اي كلام...

[امانى]

الصحف المصرية والعربية

المشاركة الأصلية كتبت بواسطة toota
مش بقتنع بكدة....طالما الانسان ربنا شايفه في كل وقت...يبقى يبطل الحاجات دي في رمضان وغير رمضان

عندك حق يا توتا فى كل كلمة قولتيها اللى عايز يمشى بما امر الله سبحانه وتعالى وتعاليم دينا الحنيف

يبقى يمشى عليه فى كل وقت مش فى رمضان بس ربنا شايفنا فى كل الشهور

كل سنة وانت طيبة وجميع الاعضاء والعضوات بخير وربنا يبارك لنا فى شعبان ويبلغنا رمضان

 

 

[فــيــروز]

انتهت من دقائق حلقة برنامج "حبّه عسيلى" الذى يذاع على قناة "أو تى فى" و يعاد مساء اليوم الساعه 9

الحلقه مسجّله من "جولف بورتو مارينا" .. طبعا أنا لا رحت "مارينا" ولا "بورتو مارينا" و لا طبعا "جولف بورتو مارينا" أنا عرفت من صور الإعلانات التى تملأ الجرائد كل يوم عن المكان ..

لفت نظرى خلال متابعة الحلقه ما استشعرته نوعا من الغباء فى الردود عن سؤال الحلقه حول مفهوم الحريّه .. طبعا نحن جميعا ضد التنميط و الاصطمبات الفكريه من قبيل أن الشقراوات غبيّات أو أن الفقراء حاقدون وما إلى ذلك من اسطوانات لا سبيل لإثبات صحّتها .. لكن فعلا الإجابات كانت غريبه و أدعوكم لمشاهدة الحلقه و الحكم بأنفسكم لدرجة أن مقدّم الحلقه بدا على وجهه قدر من الزهق و الامتعاض لغرابة الإجابات ..

كان لافت أيضا للنظر إعراض الكثيرين من مرتادى المكان عن الحديث عن الحريه السياسيه !! و اقتصار الحديث عن حريّة اللبس و ركن السيّاره فى الشارع أو العوده المتأخره للمنزل أو ممارسة الرياضه فى الشارع دون مضايقات !! لحد جعل مقدّم الحلقه يدعو البعض للحديث عن الحريّه بشكل أعمق و أشمل من هذه الأمور !!

مفهوم أن يعرض البعض ممّن ليس لهم "ضهر" أو حيثيه عن الكلام فى السياسه لكن لماذا يمتنع هؤلاء عن الحديث عنها و عن حقيقة القدر الممارس منها فى "مصر" !! الحقيقه الحلقه كانت دالّه جدا وقد يكون من المفيد -وليس الممتع- مشاهدتها فهى لم تكن ممتعه أبدا

 

 

[النجم الثاقب]

و انا بدعبس فى نفس الموضوع فى الواحة عجبتنى قوى المداخلتين دول

مداخلة للفاضل blue mind

اقتباس بيوصلوا الواحد لمرحلة انه مايشتغلش انه مايعملش اي حاجة انه ميبقاش ملهوف على عمل حاجة حلوة انه ميعتبرش نفسه جزء من المكان ان نجاح اي حد من زملائه نجاح ليه انه لما يجي مايبقاش بيفكر في اي حاجة غير تامين نفسه بدل ما يستخدم مجهوده وتفكيره في ازاي يخلص الشغل بسرعة وجودة ان وان وان......الخ فاكرين ان الادارة هي الغباء في التعامل والملاوعة في الحقوق المادية والمعنوية الخلاصة بيلغوا جزئية تحقيق الذات واي دافع ليها عند الانسان الواحد وصل لمرحلة يحرق يقطع يولع انا افضل قاعد على مكتبي على الاقل لما حد يبقى يقول حاجة ممكن اقوم اتلحلح... في الحالة دي لو سمعت كلمتين دمي مش هيتحرق ونفسي مش هتصعب عليا ...لاني فعلا من جوايا حاسس اني مقصر

و مداخلة للفاضلة فيروز

اقتباس السندوتش ده جديد ولاّ من بتوع امبارح اللى ماكلتهمش ؟!! دار هذا السؤال فى ذهنى وانا على وشك تناول احد السندوتشات .. وفوجئت بى اقلب السندوتش ببساطه على ظهره لابحث عن خانة Created التى توجد مع اى ملف لتوضيح تاريخ انشائه قبل ان انتبه الى ان هذا سندوتش !!

تاريخ المداخلتين يرجع لعام 2006

 

 

[فــيــروز]

اقتباس المشاركة الأصلية كتبت بواسطة النجم الثاقب و انا بدعبس فى نفس الموضوع فى الواحة عجبتنى قوى المداخلتين دول مداخلة للفاضل blue mind و مداخلة للفاضلة فيروز تاريخ المداخلتين يرجع لعام 2006

يااااااااااااااه ..
أيوه أنا فاكره المداخله دى 122 و وقتها اعتبرتها دليل على تأثير مجال العمل على طريقة رؤية الواحد للأشياء .. دلوقت مثلا كل ما أفكّر فى فكره أو معلومه قرأتها فى مكان ما و أبقى مش فاكره قريتها فين أبقى باتمنّى يكون فى المستقبل إمكانية عمل بحث فى مخ الإنسان بطريقة find اللىّ موجوده فى قائمة ال edit للبحث فى الأحجام الصغيره من المعلومات و محرّك بحث للبحث فى الأحجام الأكبر .. و مين عارف مش يمكن فعلا يخترعوا جهاز بهذا الشكل ..

يعنى و انت بتقرا مثلا تركّب الجهاز ده على دماغك فيسجّل كل ما يدخل مخّك مع تبويب لما تقرؤه تحت عنوان الكتاب و بعض المعلومات عنه و بعد كده يبقى الشريط ده هو مادة البحث التى يستخدمها محرّك البحث حين تنسى أين قرأت ما قرأت !! والله مش بعيده

 

 

[النجم الثاقب]

اقتباس المشاركة الأصلية كتبت بواسطة فــيــروز يااااااااااااااه .. أيوه أنا فاكره المداخله دى 122 و وقتها اعتبرتها دليل على تأثير مجال العمل على طريقة رؤية الواحد للأشياء .. دلوقت مثلا كل ما أفكّر فى فكره أو معلومه قرأتها فى مكان ما و أبقى مش فاكره قريتها فين أبقى باتمنّى يكون فى المستقبل إمكانية عمل بحث فى مخ الإنسان بطريقة find اللىّ موجوده فى قائمة ال edit للبحث فى الأحجام الصغيره من المعلومات و محرّك بحث للبحث فى الأحجام الأكبر .. و مين عارف مش يمكن فعلا يخترعوا جهاز بهذا الشكل .. يعنى و انت بتقرا مثلا تركّب الجهاز ده على دماغك فيسجّل كل ما يدخل مخّك مع تبويب لما تقرؤه تحت عنوان الكتاب و بعض المعلومات عنه و بعد كده يبقى الشريط ده هو مادة البحث التى يستخدمها محرّك البحث حين تنسى أين قرأت ما قرأت !! والله مش بعيده

ياسلام لو العملية تبقى بالبساطة دى .. مكنش حد غُلب122

 

 

[فــيــروز]

أوّل مرّه النهارده ألاحظ أن الفرق بين "العشم" و "الغشم" هو مجرّد . نقطه !!

 

 

[حشيش]

اقتباس المشاركة الأصلية كتبت بواسطة فــيــروز أوّل مرّه النهارده ألاحظ أن الفرق بين "العشم" و "الغشم" هو مجرّد . نقطه !!

فيروس

مداخلتك دى أوحت لى بفكرة موضوع هايل ... حنسب الفضل فيه لنفسى ... ودلوقتى مع السلامة

 

 

[sanaa]

الناس في مصر مهتمه اوي بنوع الموبيل...وياريت علي قد كده ده الشياكه دلوقتي بتقاس بنوع الموبيل اللي في ايدك

 

 

[حشيش]

اقتباس المشاركة الأصلية كتبت بواسطة sanaa الناس في مصر مهتمه اوي بنوع الموبيل...وياريت علي قد كده ده الشياكه دلوقتي بتقاس بنوع الموبيل اللي في ايدك

سناء باشا

سعيد جداً برؤية إسمك ... حتستغربى لو قلت لك إن بواب العمارة بتاعتنا فى مصر موبايله فيه بلو توث وكاميرا

 

 

[ابتسامــة]

هكذا وجد نفسه فجاة
تحيطه أقنعه...
ليست كلها أقنعة جيدة ..ولا حتي أقنعة سيئة
هي فقط مجردأ قنعة تخفيه عن الآخرين ..أو ربما تخفيه حتي عن نفسه

هي فقط ...اقنعة
وهو فقط ..ليس هو