الاي فون .. عاوز افهم ايه هو البيز باند و الفيرم وير والفرجن

[M.ELGENDY]

السلام عليكم ورحمة الله وبركاته

بالنسبة للآيفون 3GS ما يختلفش كتير عن الآيفون 4 في حتة الفريموير او البيس باند ٫ بس فيه حاجة مهمة اسمحولي اني اشرحها عن الايفون بشكل عام

آبل لما صمموا الآيفون كانت اول شركة احتكرت المنتج هي AT & T في امريكا ٫ وعشان كدة بدأت آبل تصنع نوعين من الأجهزة عشان توزع للعالم:
١) Hardware locked
٢) Factory Unlocked
بالنسبة لأول نوع ده اللي بيكون محتكر من شركات الاتصالات زي AT & T ومتقدرش تشغل SIM بتاعة اي شبكة عليه إلا لما تعمله جيل بريك وتنزل patch اسمه yellowsnow بعد الجيل بريك من موقع Cydia وغالبا الطريقة دي بتشتغل مع الآيفون 3G و 3GS .. لكن لو حصل وعملت أبديت للبيس باند فقط ممكن هنا تتعرض ان ال SIM ماتشتغلش لأنه ال Yellowsnow patch is not updated و إذا مكنش فيه آبديت يبقى هتضطر انك تستعمل حاجة إسمها Turbo SIM بتتركب تحت SIM بتاعتك عشان تفك شفرة البيسباند اللي اتغيرت .
أما النوع التاني فهو اللي غالبا بيكون متوفر في معظم دول العالم وخاصة : بريطانيا ٫ استراليا ٫ والصين وده مش محتاج لا بيس باند ولا تربو سيم ..لأنه مفتوح من المصنع وحتى الشركات اللي قافلة تليفوناتها الSIM بتاعتها بتشتغل عليهم .. واتمنى اني اكون اوجزت في الكلام وان الفايدة تعم