هنكرة اكاونت نواره نجم على تويتر

[KANE]

الصحف المصرية والعربية

تم اليوم صباحاً عمل هاكينج Hacking على أكونت التويتر بتاع نواره نجم



الطف حاجة انها كتبت التعليق ده قبل الهنكرة

اقتباس اي حد معايا على السكايب يجيله شتيمة يعرف انها مش انا.. الواد بتاع محمد حسان هيك على الاكاونت من الميل اللي سرقه ده ههههه

ده على اساس انها مش بتشتم ومؤدبة يعني


البنت دي بالرغم من إن قلبها ابيض وهطلة -بحسب وصف ابوها مش من عندي والله- إلا ان للأسف لسانها فالت اوي أوي أوي


ملحوظة

هنكرة هي لفظة من ابتكارات عوكاشة وزباييدر والأخ ابو النجا

 

[حسام]

لسانها طويل يا دكتور
آه
بس والله فى الحق
أحيانا عاطفية لكن لما بتعرف طريق الحق بتعترف بغلطها
راجع مواقفها من السنكري بعد الثورة فى أكثر من مرحلة

 

 

[sanaa]

انا من الناس اللي بتحب نواره نجم جدا وبحب اقراء لها وعارفه انها بنت جدعه

ولكن برغم هذا ارفض اسلوبها في الكلام ماينفعش الستات تتكلم بالطريقه دي حتي لو كانت حسنة النيه وانا اعتقد انها من النوع اللي في قلبها علي لسانها

نفسي حد قريب ليها يقولها تغير اسلوبها

 

 

[KANE]

اقتباس المشاركة الأصلية كتبت بواسطة حسام لسانها طويل يا دكتور آه بس والله فى الحق أحيانا عاطفية لكن لما بتعرف طريق الحق بتعترف بغلطها راجع مواقفها من السنكري بعد الثورة فى أكثر من مرحلة

مش ديما د/ حسام

يعني آخر حاجة مثلاً انها شتمت الشيخ محمد حسان بدون وجه حق -انه طلعت اشتعة انه هيصلي الجمعة في العباسية

وما اعتذرتش لما تيبن إنها على خطأ وقالت الشتيمة متحوشة لحسان



على فكرة انا مش من محبي ولا مستمعي الشيخ حسان الا نادر وبصدفة البحتى يعني حد مشغله وانا قاعد معاه

 

 

[sanaa]

اقتباس المشاركة الأصلية كتبت بواسطة KANE مش ديما د/ حسام يعني آخر حاجة مثلاً انها شتمت الشيخ محمد حسان بدون وجه حق -انه طلعت اشتعة انه هيصلي الجمعة في العباسية وما اعتذرتش لما تيبن إنها على خطأ وقالت الشتيمة متحوشة لحسان على فكرة انا مش من محبي ولا مستمعي الشيخ حسان الا نادر وبصدفة البحتى يعني حد مشغله وانا قاعد معاه

لا اعتذرت عن انها شتمته علي موضوع العباسيه
انا قرأت الاعتذار علي تويتر
بس تقريبا فيه مواضيع كتيره بينها وبين الشيخ حسان

 

 

[KANE]

اقتباس المشاركة الأصلية كتبت بواسطة sanaa لا اعتذرت عن انها شتمته علي موضوع العباسيه انا قرأت الاعتذار علي تويتر بس تقريبا فيه مواضيع كتيره بينها وبين الشيخ حسان

على حد علمي ده ما يعتبرش اعتذار



https://www.alwafd.org/%D8%AF%D9%86%D...B3%D8%A7%D9%86

 

 

[شينكاوي]

بني ادمة سافلة واقل ما يقال عنها انها اهانة لحياء المرأة والبنت المصرية , مهما وصلت صفاقة وسفالة اي انثي لكن في حدود والهبلة بنت الحشاش ( كلام ابوها) معندهاش حدود ومخها فاضي واعتقد ان ملايين البنات المصريات افضل منها ثقافة وعلماً وادباً ، الاكونت بتاعها تهكر عليه مرتين مع ان تصرف مش قانوني لكن البنت دي فعلاً لازم حد يقولها عيب انتي انثي انتقي الفاظك

 

 

[سيد جابر]

رغم تحفظى ( بعض الشيئ )على اسلوبها الا انى بحبها جدا .
لسبب ملوش علاقه بيها شخصيا .
السبب انها بنت عمنا الفاجومى الكبير .
ايوه بحب نجم بعبط ( حريه شخصيه انى اختار إحدى نقاط ضعفى )

نوارة بنتي النهارده تبقي
بتخطي عتبه
ليوم جديد
يارب خلى
يارب حافظ
يارب بارك
يارب زيد
يارب كبر
نوارة تكبر
وتبقي أكبر
فى كل عيد
لا كل جمعه
لا كل يوم
لا كل ساعه
لا كل لحظه
تنول وتخطي
وتزيد نباهه
وتزيد ملاحظه
وتخطى مصر السعيده بيهم
ويبقوا ليها
وتبقي ليهم
غيطانها جنه
وترابها حنه
والنسمه خمره
ف قزازه حمرا
والنيل نجاشي
ما فيش ما جاشي
تمللى بيجي
أخضر مليجي
دايما يوفي
دايما يكفي
كل الخلايق
يصبح صباحه
فلاحه يمشي
على شطه عايق
والدنيا صافيه
والجو رايق
ما فيش معاكسه
مافيش مضايق
ما فيش عساكر وقهر تاني
كل الاماني بقت حقائق
يارب وفق
يارب وأفق
يارب ريد
واكتب عليهم
فى كل لحظه
فرح وعيد
بسكوته بابا
حاضر يا ماما
وتقوم تدوسني
عشان تبوسني
وتنام فى حضني
وتقوم ف حضنى
وتعمل العمله
وتملا حضني
الله يجازي البعيد شيطانك
حماره كلبه
مش عيب يا ماما
كده البيحاما
مش بابا قايل
وماما قالت
من طول ما حطت
وطول ما شالت
ساعه ما تبقي الحكايه
كخه
يقولوا إا ح
قوام يا ماما ؟
بسكوته بابا
بسكوت في عينك
ما فيش معامله
بيني وما بينك
ياللا امشي قومي
حماره كلبه
باظت هدومي
ماتقومش طبعا
ولا أي حاجه
وكانه مثلا
ما حصلش حاجه
تقعد تكلضم
وتلوي بوزها
وتتجاهلني
كاني جوزها
خاصماك يا بابا
ماتكلمنيش
طظ ف عظمتك
ما يهمينش
ديتها بوسه
أو تهشيكاته
أو بسكوتايه
أو بمبونايه
حتسوقي شغل النداله طبعا
وتروحي جارّة الكلام معايا
وبوسه بابا
أديكي بوسه
سكر يا بابا
تديني بوسه
كده اصطلحنا خلاص يا بابتي ؟
كده اصطلحنا يا نوارايه
مش دي الحكايه
ولا انتي يعني
لا
يعني أيه ما تخرفيش
دي تبقي يعني
الحكايه يعنى
ملعون أبوكي
ما تاخذينيش
لو كان فى قصدك
أو ربع قصدك
أو كنتي حتي
ما تقصديش
ان انتي يعني
خاصماك يا بابا
ح تخصمني
أطلع ما فيش
أبوكي أيوه
ما كانش حاجه
لكنه حاول يعيش لحاجه
وجيل أبوكي
كان يعني حاجه
وجيلك انتي
حيبقي حاجه
ومصر تبقي ألنهارده حاجه
وبكره حتما
حتبقي حاجه
وأي حاجه
وماتكونيش حاجه
إلا وسببها
فى الاصل حاجه
وبكره لمن
قمر كو يطلع
والشمس تسطع
فوق كل حاجه
حتقولوا
كان فى المكان دا ناس
فيهم طيابه
فيهم حماس
وفى الحماس
بعضش عباطه
وكانوا اخر الامر
ناس
وكان زمانهم سجون
وكانوا
مابين سجونه وامريكانه
وبين ضباب الطريق حياري
ما حد قادر يشوف مكان
حتقولوا كانوا
وياما كانوا
وياما كانوا
وياما شربوا
وياما عانوا
وياما جالهم
وياما جيلهم دفع
وكان التمن أمانه
ويا ما ناس فى المسيره
مشيت
وناس ف نص المسيره خانوا
حتقولوا كانوا
لكن يبقي فى الامر حاجه
ان اللى عربد
ما سابش حاجه
وساب كلابه
على كل حاجه
تهبش وتنهش
فى كل حاجه
ما قدرش يقتل فى أي حاجه
روح التفاؤل
بكل حاجه

 

 

[إكرام يوسف]

اقتباس المشاركة الأصلية كتبت بواسطة sanaa انا من الناس اللي بتحب نواره نجم جدا وبحب اقراء لها وعارفه انها بنت جدعه ولكن برغم هذا ارفض اسلوبها في الكلام ماينفعش الستات تتكلم بالطريقه دي حتي لو كانت حسنة النيه وانا اعتقد انها من النوع اللي في قلبها علي لسانها نفسي حد قريب ليها يقولها تغير اسلوبها

عندك حق.. لكن تفتكري ماحدش قال لها الكلام ده؟ فيه ناس كده مضطرين ناخدهم كباكدج على بعضه.. طالما مش بتبيع ومش مرتزقة ومش متآمرة على مصالح الوطن.. لا أقبل الألفاظ الخارجة من بنات أو شباب ـ والحكاية دي زادت قوي في شباب اليومين دول ـ وأرى أنها تسيء إلى قضيتهم أكثر مما تفيد.. وقلت هذا الكلام لعلاء عبد الفتاح .. لكن مواقف البطولة في تأييد الحق تجلعنا نحتملهم أكثر من بائعي الوطن بمنتهى التهذيب.. فاكرين أحمد نظيف كان راجل لارج وعمر ماطلعت منه العيبة ولا فتحي سرور.. أدب أدب يعني
بالنسبة لي شخصيا مش شايفة انه يا كده ياكده.. ممكن الناس تكون جريئة في الحق من غير استخدام ألفاظ خشنة.. ولا تفرق عندي بصراحة بنت واللا ولد.. الألفاظ الخارجة تؤذي الأذن والمشاعر سواء خرجت من شاب أو فتاة
شخصيا.. لا تعجبني أيضا ألفاظ نجم الخارجة.. ولا أتعامل معه منذ نابني منها رذاذ وأنا معه في قفص المحكمة عام 77.. لكنني أراهن بعمري على وطنيته وصدق شجاعته في الحق.. و لا أجادل في دور أشعاره الوطنية في إلهاب حماسنا نحن شباب الحركة الوطنية في السبعينيات

 

 

[إكرام يوسف]

على أي حال أثق في أن تاريخ هذه الفترة عندما يكتبه الشرفاء بأمانة.. سوف يتحدث عن دور اللصوص الفاسدين في نهب هذه البلاد بصرف النظر عن أدبهم اللفظي.. بينما ستكتب بحروف من نور أدوار أحمد فؤاد نجم والشيخ إمام ونوارة نجم وعلاء عبد الفتاح ونضالاتهم من أجل حرية هذا الوطن.. ولن يلتفت الناس كثير إلى قلة أدب ألفاظهم