حد هنا عنده هواية؟

[Sonesta]

الصحف المصرية والعربية

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة حلم الأخوة والأخوات المطاريد إيه هواياتكم؟ بتقضوا وقت فراغكم فى إيه؟ خلاف الانترنت والقراءة طبعا أنا شخصيا عندى هواية عادية وهواية عبيطة العادية انى بحب تصوير الطبيعة جدا العبيطة انى لما اروح مكان لازم اخد منه شوية رمل صغيرين او تراب واحطهم فى ازازه واكتب اسم المكان وتاريخ سفرى له عندي كمان كام هواية بس بلاش اقولهم وانتم بأه؟ هواياتكم إيه؟ وياترى نقدر مع بعض كلنا ننمى الهوايات دي إزاي؟ مش يمكن يكون حد عنده خبرة فى حاجة معينة يفيدنا بيها؟ منتظر إجاباتكم

أحمد باشا

موضوعك سيمبل

كنت عامله واحد زيه بس ماحدش عبرنى

اللى معلماه بالأحمر ده

هواية جميلة جدا ومش عبيطة

وواضح جدا من إبتكارك للهواية ديه

إنك ذكى جدا

فعلا أحييك

 

 

[Sonesta]

دعوه لموضوعي

ليالى المطاريد.,,,هل تعلم

سورى

نسيت أقولك على هواياتى

قراءة كل مايتعلق بالفلسفة وعلم النفس

الرسم

 

 

[biopasha]

الهوايات ايام الطفولة :
- تلخيص القصص للدخول في مسابقات مختلفة ..
- تأليف الشعر البسيط جدا وألقاءه
- الشغف بطريقة كتابة ونطق اللغات المختلفة .
- البحث في الخريطة ( كانت لعبة حلوة ايام الطفولة كنت اطلب من حد يدور علي مكان او نهر او اي تضاريس في الخريطة وبعدين يسألني مكانها فين ؟؟؟ وشرط اللعبة لازم في خمس قايق اجيب المكان ثم التبديل وهكذا ...)
- تجميع الاعلام والعواصم
- مشاهدة (مازنجر ) يوميا (لازم )
الهوايات الان :
لايوجد وقت في حياة الشباب في دول العالم الثالث لممارسة هواياتهم بشكل مفيد وطبيعي .. ( ولاحتي الشباب العاطلين عن العمل لانهم محبطين ومصدومين من عدم تقدير او استغلال المجتمع لقدراتهم ولذا تجدهم ينتقمون من كل شئ حتي انفسهم بالتدخين او الجلوس في المقاهي ... الخلاصة ... ليس لهم هواية ايضا ).
اقدر اقول الهوايات الان بالنسبة لي ... (لو سمح لي الوقت) هي القراءة والنت ..

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة biopasha الهوايات ايام الطفولة : - تلخيص القصص للدخول في مسابقات مختلفة .. - تأليف الشعر البسيط جدا وألقاءه - الشغف بطريقة كتابة ونطق اللغات المختلفة . - البحث في الخريطة ( كانت لعبة حلوة ايام الطفولة كنت اطلب من حد يدور علي مكان او نهر او اي تضاريس في الخريطة وبعدين يسألني مكانها فين ؟؟؟ وشرط اللعبة لازم في خمس قايق اجيب المكان ثم التبديل وهكذا ...) - تجميع الاعلام والعواصم - مشاهدة (مازنجر ) يوميا (لازم ) الهوايات الان : لايوجد وقت في حياة الشباب في دول العالم الثالث لممارسة هواياتهم بشكل مفيد وطبيعي .. ( ولاحتي الشباب العاطلين عن العمل لانهم محبطين ومصدومين من عدم تقدير او استغلال المجتمع لقدراتهم ولذا تجدهم ينتقمون من كل شئ حتي انفسهم بالتدخين او الجلوس في المقاهي ... الخلاصة ... ليس لهم هواية ايضا ). اقدر اقول الهوايات الان بالنسبة لي ... (لو سمح لي الوقت) هي القراءة والنت ..

أوبجيكشن على الملون أحمر

أومال الدومينو والطاولة والشطرنج والكوتشينة بيتلعبوا فين .. ماهي على القهاوي .. وعلى المشاريب كمان

آه صحيح .. نسيت أقول اني كنت هاوي البلياردو والبينج بونج

 

 

[مصرية]

حلو الموضوع يا حلم
أنا غير القراءة والنت بحب البحث والتحليل يعني لو وقعت في إيدي معلومة أو خبر مهداش إلا لما أجيب جذورها التاريخية وألف وراها في كل حتة لغاية لما أفهم الموضوع وصل للمعلومة أو الخبر اللي بين إيديا إزاي.

بحب السفر أوي في أي حتة وفي أي وقت معنديش مانع كله معرفه وخبرة وبيصقل الشخصية وبيخلينا نتعرف على عادات وثقافات مختلفة ممكن منها حاجة تلائم شخصية الإنسان.

وبحب الأغاني المهم فيها تكون كلها حلوة يعني صوت ولحن وكلمات مش مشكلة جديد ولا قديم المهم التلاتة يعجبوني وطبعا لكل مقام مقال.

بحب التليفزيون والمسلسلات والأفلام.

بحب السواقة بس يكون الشارع هادي وأشغل أغنية لأم كلثوم أو عبد الحليم بس ده بيحصل قليل أوي.

 

 

[ana_3enady]

دعوه لموضوعي

RobertInole

يا حلــــــــــــــــــــــــــــــــــــــم

ابقى انزل بمسابقة الشطرنج

 

 

[مهندسة ريهام]

بسم الله الرحمن الرحيم

زمان كانت هوايتي طبعا تجميع الطوابع و العملات ...أعتقد مافيش طفل او طفلة مش عمل كده

حالياً بقى انا هواياتي:

- الطهي بحب اجرب اكلات البلاد المختفة
- الأشغال : كروشيه- سيرما- كانافا (طبعاً مش الكنافة اللي بتتاكل يا ريت تحطوا 3 نقط على الـ ف)
- الأعمال الفنية اليدوية
- سماع الموسيقى- أغاني ام كلثوم

عندي هوايا غريبة تبع هوايات حلم العجيبة
بحب اوي اجمع كل العلب بس طبعا اللي اشكالها حلوة حقيقي مش بعرف اقاوم شراءها
مينن ما اروح اي مكان لازم اشتري علب.. خشب مشغول- فضة- معدن-كريستال- بلاستيك شيك اي شئ

بس كده

في رعاية الله ،،،

 

 

[حشيش]

اقتباس المشاركة الأصلية كتبت بواسطة حلم الأخوة والأخوات المطاريد إيه هواياتكم؟ بتقضوا وقت فراغكم فى إيه؟ خلاف الانترنت والقراءة طبعا منتظر إجاباتكم

أهوى جمع العملات وتبادل صور الأشعة والتزحلق على الطين

 

 

[حشيش]

اقتباس المشاركة الأصلية كتبت بواسطة مهندسة ريهام بسم الله الرحمن الرحيم بحب اوي اجمع كل العلب بس طبعا اللي اشكالها حلوة حقيقي مش بعرف اقاوم شراءها مينن ما اروح اي مكان لازم اشتري علب.. خشب مشغول- فضة- معدن-كريستال- بلاستيك شيك اي شئ بس كده في رعاية الله ،،،

بس مع مرور الوقت يا ريهام العلب حتكتر وحتحتاج مساحة كبيرة لتخزينها ... يعنى ممكن تملى دولابين تلاتة بعكس الطوابع والعملات

 

 

[همستى]

موضوعك جميل يا أستاذ حلم

ودى لحضرتك , منور المنتدى

أما بقى عن هواياتى

لازم أبدأ بالقراءة ,لانها أعز هواية على قلبى

أحيانا بكتب شعر وخواطرى , بس طبعا محدش بيشوفهم غيرى

بحب الخياطة جدا , والكورشيه , والتريكو جدا

بحب مووووووت ألعب مع الأطفال رغم رخامتهم فى بعض الأحيان , علشان كدة دايما بحس انى مش هكبر ولا هعقل أبدا

بحب الكوتشينة والشطرنج جدا , بس مش محترفة فيهم , على قدى يعنى

مباريات كرة القدم والبرامج الرياضية عندى من أولياتى كل يوم بعد الشغل والدراسة , بس للأسف مش بيبقى فى اليوم كتير علشان أستمتع بيهم , وأحيانا بلعب كورة .

بحب جدا أسمع موسيقى وأغانى , وخاصة الحزين والرومانسى منها, فى أى وقت مهما كانت حالتى