حد هنا عنده هواية؟

[toota]

الصحف المصرية والعربية

تربية القطط....هواية وحب واحتراف كمان.....ومؤخرا بقت هواية تصويرهم ......احلى هواية .....

 

 

[valantino348]

أنا جييييت ... نورت البييييت
هواياتي الطفولية حسب أهميتها
1- تجميع الطوابع (محافظ على عدد كبير جدا لا بأس بيه)
2- تجميع العملات (مش لاقي منهم ولا واحدة .. مش عارف راحوا فين؟؟)
3- اللعب بالسيارات الصغيرة (كنت بشتري بمصروفي كله عربيات)
4- لعب بنك الحظ (أهم لعبة)
5- لعب السلم والثعبان
6- لعب الليدو
7- لعب الكوتشينة
8- لعب الضومنة
9- لعب الشطرنج
هواياتي وأنا كبير حسب أهميتها
1- قيادة السيارات
2- سماع الأغاني الهادية والعاطفية
3- الرسم بألوان الماء
4- السفر
5- الخروج والفسحة مع الأصدقاء المقربين
6- النت

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة valantino348 3- الرسم بألوان الماء

خيااااااااااااااااااااانة

 

 

[مصرية]

اقتباس المشاركة الأصلية كتبت بواسطة مهندسة ريهام عندي هوايا غريبة تبع هوايات حلم العجيبة بحب اوي اجمع كل العلب بس طبعا اللي اشكالها حلوة حقيقي مش بعرف اقاوم شراءها مينن ما اروح اي مكان لازم اشتري علب.. خشب مشغول- فضة- معدن-كريستال- بلاستيك شيك اي شئ بس كده في رعاية الله ،،،

فكرتيني بهواية كنت ناسياها بس محدش يضحك عليا
بحب الأحذية جدا واطي وعالي بوت وعادي كاوتش وجلد وكل ما كان لونها غريب كل ما جذبتني أكتر.
بحب الشنط كمان بس تيجي في المرتبة التانية.

 

 

[ana_3enady]

دعوه لموضوعي

RobertInole

كنت هاوي لم الشعاب المرجانية والصدف والقواقع والنجوم .. من على الشط

 

 

[valantino348]

اقتباس المشاركة الأصلية كتبت بواسطة ana_3enady خيااااااااااااااااااااانة

ليه بس يا عندي بيه ؟؟؟؟

 

 

[حلم]

اقتباس المشاركة الأصلية كتبت بواسطة سهل جدا القراءة التأليف الشطرنج ونفسي أخلص من هواية الشطرنج ديه ... أحسن دماغي قربت تفوّت من كثرة اللعب على النت

ليه يا عمنا تتخلص من الشطرنج؟
احنا بجد لو ينفع ممكن نعمل دورى شطرنج هنا على المطاريد..
أفوق بس من ضغط الشغل اللى عندي, وإن شاء الله بعدها نبدأ علطول

 

 

[حلم]

أيوه يا نانا ممكن نعمل إن شاء الله دورى شطرنج
نجمع بس مطاريد, ونحفر لهم مغارة ونحطهم كلهم فيها
وبعد كده.....


ونجيبك تتفرجى إن شاء الله

اقتباس المشاركة الأصلية كتبت بواسطة نانا يا مامي ايه دي دي صورة مرعبة أوي يا حلم بس بصراحة حضرتك أثبت براعتك في إلتقاط النظرة المرعبة اللي في عيون القطة بجد مرعبة اوي بس ليا سؤال هي القطة مالها كانت شرسة كدة ليه انا حاسة انها تقريبا كانت بتهجم على حضرتك في أثناء إلتقاطك للصورة

لا خالص ماكنتش شرسة زي ما يبان ليكي فى الصورة
انا كنت ماشى فى الشارع عادى جدا ولقيتها طلعت لى من شباك ونونوت
بصيت لها لقيتها أخدت الوقفة دي...مجرد ما صورتها لقيتها نونوت تانى ودخلت البيت

 

 

[toota]

اقتباس المشاركة الأصلية كتبت بواسطة حلم أيوه يا نانا ممكن نعمل إن شاء الله دورى شطرنج نجمع بس مطاريد, ونحفر لهم مغارة ونحطهم كلهم فيها وبعد كده..... ونجيبك تتفرجى إن شاء الله لا خالص ماكنتش شرسة زي ما يبان ليكي فى الصورة انا كنت ماشى فى الشارع عادى جدا ولقيتها طلعت لى من شباك ونونوت بصيت لها لقيتها أخدت الوقفة دي...مجرد ما صورتها لقيتها نونوت تانى ودخلت البيت

نظرة عين القطة الي انت لقطتها دي فضول مش شراسة... بس نانا مش تخصص قطط عشان كده قرت النظرة غلط...خصوصا انك لونت العين

 

 

[فوزية البرجوازية]

السلام عليكم ورحمة الله وبركاته
ليا هوايات مختلفة ومتباينة جدا
مبدئيا باحب القراءة جدا وتعتبر الشئ الوحيد اللي ممكن يخليني اهدا لما اكون مضايقة
ومؤخرا - من حوالي خمس سنين - ابتديت اكتب كتابة حرة في المنتدى اللي كنت عضوة فيه

وفي نفس الوقت باحب الطبيخ جدا
ركوب العجل بقى شئ ممتع وباحس اني طايرة في الهوا

صيد السمك كمان له مكان خاصة انه مريح للاعصاب

وتربية القطط كمان في الخطة - عندي اربع قطط
توت 4 سنوات
توتة 2ونص
لوزة وبندق 7 اسابيع تقريباا

اما الهواية الغريبة والمستحوذة عليا تماما اني اجمع تذكارات من اي مدينة اروحها
ومش اي تذكار
لازم التذكار يكون الحاجات المغناطيسية اللي بتتحط على التلاجة
عندي عدد لا بأس به وعلى فكرة انا كنت صورتهم وحاحاول انزل الصور واحكيلكم على كل واحدة فيهم بالتفصيل
تصبحوا على خير دلوقت