Arabic Discussion Forum with a Special Interest in Travel and Immigration

Remon.soliman · 29th November 2018, 03:25 AM

دعوه لموضوعي

خايف أكون بضيع عمري
في حاجة تضر وماتفدنيش
خايف أرجع أندب أمري
وألقى طريقي نهايته مافيش

عارف شِعري عليك هينكد
سامع صوتك بيقول أسكت
يعني عايزني دايماً أنكت؟
لكن أما أزعل أكون واد تيت؟

عارف خوفي؟ ده خوف بيعافر
خوف بيفيد مش جبن عبيط
خوفي ده خوف طالب بيذاكر
خايف يوم يلبس في الحيط

ما هو أنا لو فاشل أخاف على إيه؟
ما هي كده وبايظة
وأهي كده ضايعة
وأن سخطوا القرد هيخسر إيه؟

لكن خوفي ده زي سؤال
وأنا شغال بتعب على هدفي
هو بيجي سؤال على البال
هو المجهود ده هينَجح؟
أمشي أكمل ولا أريح؟
ده علفاضي ولا راح أفرح؟
طريقي هيخلص حتى إن طال؟

عارف هتقول طب وأنا مالي؟!
ناقص غمك سيبني في حالي
تفرح تنجح تمشي تريح
مش ناقصاك ما كفاية عيالي

عارف مرة جه عمر طاهر
سأل أحمد خالد توفيق
طبعاً عارفه ده كاتب شاطر
قلمه ده ليه رونق وبريق

سأله ليه تكتب في كتاب؟
وإيه الدافع علشان تبدع؟
قاله علاج للاكتئاب
بكتب يأبني أحسن أفرقع

أصعب حاجة تكون في طريق
بس عينيك مش جايبة البر
ومافيش حاجة تبل الريق
تقولك كمل وإستمر

تسأل نفسك هل يستاهل؟
حيرتي وقلقي وتعبي يدوم
كفاية أوقّف ولا أواصل
بس أنا خايف أندم يوم

طيب تعبي علىّ يهون؟
واللي عملته أهده بيدي؟
حيرة تخلي عاقل مجنون
والنداهة علىّ تنادي

عايز الحق مادام ده طريق
أنت أخترته عشان يبنيك
يبقي كأنك خدته صديق
ولازم تعمل اللي عليك

أما إن كان طريقك مش صح
وبعينيك شوفت نهايته ضياع
يبقي رجوعك هو الفرح
وإن خدت قرارك؟ ده إبداع
ريمون سليمان

nanymigration · 2nd December 2018, 09:50 AM

الموضوع ميتستاهلش و كل واحد حر في قراره ..

حشيش · 2nd December 2018, 01:57 PM

اقتباس

المشاركة الأصلية كتبت بواسطة Remon.soliman


	خايف أكون بضيع عمري في حاجة تضر وماتفدنيش خايف أرجع أندب أمري وألقى طريقي نهايته مافيش ريمون سليمان

ليه يابو خالو الإكتئاب ده بس! - فرجه قريب - عندك موهبة فى الزجل أنصحك بتنميتها بقراءة المزيد لمشاهير الشعر والزجل زى بيرم التونسى مثلاً - كذلك إختيارك للصورة المصاحبة لهذه الأبيات موفقة ومنسجمة مع محتواها - إستمر فى تنمية موهبتك

Remon.soliman · 4th December 2018, 10:45 AM

دعوه لموضوعي

مطاريد الكويت

اقتباس

المشاركة الأصلية كتبت بواسطة nanymigration


	الموضوع ميتستاهلش و كل واحد حر في قراره ..

كلامي بيتكلم عن اي هدف مش شرط الهجرة

Remon.soliman · 4th December 2018, 10:46 AM

دعوه لموضوعي

مطاريد الكويت

اقتباس

المشاركة الأصلية كتبت بواسطة حشيش


	ليه يابو خالو الإكتئاب ده بس! - فرجه قريب - عندك موهبة فى الزجل أنصحك بتنميتها بقراءة المزيد لمشاهير الشعر والزجل زى بيرم التونسى مثلاً - كذلك إختيارك للصورة المصاحبة لهذه الأبيات موفقة ومنسجمة مع محتواها - إستمر فى تنمية موهبتك

الله يخليك يا عرب

Alanaa · 13th April 2020, 01:32 PM

روعة روووعة روح جميله منك
posted via mobile device

Remon.soliman · 17th June 2020, 10:01 AM

دعوه لموضوعي

مطاريد الكويت

اقتباس

المشاركة الأصلية كتبت بواسطة Alanaa


	روعة روووعة روح جميله منك posted via mobile device

شكراً للتشجيع المستمر كتر خيرك

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الهجرة العشوائية إلى أمريكا 2021	الهجرة بالفيديو	Remon.soliman	2	2877	18th October 2019 11:02 AM
حزب الكنبة l ريمون سليمان	أدب وشعر وقراءات متنوعة	Remon.soliman	0	3429	2nd March 2019 08:43 PM
ليه يا بلدي بتقتليني l ريمون سليمان	أدب وشعر وقراءات متنوعة	قمر الاصيل	4	9375	1st March 2019 09:03 PM
كيبك تقرر إلغاء أغلب طلبات الهجرة الحالية	مقاطعات كندا	Remon.soliman	5	3930	8th February 2019 08:12 AM
وزير هجرة كيبك الجديد يعلق استقبال طلبات الهجرة...	مقاطعات كندا	Remon.soliman	1	3200	27th January 2019 06:50 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

أدب وشعر وقراءات متنوعة

قصيدة خايف أكون بضيع عمري l ريمون سليمان