران لكنه يتعرض لحالة انفصام فى الشخصية بعد وفاه والده الذى كان يتعلق به بشدة و يتعرض للكثير من المواقف السيئة مع زملائه فى العمل نتيجة لذلك الى ان يوقف عن العمل كما انه يتوهم ارتباطه بفتاة يراها دائما فى احدى الكافيهات التى يجلس بها و تساعده والدته فى الشفاء من مرضه عن طريق الحاقه باحدى المصحات النفسية و بذلك يستعيد توازنه و الرجوع لعمله و تحقيق المشروع الذى كان يحلم بتنفيذه , وبعدين قابل حبيبته واتجوزها وخلف بنت وولد , وعاشوا فى ثبات ونبات ..
دى قصة الفيلم باختصار ..
فاصل ونواصل تعليقى على الفيلم من حيث
اسم الفيلم
دور الابطال
قصة الفيلم
مرض الفصام
انتظرونى
يُتبع

 

[toota]

يييييييييييه دا قديم اوى

بس احب اسمع نقدك وتعليقك عليه ....وحرد عليكي بعدها

 

 

[shaden]

شفت اول 5 دقايق من الفيلم وماقدرتش اكمل لانه كان تصوير سينما
..

بس اللي اعرفهم وشافوا الفيلم كلام كل واحد مختلف تماما عن التاني
* في ناس تقول الفيلم اكتر من رائع واحمد حلمي دوره مختلف تماما عن ادواره التانية ..
** وناس تقول مش حلو خالص واصبنا بإحباط من الفيلم ،، وبردو دور احمد حلمي مختلف ..
..

ياريت لو حد يقدر يجيب الفيلم بس مش تصوير سينما يبقى كتر ألف خيره

 

 

[Farida]

انا شخصيا عجبنى الفيلم بس بعد النصف الأول منه لأن النصف الأول كان ممل جدا لكن الحق يقال عجبنى تمثيل أحمد حلمى و دلال عبد العزيز و محمود حميده ولو ان الفيلم ملطوش من كذا فيلم و اهمهم طبعا beautiful mind
اجمل و احلى و ارق ما فى الفيلم أغنية شيرين الرائعه المرايه


كلمات الأغنية :

اقتباس هتعمل ايه لو نمت يوم وصحيت بصيت وشفت نفسك فى المرايا بكيت جواك سؤال تصرخ تقول انا مين انا مين انا زى ما انا ولا اتقسمت اتنين وبعدين وبعدين قول ياللى فى المرايا فهمنى ايه الحكاية فرحان تعبان مرتاح لما حاجات كتير فى حياتنا اتسببت فى حيرتنا وادينا عايشين راضيين جايين ورايحين هتعمل ايه لو نمت يوم وصحيت ولقيت اقرب ماليك فى الدنيا مش حواليك هو انت مين اللى عملت ده فيه كده فيه مش انت ولا فى حد غمى عنيك وبعدين بعدين قول ياللى فى المرايا فهمنى ايه الحكاية فرحان تعبان مرتاح لما حاجات كتير فى حياتنا اتسببت فى حيرتنا وادينا عايشين راضيين جايين ورايحين

 

 

[Badroora]

تسلم ايديك يا دكتورة فريدة على الاغنية انا كنت لسه بادور عليها عشان اضيفها لقيت حضرتك سبقتينى .
كنت لسه باقول لصديقتى غريبة يعنى الفيلم كله اغانى اجنبية مافيش ولا اغنية عربية , وكانت اغنية شيرين مفجأة الصراحة جميلة جدا ومعبرة
تسلم ايديك

 

 

[Farida]

بس مش ظاهره للأسف

 

 

[Badroora]

اسم الفيلم ..اسف على الازعاج
اعتقد الاسم ينطبق فقط على الجزء اللى راح الرئاسة عشان يقابل الريس ..غير كدا لا اعتقد ان الاسم يدل على اى شيء فى الفيلم ..
-----------
اداء الممثلين
دلال عبد العزيز فى دور الام رائعة ..بس تخنت اوى وبقت بطه شكلها هتحل محل كريمة مختار فى دور الام بعد كدا ..
احمد حلمى..
الممثل الوحيد اللى من تقدم لتقدم ..مستوى اداءه مش بيقل ابدا ..غير باقى الممثلين اللى يبدأ قوى وبعد كدا يقرر نفسه كتير وادائهم يقل مش بيتقدم ..
كان لذيذ فى الفيلم ..اينعم قصة الفيلم لى عليها شوية تعليقات هاذكرها بعدين ان شاء الله لكن احمد حلمى كان رائع

سامبو بقي دا باموت فيه وهو بيلعب دومنيو وبيشبه على الورق والحتة اللى لما فاز فى اللعب وكمان لما حكى حتة قطر العمر وقطر الجواز وقطر الشغل دي قهرتنى اوي
منى كانت اوكي مش بطالة
محمود حميدة عجبتنى به علاقته كأب بانبه (صداقة) اينعم فجئونا انه ميت بعد كدا بس قبل ما يموت كان مش بطال .وغجبتنى اوى لما قاله اللى عجبنى فى مامتك انها كانت تحب الورد اكثر شيء ..ولما قاله عشان كدا حبيتها قال له لاء عشان بتوفر
اصدقاء احمد حلمى فى الشغل الواد التنح والتانى يعنى ادوارهم كانت ظريفة
--------
فى البداية اعتقدت ان الفيلم هيتكلم عن السياسية او الحكومة ولكن بعد كدا اتضحت الرؤية انه بيتكلم عن مرض الفصام ..
الؤلف والمخرج ..عرضوا مرض الفصام الى حد ما بشكل مركب يعنى مندا على ادي بمعنى
اعراض مر ض الفصام كانت صحيحه والتى تشكلت فى الاتى
- هلاوس سمعيه وبصرية وحسية وكانت فى صورة ( علاقته بالاب والحبيبة)
- هذيان الاضطهاد ( الشتايم اللى كان بيسمعها)
- هذيان الخيانة ( ودى مكنتش ملحوظة اوى الا لو شخص قارى كويس عن مرض الفصام واللى ظهرت فى الفرح وقالها صراحة الخيانة لانه لو مكنش قالها مكنتش هتتفهم انها ضمن اعراض المرض )
- العزلة عن المجتمع والناس والاصدقاء دى من اعراض مرض الفصام .
التناقض
مريض الفصام لا يستطيع ان يعمل فى مجال حساس كهندسة الطيران كما صورها لنا المؤلف او حتى يكون لدية القدرة على الابداع والاختراع ..دى كانت مبالغ فيها جدا ..
نبذة عن مرض الفصام
يتبع

 

 

[Badroora]

اقتباس المشاركة الأصلية كتبت بواسطة Farida بس مش ظاهره للأسف

انت عاوزاها كليب ؟ انا سمعتها ..طيب هادخل اعديلهالك لو هى فيديو

 

 

[Badroora]

اقتباس التعريف الفصام فى حقيقته ليس مرضاً واحداً وانما هو مجموعة من الإضطرابات تتسم بإضطراب التفكير والوجدان والادراك والسلوك والأرادة.. مع وجود اعراض كتاتونية (تخشب العضلات) فى بعض الحالات. <LI dir=rtl> والفصام هو أحد الامراض الذهانية (العقلية) التى يقع فيها المريض ضحية اعتقادات وافكار خاطئة ثابته يؤمن المريض بها ايماناً قوياً ويستحيل اقناعه بعدم صحتها اثناء المرحلة الحادة من المرض.. وتسمى هذه الأفكار الخاطئة بالضلالات او الهذاءات.. وتشمل ضلالات الاضطهاد والعظمة والاشارة وخلافه. (كأن يعتقد أنه زعيم أو مخترع أو انه مراقب ومضطهد من جهة أو أشخاص ما)، وكثيراً ما يعانى من هلاوس صوتية (ادراك أصوات غير موجوده فى الواقع)، وهذه الاصوات قد تتحدث عنه أو تعقب على تصرفاته أو تسبه وتلعنه.. أو تأمره بالقيام بافعال معينة كأن يضرب أو يقتل. وهناك انواع اخرى من الهلاوس مثل الهلاوس البصرية أو الشميه أو اللمسيه .. الخ ولكنها اقل حدوثاً. والضلالات والهلاوس لاتوجد بصفة مستمرة وبنفس الشدة طوال فترة المرض وانما تنشط وتضعف.. تثور وتهدأ .. وهى تميز المرحلة النشطة من المرض. اما بداية المرض فتبدأ بالمرحلة التمهيدية أو المنذرة وفيها ينسحب المريض من المجتمع ويغلق باب حجرته على نفسه كثيراً.. ويتدهور مستوى الأداء الاجتماعى ومهاراته الاجتماعية والذهنية.. ويقل عدد اصدقائه ومشاركاته فى المناسبات الاجتماعية.. ويتناقص ادائه الذهنى والوظيفى فيجد صعوبة فى استذكار دروسه أو اداء عمله.. ونظراً لضعف الأرادة والنشاط يفشل الطالب فى دراسته أو الموظف فى عمله.. ويبدأ فى إهمال نفسه ومظهره، تبدأ بعد ذلك اعراض المرحلة النشطة فى الظهور (الضلالات والهلاوس) .. وعندها يثور المريض لاعتقاده بانه مضطهد وان المؤامرات تحاك ضده وايضا لوقوعه تحت التوتر والخوف الشديد نتيجة الأصوات التى تخاطبه وتدفعه لارتكاب سلوكيات غير منطقية. وبعد هدوء المرحلة النشطة والتى تختلف فترة نشاطها من مريض لآخر وقد تستمر فى بعض المرضى سنوات طويلة يهدأ الحال وتظهر المرحلة المتبقية والتى تتميز بوجود بقايا الضلالات والهلاوس ولكن بصورة ضعيفة، مع وجود تدهور فى ادائه ومهاراته الاجتماعية والذهنية والوظيفية وجمود أوبرود فى العاطفة والوجدان. ويظهر الفصام فى مرحلة المراهقة والشباب.. وهو يختلف تماماً عن مرض تعدد الشخصية الذى يقوم المريض خلاله بالظهور فى شخصيات مختلفة.. ونرى تعدد الشخصية فى كثير من الروايات والأفلام وأحيانا يحدث خلط فى هذه الاعمال الفنية بين هذا المرض والفصام. والفصام مرض مزمن.. يحتاج إلى علاج متكامل الجوانب حتى يتم اصلاح وتعديل الجوانب المتعددة التى تنهار اثناء المرض. فيجب التعامل مع الضلالات والهلاوس واضطراب الانفعال والوجدان وتدهور المهارات والقدرات الاجتماعية والذهنية.. ولو عالجنا كل هذه الجوانب وتركنا المريض خاملاً عاطلاً بدون عمل فأننا نحكم عليه بسرعة الانتكاس وعودة المرض مرة أخرى لذلك لابد ان يشرف الطبيب المعالج على برنامج للتأهيل والتدريب والعلاج بالعمل الذى يناسب المريض ونوع الفصام المصاب به، والمرحلة التى يمر بها، مع مراعاة العلاج الدوائى والنفسى الذى يخضع له. التشخيص اعراض المرحلة النشطة لمدة شهر على الاقل، إلا إذا كانت قد عولجت بنجاح، ويتطلب التشخيص وجود عرضين على الأقل من الاعراض التالية: أ - ضلالات. ب - هلاوس. جـ - كلام مفكك غير مترابط. د - تفكك أو عدم انتظام السلوك أو ظهور أعراض اضطراب وتخشب الحركة (الاعراض الكتاتونية). هـ - اعراض سلبية تشمل تناقص أو تدهور عدة جوانب أو وظائف.. مثل تبلد أو تناقص الوجدان، ضعف الأرادة، تناقص النشاط والكلام والحركة. تراجع ونقص الاداء الاجتماعى والوظيفى وضعف العلاقات الاجتماعية والانجاز فى مجال الدراسة والعمل، كذلك نقص اهتمام الفرد وعنايته بمظهره. ان لاتكون هذه الاعراض بسبب مرض آخر كالهوس أو الاكتئاب أو بسبب مرض عضوى أو تناول ادوية تؤثر على الجهاز العصبى. يشترط لكى يتم تشخيص الحالة فصام ان تستمر هذه الاعراض مدة ستة شهور على الأقل. ولكى يكتمل تشخيص الفصام لابد أن نحدد نوعه لان الاعراض ومصير المرضى ونوع العلاج يختلف تبعا لنوع الفصام.

المصدر

 

 

[Badroora]

جبتهالك فيديو اهيه يا دكتورة فريدة الاغنية بتاعتك حاولت معاها ومجبتش صورة